преболување – Kurir.mk

Овие мажи најтешко ги преболуваат поранешните партнерки

Ивана Ефремовски — Sat, 26 Mar 2022 19:57:04 +0000

Додека некои луѓе со радост гледаат кон иднината и се концентрираат исклучиво на сегашноста, други не можат толку лесно да го заборават минатото. Мажите родени во овие три хороскопски знаци тешко ја преболуваат поранешната врска и цел живот не можат да ги исфрлат поранешните партнерки од глава. Рак За мажите родени во знакот Рак, разделбите се вистинска ноќна мора и многу тешко можат да се ослободат од сенката на поранешните врски. Тие многу се вложуваат во врската и сонуваат засекогаш да бидат со својата љубов. Копнеат по сигурност, па затоа тешко им е да излезат од врска со некого. Нивната сензибилна и романтична душа ги тера да ја идеализираат својата прва љубов. Лав Мажите родени во знакот Лав не го подаруваат лесно своето срце. Но кога ќе се вљубат во некого, подготвени се да направат апсолутно сѐ за својата партнерка и веднаш сакаат да го поминат целиот живот со неа. По раскинувањето, многу тешко прифаќаат дека ништо веќе нема да биде како порано. Од страв повторно да не бидат повредени, многу внимателно влегуваат во нови врски и често сонуваат за старите добри времиња со поранешната девојка. Стрелец Врската со слободна душа каква што е Стрелецот не е воопшто едноставна. Припадниците на овој знак многу брзо и често се вљубуваат, но и тешко се одлучуваат да започнат цврста врска. Првата голема љубов некако успеала да ги врзе за себе и тоа никогаш нема да го заборават. Таа за него била едноставно совршена (иако и со неа ги имал истите проблеми како и со вас).

Експертите советуваат: Ова е единствениот вистински начин да го преболите вашиот поранешен партнер и да продолжите понатаму

Магдалена Андонова — Thu, 25 Mar 2021 18:15:00 +0000

Без разлика дали конечно сте пронашле сила да раскинете со некој што не е за вас или ве оставила личност со која мислевте дека ќе го поминете остатокот од животот, ви претстои тежок период. Тешко е да продолжите понатаму и да се оддалечите од личноста со која неодамна правевте планови за иднината. Колку и да е тешко, според експертите, постои сигурен начин да се надмине овој период и да се продолжи понатаму. 1. Нема веќе контакти со поранешниот партнер Ова правило се спроведува точно како што звучи. Мора да го прекинете секој контакт со поранешниот. Иако ова може да биде предизвик, ако не и невозможна мисија, за некои, за луѓе кои биле во долга врска со брак, заеднички дом или деца, експертите советуваат дека тоа е единствениот начин навистина да се продолжи понатаму. Продолжувањето на разговорот со поранешниот партнер или прелистување на нивните социјални мрежи ќе ја запре тагата некое време, а кога тоа ќе престане, кога ќе изгубите контакт, ќе биде уште полошо за вас. 2. Разговорот со порнешниот партнер ве поврзува повторно Иако психотерапевтката Ејми Собелман признава дека нагонот за повторно поврзување е сосема природен по раскинувањето или разводот, таа додава дека заминувањето без контакт им дава на луѓето време и простор потребни за прилагодување. Зборувањето со вашиот поранешен партнер подоцна само ќе ја зголеми тагата, бидејќи ќе останете врзани за него. Тaa исто така истакнува дека е важно да се разбере дека испраќањето пораки и повици не ви користи, бидејќи тие можат да и наштетат на вашата самодоверба. 3. Важно е да запомните зошто воопшто раскинавте Да, поранешните партнери можат да бидат пријатели, но не веднаш по раскинувањето кога ви треба време да тагувате и да преболите сè. Кога ќе почувствувате дека ви недостасува вашиот бивш и сакате да стапите во контакт со него, запомнете ја причината зошто ја завршивте вашата врска. Имајте на ум дека контактирањето со нив нема да ја промени причината за раскинувањето. - Искористете го тоа време да се лекувате и да се фокусирате на себе и на она што го сакате во врската следниот пат, вели експертот за врска и комуникација Клои Балаторе. 4. Недостигањето не е знак дека треба повторно да се приближите Лесно е да се интерпретираат одредени чувства како знак на нешто поголемо, но тоа не е секогаш така. Експертот за партнерство Мери Марфи вели дека сите треба да имаат предвид дека недостигањето на поранешен партнер не е знак дека треба повторно да бидете заедно. - Тагата и копнежот за комуникација се чести по раскинувањето, но тие не се причина за помирување. Чувството на тага поради крајот не е знак дека раскинувањето беше лоша идеја - тврди Марфи. 5. Отстранете сè што ве потсетува на вашиот поранешен партнер - Спакувајте ги сите сувенири, подароци, слики и други потсетници за врската, затворете ја кутијата и ставете ја настрана. Кога ќе го преболите бившиот, можете да го извадите и да одлучите што сакате со него - предлага Марфи. Експертите исто така сугерираат да ги пополните вашите денови за да имате помалку време да размислите како да контактирате со поранешниот партнер.

Ова се најдобрите начини да го преболите раскинувањето

Ристе Здравков — Mon, 03 Sep 2018 20:45:17 +0000

Секоја личност на различен начин се справува со скршеното срце, но сите знаеме дека тоа е една од најлошите ситуации во кои можеме да се најдеме во животот. Постојат многу начини како да си помогнеме себеси во таквите моменти, но некои функционираат, некои пак не. Сепак, науката има одговор. Истражувачите на универзитетот Мисури анализирале три најчести стратегии кои луѓето ги користат за да ги преболат раскинувањата. Следеле 24 испитаници на возраст од 24-37 години кои прекинале врски кои траеле помалку од 3 години. Тие биле поделени во четири групи, со што се сосредоточиле на еден од трите механизми на справување со болката. Првата група истакнала дека имале негативни размислувања за своите бивши. Вторите го прифатиле тоа што се случило и признале дека чувствуваат љубов кон партнерот од таа врска, а третите пак се фокусирале на работи кои не се поврзани со прекинатата врска. Четвртата група не спаѓала во ниту една од првите три. Потоа од испитанциите било побарате да пополнат прашалник, со тоа што ќе се направи обид да се измери емоционалната поврзаност кон бившите партнери. Истражувачкиот тим утврдил дека сите стратегии функционираат, но дека постојат ограничувања. Првата група истакнала дека почувствувале помала љубов, но дека биле многу негативно расположени. Вторите не се чувствувале подобро и нивната љубов кон поранешниот партнер не се променила. Третата група пак рекла дека се чувствувале посреќни, но дека таквиот пристап не променил што чувствуваат во однос на бившите. Ова истражување покажува дека ниту еден од овие методи не претставува добро долгорочно решение, но дека тие би можеле да го олеснат прекинот на врската. Всушност, според научниците, преболувањето не се случува преку ноќ, односно треба време за тоа.