предавство – Kurir.mk

Нинова: Владата на ПП-ДБ и ГЕРБ-СДС е едно од најголемите политички предавства во последните години во Бугарија

Тале Кристо — Thu, 25 May 2023 11:25:30 +0000

Владата на ПП-ДБ и ГЕРБ-СДС е едно од најголемите политички предавства во последниве години, коментираше денеска лидерката на БСП, Корнелија Нинова, во врска со можната влада на „Промените продолжуваат-Демократска Бугарија“ (ПП-ДБ) и ГЕРБ-СДС, јави БТА. -Промените продолжуваат“ се создадени за да се смени претходниот модел на владеење на задкулисни игри и паралелна држава, а место - да ги искористам зборовите на претседателот, „соочи се надвор“ – се доби „соочи се внатре“, посочи таа. „Ова е ротирачка коалиција на омерта, тие едноставно самите ќе си ги чуваат грбовите“, смета Нинова. -Нема да поддржиме таков владин кабинет. Ако се состави, ние остануваме во опозиција. Сметаме дека ова е едно од најголемите политички предавства во последните години во бугарската политичка историја, рече лидерката на БСП. „Можете да имате ротација на премиерот, можете да имате ротација на претседателот на Народното собрание, не можете да имате ротација на моралот во политиката“, заклучи Нинова. Според неа, ова што сега го прават двете коалиции е гаранција за уште поголема нестабилност и хаос над хаосот. -Затоа што замислете си за девет месеци менувате премиер, дали ќе менувате министри, регионални гувернери, праша лидерката на БСП. На прашањето дали БСП ќе обезбеди уставно мнозинство за реформите во правосудството, Нинова ги повика прво да кажат што сакаат да се смени во Уставот, бидејќи досега идните коалициски партнери биле прилично збунети.

Украинец осуден на 11 години затвор поради предавство, еве што направил

Ивана Ефремовски — Wed, 28 Dec 2022 13:31:37 +0000

Судот во Украина осуди украински државјанин на 11 години затвор поради што на руските трупи им доставувал информации за локациите на засолништата и за позициите на украинските сили, соопшти денеска Украинската служба за безбедност (СБУ). Осудениот, кој беше уапсен во март, одавал информации за подрачјето околу градот Краматорск во областа Доњецк. Според СБУ, руските сили имале намера „да ги искористат добиените информации за подготовка и извршување на ракетни напади врз Краматорск“. На почетокот на овој месец, 15 жители на окупираните делови на регионите Луганск и Доњецк кои „доброволно им се приклучија“ на руските војници по 24 февруари беа осудени на 15 години затвор за предавство. (МИА)

