правосудство – Kurir.mk

Повторно протести во Израел поради реформите во правосудството

Тале Кристо — Tue, 11 Jul 2023 08:59:52 +0000

Во Израел денеска почнаа протести против планираните владини реформи во правосудството. Демонстрантите утрово привремено блокираа неколку патишта низ земјата и извикуваа „Мораме да го запреме уништувањето на демократијата!“. Според организаторите, во текот на денот се планирани дополнителни собири. Во попладневните часови се очекува илјадници Израелци да се соберат на меѓународниот аеродром Бен Гурион во близина на Тел Авив. Кнесетот синоќа на прво читање го усвои клучниот дел од контроверзната судска реформа што ја бара Владата, по паузата во нејзиното спроведување поради масовните протести низ земјата. Целта е да му се одземе способноста на Врховниот суд да ги укинува одлуките на Владата кои ги смета за „неразумни“. По долга и жестока расправа пратениците таа одредба ја усвоија со 64 гласа „за“ и 56 „против“. Со гласањето заврши тримесечната пауза во која се водеа преговори со опозицијата. Паузата почна по серијата масовни протести на противниците на реформите и предупредувањата од светските лидери и други официјални лица дека демократијата на Израел ќе биде загрозена со одземање на овластувањата и независноста на Врховниот суд.

Муцунски: Правосудниот систем со луѓето кои раководат се политизирани и директно влијание на ДУИ, а второстепено и на СДС, и граѓаните и меѓународните претставници не му веруваат на ова правосудство

Тале Кристо — Fri, 30 Jun 2023 17:48:58 +0000

Сведоци сме во последниот период за низа скандали, дел објавени од медиумите, дел од нас како политичка партија. Видовме како внук на лидерот на владејачка партија купи деловен објект од 30 милиони евра, но тоа за институциите не е корупција. Видовме членови на владата како на свои брачни другари им продаваат државен имот, но тоа за правосудниот систем не е корупција, изјави потпретседателот на ВМРО-ДПМНЕ, Тимчо Муцунски за „Тема на денот„ во дневникот на Сител. Муцунски потсети дека покрај сите скандали видовме и скандалозен тендер за надзор за коридор 8 каде компанија која претходно произведувала долен веш, го доби тој тендер и гледаме како за институциите тоа не е корупција, и затоа на овој правосуден систем никој не му верува. Во однос на денешното апсење за поранешниот градоначалник на Центар, Владимир ТОдоровиќ Муцунски истакна дека истиот е за политички интерес и дефокус од суштината во моментот дека корупција имаме во секое поле, низа скандали, како и истиот потекнува од СЈО чиј прв човек сега е во затвор. - Првиот суштински проблем е фактот дека првата предистрага или истрага за овој предмет потекнува од СЈО, токму и обвинителот кој денес го видовме бил помошник, а сите знаеме во моментов каде се наоѓа госпоѓата која го предводеше тоа обвинителство и ги преземаше сите обврски од името на тоа обвинителство, Катица Јанева се наоѓа во затвор осудена за корупција. Од таа гледна точка одговорно тврдам дека секој предмет преземен од тоа обвинителство е политизиран и предмет на тоа кои се вистинските намери кои произлегуваат од истиот. Мое лично убедување е дека се работи за дефокус, обид за одземање на внимание од јавноста од тоа што во моментот се случува. Се прави дефокус о фактот што никој не зборува во институциите за купувањето деловен центар од 30 милиони евра од 24 годишно момче, дефокус од скандалозниот надзор за коридор 8, од низата скандал, членови на владата н свои партнери продаваат државно земјиште на седница на влада, рече Муцунски. Муцунски истакна дека низата скандали од кои голем дел се поврзани со ДУИ, за ниту еден од нив нема истрага, процедура, гледаме како истрагите по брза постапка се затвораат тоа го потврдува тоа што ВМРО-ДПМНЕ го говори дека во моментов правосудниот систем со луѓето кои раководат се политизирани и директно влијание на ДУИ, а второстепено и на СДС. - Мора да ставиме крај на овој процес, анкетите кажуваат дека граѓаните немаат никаква доверба во правосудството, но гледаме и изјави на претставници на меѓународната заедница, претставници на држави како јасно ни кажуваат дека има вистинска загриженост и по конкретни примери, за состојбите и немањето капацитет за коренити реформи, изјави Муцунски.

