празни трибини – Kurir.mk

Баерн поради пандемијата ќе игра пред празни трибини

Дарко Андоновски — Tue, 30 Nov 2021 13:11:50 +0000

Германскиот фудбалски шампион Баерн Минхен најверојатно во периодот што следи своите домашни натпревари ќе ги игра без публика, откако таква одлука поради зголемениот број заразени со коронавирус денеска најавија властите во сојузната покраина Баварија. Баварскиот премиер Маркус Зедер посочи дека оваа германска сојузна држава ќе забрани присуство на навивачи на спортските терени, дури и во случај да не биде постигнат договор за тоа на државно ниво. – Бесмислено е повторно да ги пуштаме навивачите барем во наредниот период. Доколку не успее договор на сојузно ниво, ние таква одлука ќе донесеме само за Баварија, најави Зедер за локалните медиуми. Баерн следниот натпревар на домашен терен го игра на 8 декември против Барселона, во рамки на последното коло од групната фаза во Лигата на шампиони.

Финалето на „Копа Либертадорес“ на „Маракана“ пред празни трибини

Тале Кристо — Wed, 06 Jan 2021 14:55:34 +0000

Финалето на овогодишното издание на „Копа Либертадорес“ ќе се игра на легендарниот бразилски стадион „Маракана“ пред празни трибини, соопшти Јужноамериканската фудбалска конфедерација (КОНМЕБОЛ). – Коронавирусот и натаму се шири низ Јужна Америка и затоа актуелната состојба со Ковид-19 не ни дозволува овој толку важен натпревар да го организираме во присуство на публика, дури ниту пред ограничен број на гледачи, оцени КОНМЕБОЛ Во првото полуфинале на „Копа Либертадорес“, бразилски Палмеирас синоќа триумфираше во Буенос Аирес над Ривер Плата со 3:0, стекнувајќи убедлива предност пред реваншот на 12 јануари во Сао Паоло. Во втората аргентинско – бразилска полуфинална пресметка, Бока Јуниорс вечерва е домаќин на Сантос, а реваншот ќе се игра на 13 овој месец. Финалето на „Копа Либертадорес“ е на програмата на 30 јануари.

Клоп се надева дека фудбалот пред празни трибини ќе се игра само неколку месеци

Дарко Андоновски — Sat, 16 May 2020 18:14:03 +0000

Тренерот на Ливерпул, Јирген Клоп се надева дека фудбалот без гледачи на стадионите ќе биде само неколку месеци. – Секако дека сите ние сме започнале да играме фудбал без навивачи и ја сакавме оваа игра не заради атмосферата на стадионот. Сепак, знаеме дека играњето со навивачи е вистински фудбал, но сега ако не можеме да играме во овој формат во следниот период, ќе издржиме, со надеж дека тоа ќе биде само неколку месеци. Викендов по двомесечна пауза продолжи првенството во Германија, а продолжението на Премиер лигата можно е да се случи во јуни.

Валенсија – Аталанта пред празни трибини

Тале Кристо — Thu, 05 Mar 2020 18:54:38 +0000

Реванш натпреварот меѓу Валенсија и Аталанта што е закажан за вторник (21 ч.) на „Месталја“ во осминафиналето во фудбалската Лига на шампиони ќе се игра пред празни трибини поради опасност од коронавирусот. – Одлуката за играње зад затворени врати на „Месталја“ е конечна и неотповиклива. Тоа не е прашање за контрола на оние кои ќе влезат на стадионот. Тоа е прашање на јавно здравје што се однесува на сите, рече Ана Барцерло, регионална министерка за спорт, во образложение на одлуката. Првиот натпревар меѓу Аталанта и Валенсија заврши со убедлива победа на екипата од Бергамо со 4:1.

ОФИЦИЈАЛНО: Сите мечеви во Серија А викендот пред празни трибини

Дарко Андоновски — Wed, 04 Mar 2020 18:08:01 +0000

Италијанците постигнаа договор да нема прекин на Серија А поради ширењето на коронавирусот, но мечевите во претстојниот викенд да се играат зад затворени врати за публика. „Првенството продолжува, но без присуство на гледачи. Ќе се обидеме да не ги запреме спортските активности, меѓутоа мора да мислиме на здравјето и заштитата на навивачите и на спортистите“, изјави италијанскиот министер за спорт, Винченцо Стадафора. Претходните денови имаше откажувања бна бројни спортски настани во Италија за што и се свика денешниот итен состанок на клубовите со Стадафора, бидејќи е загрозена и регуларноста на првенството.