Гир: Изразуваме загриженост за сегашниот развој во правосудството

Ивона Петрова — Tue, 02 May 2023 18:26:01 +0000

За Европската Унија, како што кажав, владеењето на правото е фундаментално и ако имате компромитирано судство тоа ќе влијае во иднина на обидите на консолидирана демократија и градење на напредна и развиена економија. Сериозно и одблизу ги следиме случувањата во правосудството. Нема да навлегувам во деталите од Судскиот совет, не сум упатен во нивните дискусии и не би било прикладно да го правам тоа но би го кажал следново - Судскиот совет е многу важно тело, одговорен е за промовирање и одбрана на независноста, интегритетот и професионалноста на судиите и затоа е важно што работи, какви одлуки носи и како се однесува, изјави вечерва евроамбасадрот во земјава Дејвид Гир. Во однос на работата на Судскиот совет, Гир во гостувањето на ТВ Сител, вели дека многу е важно начинот на којшто работи тој, и, како што рече, во ниту еден момент да не стане предмет на надворешни политички вмешувања или финансиски интереси, зашто ако тоа се случи, според него, тогаш независноста на судиите ќе биде компромитирана, и конечно тоа ќе влијае на правото, генерално. -Како што кажав, нема да шпекулирам за конкретните случувања во Судскиот совет, тоа е нешто што тие треба да го регулираат, но ќе кажам дека е многу важно, сите членови на Судскиот совет секогаш да дејствуваат со потребното ниво на непристрасност и во интерес и обезбедување независно и професионално судство кое дејствува со интегритет. Не затоа што тоа го бара Европската Унија, туку затоа што е во интерес на граѓаните, рече Гир. На прашањето за ситуацијата со Советот на јавни обвинители, кои отворија етичка процедура против обвинителка која јавно ја критикуваше нивната работа и укажа дека постојат политички притисоци врз таа институција, вели дека предизвикот е ист и оти тие се одговорни за промовирање и одбрана на независноста, професионалноста и интегритетот на обвинителите и тоа, рече, е исклучително важна улога. -Во врска со конкретниот случај кој го споменавте, не ги знам деталите не сакам конкретно да го коментирам но би сакал да кажам дека е многу важно ако има свиркачи тие да можат да дејствуваат без страв од последици. Истовремено и свиркачите треба да бидат одговорни, оцени евроамбасадорот. Во однос на тоа дали земјава се движи во вистинска насока во реформите во правосудството, како што ЕУ очекува, тој повтори дека одблизу ја следат ситуацијата во редовните извештаи за земјава и даваат оценка како сметаат дека се развиваат работите. -Низ годините гледавме позитивен прогрес. Но, во последните месеци ние сме загрижени, видовме поголем број случаи, скоро како по шаблон на однесување, кои не се конзистентни со она што би го очекувале од земја која води преговори. Што мислам под земја која води преговори? Минатиот јули отворивте преговори за членство со ЕУ и тоа значи поинакви односи со високо ниво на посветеност. И очекуваме да видиме остварување на полето на владеењето на правото во позитивна смисла. И што мислам конкретно под загриженост? Тоа покрива широк спектар на проблеми кои беа и во фокусот на јавноста. Нема да ги коментирам конкретно но ќе споменам области на загриженост - видовме во многу случаи кои се однесуваат на корупција на високо ниво одредени повторувања на однесувањето - со враќање на повторено судење и пресуди, кои влијаат на застарување на случаите. Тоа е загриженост. Можеби има силни оправдувања за тие индивидуални случаи, но целокупната повторувачка пракса е загрижувачка. Исотвремено, гледаме настани во Судскиот совет, со Обвининтелството за организиран криминал и коруоција, и сите тие отвораат прашалници, нагласи Гир. За ЕУ, додаде евроамбасадорот, овој процес на пристапување ние ќе гледаме на овие прашања многу внимателно, низ микроископ, од денот број еден, до денот на зачленување во ЕУ, и затоа сите овие настани се следени и затоа изразуваме загриженост за сегашниот развој.

Реакција на Националната конвенција по повод актуелните случувања во правосудството

Катерина Бојаџиева — Fri, 28 Apr 2023 13:22:13 +0000

Националната конвенција за Европската Унија во Република Северна Македонија (НКЕУ- МК) која ја одржа својата 11 сесија на 24.04.2023 година ја изразува својата загриженост по повод актуелните случувања и дискусии во сферата на правосудството. Со оглед на специфичноста на тема на сесијата која се фокусираше на улогата на Судскиот совет и Советот на јавни обвинители во стекнувањето независност и интегритет во судството, како и на основите за одговорност, беа испратени покани до сите засегнати страни, како и до обете исклучително релевантни институции, кои, за жал, не одговорија позитивно на поканата. Дијалогот се реализираше со постојаните членови на работните групи (граѓански здруженија, судии, обвинители, претставници на адвокатска комора, професори, меѓународен експерт и други експерти) и може да се заклучи дека и оваа дебата, како и другите претходно, беше отворена, инклузивна и мотивирачка за сите членови да го изразат своето мислење со единствена цел да придонесат во обезбедувањето независност, самостојност и интегритет, како и одговорност на сите субјекти во сферата на правосудството. Изборот на темата беше дефиниран од аспект на тоа на две витални институции на правосудниот систем кои имаат голема улога и значење во остварувањето на високите стандарди и вредности на владеењето на правото – исклучително значајни за успехот на целокупниот евроинтеграцискиот процес на земјата. Ја потсетуваме јавноста дека НКЕУ-МК е платформа за институционализиран (структуриран) дијалог, кој се води меѓу различни чинители за Кластер1 „Темелни вредности“ и кој опфаќа пет поглавја што треба да придонесат за владеење на првото, остварување на правдата, јакнење на слободите и безбедноста и спречување и борба против корупцијата како посебно потенцирана цел. НКЕУ-МК веќе шест години дејствува успешно на планот на демократизација на преговарачкиот процес за членство во ЕУ, мотивирајќи ги експертите да ги идентификуваат, дефинираат и прилагодат европските решенија во нашите специфични услови. Досега во НКЕУ-МК се предложени над 600 решенија, со кои се детектираат фронталните линии за побрзо напредување во реформскиот процес во оваа област – исклучително значајна за почеток и за напредување на евроинтегративниот процес и тоа во сите кластери подеднакво. Нагласуваме дека почитувањето на правото на слободно изразување, отворените расправи за постојните проблеми и за подобрување на востановените практики, како и укажувањата за имплементација на темелните вредности (наведени во документот на Советот на Европа, се исклучително значајни за напредувањето за реформите во правосудството, но уште повеќе - од нив зависи и целокупниот преговарачки процес. Оваа Изјава на Националната конвенција за Европската Унија во Република Северна Македонија има цел да потсети дека критиките, заклучоците и препораките кои произлегуваат од инклузивниот дијалог се секогаш во интерес на подобрување на состојбите во македонското општество, уважувајќи ги целосно институциите и помагајќи ѝм да бидат посилни за сложениот преговорачки процес. Од перспектива на Новата преговарачка методологија каде е нагласена потребата од целосно транспарентен преговарачки процес со цел сите граѓани да бидат во тек со самиот процес, отворениот дијалог и охрабрувањето да се биде дел од него оди во прилог на афирмација, учење и примена на европските стандарди кои ќе треба да бидат дел од секојдневниот живот на граѓаните. Мисијата на НКЕУ-МК дијалогот во Поглавјето 23, Правосудство и темелни права е во насока на придонес за креирање на перцепција кај граѓаните дека напишаните правила важат и се применуваат од страна на сите. Примерот за почитување на правилата, сепак треба да дојде од правосудната сфера. Јавноста умее да го препознае тоа, а ние го препознаваме јавниот дискурс низ сесиите реализирани во Пглавјето 23. Национална конвенција за Европската Унија во Република Северна Македонија Членовите на програмските совети на работените групи Работна група – 3, Правосудство и основни права; Работна група – 4, Правда слобода и безбедност; Работна група – 6, Антикорупција.

ВМРО-ДПМНЕ поднесе 2100 амандмани на законите кои предвидуват зголемување на платите во правосудството

Тале Кристо — Mon, 20 Mar 2023 10:29:05 +0000

Пратеничката група на ВМРО-ДПМНЕ и коалицијата денес во Собранието на Република Македонија поднесе 2 100 амандмани со цел стопирање на 4-те закони со кои се предвидува зголемување на платите на судиите, на јавните обвинители, на членовите на Судскиот совет и членовите на Советот на јавните обвинители на Република Македонија, изјави ДЕНЕСКА пратеникот од редовите на ВМРО-ДПМНЕ Дајанчо Ефтимов. -Имено, во услови кога инфлацијата во државата е на алармантно ниво, кога стопанствениците едвај даваат плати на своите вработени, кога граѓаните едвај врзуваат крај со крај, новата Влада со очигледно стари навики, не отстапува од намерата да ги зголеми платите на судиите и обвинителите. Она што претходниот министер за правда Тупанчевски го започна, сега новиот министер за правда во Владата го продолжува. Очигледно, ова е награда од Владата за мизерните 3% доверба на граѓаните во судството. Ја прашуваме Владата, дали ова зголемување на платите на судиите и јавните обвинители ќе значи подобро судство, подобро обвинителство, намалување на бирократските процедури и побрзо решавање на судските спорови на илјадници граѓани? Одговорот на овие прашања е јасен и за нас и за целата македонска јавност. Наместо власта да ги засука ракавите и конечно да почне со реални и конкретни реформи во судството, власта решава и мисли дека со вакви ад хок решенија ќе ги поправат своите недостатоци и неработа. За да биде појасно, пратеничката група на ВМРО-ДПМНЕ и коалицијата не е против покачувањето на платите на судиите и јавните обвинители, но како одговорни пратеници реагираме од принципиелни причини бидејќи токму покачувањето на платите во судството треба да биде последната, а не првата мерка која што оваа Влада треба да ја направи. На крајот, уште еднаш ги повикуваме пратениците од власта да отстапат од оваа намера и конечно да почнат да ги решаваат проблемите на граѓаните врз база на приоритет и видливи резултати во правосудството, а не на база на партиско-коалициски договори, истакна пратеникот Ефтимов.

Пендаровски: Американскиот тим за санкции нема да ги среди работите во правосудството, тоа е наша работа

Ивона Петрова — Thu, 15 Dec 2022 12:20:06 +0000

Посетата на американскиот тим за санкции е во функција на скенирање на состојбите во судството, но политичката порака од тоа е дека треба сами да ги завршиме работите дома во таа сфера, вели претседателот Стево Пендаровски. Тој на новинарско прашање пред денешната панел дискусијата на Меѓународниот балкански универзитет во Скопје, истакна дека постои голема забуна околу тој тим, кој вели, не е тим на истражители, не се правници и тие немаа контакт ниту со обвинители ниту со политичари. -Тоа се дипломати од Стејт департмент. Доаѓале и порано, ќе доаѓаат и во иднина. Тие собираат информации за тоа што се случува во сферата на судството, и понатаму сосоема автономно, независно од нас, ја формираат таа тн. црна листа или листа на ентитети под санкции. И она што е најважната политичка порака, која сум ја кажувал и сакам да ја повторам, е ќе бидеме во голема заблуда, прво ние што сме одговорни политичари во моментов во Македонија ако мислиме дека некој друг ќе ни ја заврши таа работа. Тие колу пати и да доаѓаат не доаѓаат да ја завршат, мојата, вашата работа, или работата на судовите и обвинителствата. Тоа е сосема независна работа, исто како што е Извештајот за човековите права кој Стејт департментот секоја година го објавува, појаснува Пендаровски. Тимот за санкции од Вашингтон кој пристигна минатата недела во земјава, според објавите на американската амбасадорка Анџела Агелер, има за цел „поагресивен поглед на минатите и сегашните корумпирани актери и да ги разгледа сите можни одговори“, со оценка дека на правосудниот сектор во земјава му требаат повеќе истраги и гонење за да се покаже дека никој не е над законот. Пендаровски потврди и дека причината поради која е одложена посетата на советникот на државниот секретар на САД, Дерек Шоле на земјава е бидејќи заболел од ковид. Тој вчера телефонски разговорал со Шоле, а најавите се, вели, дека посетата на регионот, а во тие рамки и на Скопје, ќе се реализира на крајот на јануари, при што Шоле ќе биде придружуван од заменик помошникот државен секретар на САД и специјален претставник за Западен Балкан Габриел Ескобар.

Протест на УПОЗ во четврток и петок: Управата и правосудството нема да работат два часа, бараат линеарно зголемување на платите

Ивона Петрова — Tue, 05 Apr 2022 10:25:59 +0000

Вработените во управата и правосудството во четврток и петок ќе ја прекинат работата два часа, од 10 до 12 часот, барајќи исплата на минимална плата и линеарно зголемување на платите на сите вработени за 2.806 денари. Ќе се протестира во сите оние институции каде Синдикатот на УПОЗ има синдикални организации како што се министерства, агенции, фондови, управи и судови. – Ќе има прекин на работата. Известени се и Владата и министерства, сите работодавачи. Ги замолувам граѓаните на трпение, не е многу, два часа се, меѓутоа тие два часа можат да пораснат и да бидат осум часа прекин, рече претседателот на Синдикатот на УПОЗ, Трпе Деаноски на денешната прес-конференција. Во 95 проценти од институциите, како што посочи, се исплаќа плата под минималната, а во останатите пет проценти, дел не ја подготвуваат платата, а оние што веќе ја исплатиле, направиле грешки и исплатиле само минимална плата без стаж. Досега, од Владата не добиле покана за преговори, а притисокот од членството, како што посочија, е голем и се бара прекинот на работата да продолжи. – Се надеваме дека Владата и надлежните ќе имаат барем малку сенс и ќе направат напори овој период да разговараме и да најдеме начини за решавање на нашите барања, но изгледа дека Владата не е заинтересирана за преговори со нас, иако тоа го вети. Она за што предупредувавме минатиот пат се оствари и скоро во сите институции во управата и правосудството на вработените не им се исплаќа минимална плата. Досега, над 95 проценти од институциите продолжуваат со исплата на плата под минимална плата. Останатите пет проценти, дел не знаат што да прават и не ја подготвуваат платата, а оние што се потрудиле да исплатат минимална плата направиле катастрофални грешки во исплатата на истата. Повторно вработените од управата и правосудството остануваат единствените во државата со плата под минамалната плата, рече Деаноски. Како за пример дека институциите не го почитуваат Законот за минимална плата, од УПОЗ го посочуваат примерот со објавениот оглас од Министерството за финансии за референт писар за кое работно место е предвидена плата од 14.909 денари што е пониска не само од важечкиот износ на минимална плата од 18.000 денари, туку и од претходниот износ на минималецот од 15.142 денари.

Бишевац: Убеден сум дека Маричиќ нема да направи реформи во правосудството, власта нема политичка волја за тоа

Магдалена Андонова — Mon, 07 Sep 2020 18:42:08 +0000

-Заев беше на чело на реформите во правосудството и ако некој сноси вина за немање ни Р во правосудството тоа е Зоран Заев и очигледно министерката Дескоска која Заев сега ја шутна од владата заради тоа што не направи ништо, вели аналитичарот Сафет Бишевац во емисијата Само вистина на Канал 5, додавајќи дека е убеден дека сегашниот министер за правда Бојан Маричиќ нема да ги направи потребните реформи во правосудството бидејќи е потребна сериозна политичка волја а која во оваа држава се уште ја нема. -Јасно е дека таму нема реформи. И не сум сигурен, туку убеден сум дека Бојан Маричиќ нема да може да ги направи реформите во правосудството затоа што за тоа е потребна сериозна политичка волја која во оваа држава се уште ја нема. Таа политичка волја зависи од договорот меѓу СДСМ и коалицијата и ДУИ, додаде тој. Според Бишевац, единственото остварено ветување во изминатите три години од СДСМ и Заев освен укинувањето на радиодифузната такса, е лагата. -Единствената константа во ветувањата и во целото работење на СДСМ во изминатите три години освен укинувањето на радиодифузната такса е лагата, рече тој.

Мицковски: Невозможно е Македонија да ги реши поглавјата 23 и 27, односно, правосудството и екологијата

Тале Кристо — Mon, 18 Nov 2019 20:35:16 +0000

Значи вака, невозможно е, ама буквално е невозможно, Македонија да ги реши поглавјата 23 и 27, односно, правосудството и екологијата, пишува на својот Фејсбук профил поранешниот директор на Центарот за комуникации на СДСМ, Ивор Мицковски. Дополнително што оваа власт, на овие две приоритетни прашања, покажа најголем партиски интерес да останат под нивна волја и тотална политичка незаинтересираност да се подобрат. Така да, останува само да се молиме на датум за власта да може да мачка очи со некаков напредок. Со оваа, а богами и било која друга партиска власт или коалиција, особено ДУИ, овие две прашања Македонија не би можела да ги реши ни за 50 години, заклучува мицковски.

Професорот Миодраг Лабовиќ поднесе оставка од Советот за реформи во правосудството

Дарко Андоновски — Sat, 21 Sep 2019 11:15:21 +0000

Професорот Миодраг Лабовиќ информира дека денеска доставил писмена оставка од член на Советот за реформи во правосудството. Тој вчера на седницата на Советот ги информирал дека поднесува оставка, а денеска тоа го сторил и писмено. Оставката е како што вели од морални причини, односно заради неможноста за одвивање на вистинска дебата во која со рационална конфронтација на аргументи базирани на логичките принципи, кои се поврзани со неспорни емпириски факти, со силата на аргументите ќе бидат утврдени најоптималните стратешки насоки во заклучоците од работата на советот. – Веќе подолго време укажувам дека моите предлози за нови стратешки насоки и ревидирање на некои од веќе постоечките во Стратегијата за реформи на правосудството (2017-2022), претставуваат генерални концепциски тези, кои и самите можат да бидат оспорени и заменети со уште подобри, а доколку нема такви, нивната суштина треба да биде запазена. Меѓутоа, во процесот на дебатирање можат да бидат пронајдени и подобри модификации во детали помеѓу бројните варијанти на конкретни предлог-решенија за операционализирање на самите стратешки насоки, отколку што се тие предложени од авторот. И покрај тоа, изостана спремност за вистинска дебата, која ќе ги исцрпи сите валидни аргументи и контра-аргументи во функција на јавниот интерес, наспроти разноразни други интереси и/или неподготвеност за дебата. Длабоко сум убеден дека врз база на аргументи и факти може да се дојде до валидни заклучоци за најоптимални стратешки насоки, ако постои интелектуална способност за „сложување на коцките во сложениот мозаик“ и свест за јавниот интерес изразен преку вредносниот консензус за заемно прифатените цели, како што се владеење на правото, борба против високата корупција и институционалниот тип на организиран криминал, пишува Лабовиќ. Тој додава дека не може да го прифати аргументот дека Владата не може да усвои стратешки насоки, колку и да се тие издржани, ако за тоа се потребни уставни измени. – Ваквиот став искажан од министерката за правда и претседавач со советот Дескоска, беше дополнително образложен со тоа дека секое ставање на уставни измени во стратешка насока можело само дополнително да го обремени процесот на преговори со ЕУ при отварање на поглавјата и да ни создаде непотребни тешкотии, имајќи го предвид фактот колку тешко одат преговорите со опозицијата за обезбедување двотретинско мнозинство за Законот за ЈО. Мојот резон е обратен: ЕУ не може да бара од нас нешто што не е предвидено како услов во „бенчмарковите“ и претставува за неколку класи поквалитетно решение од стандардните решенија, кои ЕУ ни ги задава како минимални прагови под кои не може да се оди. Напротив, со проектирањето на најоптимални стратешки насоки Владата ќе искаже јасна подготвеност спрема ЕУ и другите меѓународни партнери дека се стреми кон најоптималните можни, реално одржливи и практично спроведливи решенија, со кои ЈО и судството ќе бидат целосно одвоени од политичките партии. А, не како сега да преговара со опозицијата за ЗЈО, за кој исто така е потребно двотретинско мнозинство, а се преговара за далеку понеквалитетни решнија предвидени уште во изборната програма на актуелната владеачка партија. Што се однесува до опасноста дека опозицијата (без оглед која и да е таа сега или во иднина), ќе го кочи процесот на донесување уставни измени, без оглед колку и да се тие издржани, сметам дека во таква хипотетичка ситуација недвосмислено ќе стане јасно дека опозицијата настапува со декларативни заложби зад кои се кријат други лукративни интереси од дневно-политичка, тесно-партиска и лична природа. Според тоа, гледано дури и од аспект на чисто партиски бенифит, Владата што ќе има „три пара мудра“ државничка храброст да проектира вакви стратешки насоки може да има само политичка и секаква друга корист, а не штета, вели ЛабовиЌ. Тој додава дека стратегиите се проектираат долгорочно со цел за создавање стратешки насоки, како репери-визии и идејни правци кон кои што ооштеството ќе се стреми при имплементирањето на системски стабилни решенија. Додека, прашање на тактика на владите е да определат динамика (рокови), најпогодни политички моменти во конкретно дадена констелација на политички сили и односи, како, на кој начин ќе ги спроведат конкретните решенија предвидени во стратешките насоки. – Се разбира, во тактиката спаѓа и обезбедување на двотретинско мнозинство за неопходните уставни измени и системски закони. Во случај, ако од објективни причини некоја Влада не може да обезбеди двотретинско мнозинство, никој нормален ниту во домашната ниту во меѓународната јавност не може да обвини ниедна Влада затоа што проектирала стратешки насоки со уставни измени, а не успеала да освои на избори доволен број пратеници за тоа. Сегашната ситуација во која ЕУ го поставува како своевиден услов усвијувањето на ЗЈО повеќе е поврзано со тековната потреба од воспоставување континуитет за предметите на СЈО. Инаку, актуелната влада има искуство за обезбедување двотретинско мнозинство кога беше во прашање промена на уставното име. Зошто не би се обидела и сега, за прашања кои се од многу повитален национален интерес на најголем дел од граѓаните на Македонија, ако се знае дека целта на овие уставни измени е значително подобрување на владеењето на правото, како најбитен предуслов без кој што не може да се решат сите други наши најголеми општесвени проблеми, пред сѐ во економијата, здравството, екологијата, образованието, медиумите, социјалата, меѓуетничките односи и сите други сфери од јавен интерес. Неприфатливо е, барем за мене, главните чинители во општеството да се залагаат за длабоки системски реформи во правосудниот систем, како еден од круцијалните сегменти на системското владеење на правото, а притоа крајниот лимит на реформите да го гледаат во донесување пакет-закони, кои се однесуваат само на процедурални, организациски, квантитативни и квалитативни кадровски и материјално-технички прашања. Овие измени секако дека се потребни, но очичгледно е дека не се пресудни за квалитативниот исчекор кон целосна ревитализација на нашето правосудство, без подлабоко, квалитативно зафаќање во структурите на правосудниот систем и неговите потсистеми, со цел за обезбедување внатрешна и надворешна независност на правосудните институции и што е уште поважно – развиен систем на поделба на власта преку меѓусебна контрола и баланс на моќта меѓу клучните државни институции на највисоко државно ниво, пишува Лабовиќ за оставката. Извор: Плусинфо