Девојката која не знаеше да каже НЕ

Љупчо Цветановски — Thu, 21 Jul 2022 15:20:58 +0000

„Две чрвени“ е синоним за едно време, децениски долг период поради кој денеска, ни крви ни должни, Бугарите „ни враќаат.“ Небаре, ние сме виновни за нивната катастрофална економска ситуација низ десетлетијата кои тие ги минаа во Варшавскиот пакт. Време кога за нив бевме она што географски и менталитетски сме – ЗАПАД. Основата на новокомпонираната омраза кон Македонија е материјализирана во фразата „две чрвени“, екс Ју банкноти со кои можевте да купите бугарска куртизана, дама на ноќта од софиските улички на црвените фенери, армија несреќници која ја произведе катастрофалната економска состојба во матичната им земја. Констелација и клета сиромаштија, за што и во кои Македонија немаше никаков удел, ниту вина. Арно ама, сегашните бугарски политичари генерациски се оние кои растеа со таа нивна тажна вистина за Македонецот од соседната СФРЈ кој можеше да дојде во нивната земја и, па макар бил и обичен работник, да мине како некакво височество во бугарските кафеани, Цумови и ред други работи... И таа прикаска, беше таква не до пред еден век, туку до крајот на првата деценија од почетокот на третиот милениум од н.е., некаде до 2008 или 2010-та, кога се’ уште со една македонска плата можевме да си поминеме фантастично кај источниот сосед. И тогаш, влезот во ЕУ им означи кураж, дотур на пари и инстант-расселување на една четвртина Бугари во ЕУ, што значеше и зголемување на цената на работната сила дома. И така, Бугарите со малку повеќе паричка, не многу повеќе од Македонецот, се искурназија, ама комплексите од минатиот половина век останаа да болат, да жегаат и печат. Кога, пак, се потсетија на минатото, кое го немаа или беше грдо, си ја крадеа македонската историја, кога сфаќаа дека немат убави песни, ги преземаа македонските, кога ќе им текнеше дека секогаш биле на погрешната страна на историјата, уште повеќе и со две раце и ненаситно ја крадеа нашата. И градеа митови, фалсификуваа, лажеа, клесаа букви на камени розети, допишуваа реченици на стари записи (со нови, тогаш непостоечки термини), си присвојуваа цареви, светци, револуционери кои ги плукале до смрт, си го полнеа општеството и највисоките функции со чисти Македонци за да ги асимилираат другите, корнеа, муљаа и брусеа. Непребол бугарски. И сето тоа си тлееше, си чадеше пустиот непребол, а тие си чекаа шанса да ни вратат за нивните комплекси за кои ние никогаш и не сме биле виновни... И ја дочекаа. Шансата имаше име и презиме. Се викаше Зоран, првиот од многуте одроди кои ќе го трасираат патот на бугарската одмазда, предавникот нумеро уно чии гавази први со брусалка го избришаа „бугарски фашистички“ од куршумот кој го пронижа струмичкиот херој Благој Јанков Мучето. Сето ова во 2013-та година, време кога уште не ни беше на власт. Да, виновни беа и Грујо и компанија што уште веднаш не го затворија и фрлија клучот, ама грешки имаше многу. Е, тој Заев беше првиот лик маскиран во Македонец кој го купија за „две чрвени“ и слобода, а останатата плејада криминогени предавници едноставно се мултициплираше и изнедри од неговата појава и лезетот/амнестијата од сенката на странскиот чадор. Армија двочрвенски суртуци кои сфатија дека со продажбата на идентитетските одредници и светии ќе станат функционери, пратеници, министри, директорчиња. Она што според своите квалитети никогаш не требало и не смееле да бидат... И така, бандата тогаш само комуњари и потенцијални идни северџани, разбра дека патот кон успехот е многу лесен. Само слушај си што ќе ти кажат и изврши, продај си ги народот и татковината, извртувај, агресивно напаѓај, арогантно и ступидно држи се ко слеп за стап за идиотската и напишана од друг приказна, гини за идиотските сценарија и... И светот е твој, си успејал во животот. Барем, според мерилата на бандитите од Бихаќка. Армијата бадијалџии и неработници, сите со IQ33, го навасааа и облетаа Црпко, па му се фрлија во прегратка и под нозе разно разни Димитровци, Филипчиња, Рашковци, му целиваа раце неписмени Катици, Дончевци, Мухиевци, Бокиња, Димовки, Шилеговци и друга лукративно-опортунистичка болумента, чета маргиналци кои видоа шанса да си ги остварат сништата... Ок, дел завршија пред суд, дел и со микро казни, ама сонот им се оствари, беа главни, беа министри, обвиниели, секретари, градоначалници. Кој од кој поголем штетник за државата... И на крај, кога никој не сакаше да биде суртукот кој ќе ја доврши работата со Бугарите, оној кој ќе треба да уринира врз гробовите на нашите дедовци и предци, човечето кое ќе треба да ја дозакопа Македонија, сервилно да ја промени историјата, да ги бугаризира учебниците, да ги круниса спомениците со нови идиотски плочки, безрбетно да донесе милениумски срам и арам, резил до бескрај, се појави најлесната и најевтина девојка, цуца која никогаш, ни на сон, не рекла и не ни планирала некому да рече НЕ, еден и единствен „ПРЕМИЕР ЗА ДВЕ ЧРВЕНИ“ (или беа две меѓувладини конференции?). Сценаристот бил пресреќен што нашол ваква политичка ултра-проститутка и сомнително ликче без чувство на срам, скрупули ни за лек, ајван кој за да биде премиер макар половина година (цела му е премија) ќе даде се’, политикант без трунка чест, гордост и достоинство. Еден во милијарда. И би и најголемиот политички мисир во поновата историја на човештвото, марионета која силно ги засени и збриша Видкун Квислинг и Маршал Патен. Престолонаследник Ќуран кој го стави во длабока сенка дури и својот ментор, гуру и монарх Заев... И така, премиерската Мадам во опкружување на цела влада „две чрвенски“ лесни ликови, ни го приреди наголемиот резил во историјата, булазнејќи шизофренично дека го остварил сонот на асномците и илинденците?!?!? Најави ли со ова антимакедонскиот мисир дека тој и бандата предавници ќе си одат од Македонија? Затоа што, тоа бил сонот на илинденците и асномците – сонот за независна, суверена Македонија, слободен богоугоден македонски народ и да ги снема предавниците кои цела божја историја ни задавале и ни задаваат силни главоболки, генерирајќи силен гнев, бес, чемер и јад. Всушност, кога ќе размислите, македонските дами на ноќта, оние гревчиња кои гравитираат пред МРТВ и нудат сексуални услуги под зградата на МВР на Спасовски, тие напатени душички имаат милион пати поголемо достоинство и чест од Тачиевите двечрвенски партиски содругари од СДССССССССССССС. Повеќе личат на оние од забеганата светска порно индустрија. И северџаните, како и порно ѕвездите, тоа што го прават го чинат јавно, без срам и пред очите на сите. Затоа, како што најавивте и ветивте – по остварувањето на сонот на илинденците и асномците, т.е. откако ќе фатите џенем од нашата Македонија, сите на купче и во пакет со таа ваша северна - сиктер во порно индустријата, таму ве очекува одлична, богата кариера, супер место за бессрамни “deep throat“ таленти подготвени на се’ и дилајли кои голтаат без да џвакаат. И не грижете се, чадорот ќе ви среди за аудиција, со вакви квалитети само небото ви е граница. Или тињата ќе да беше...

Осомничен за предавство: Убиен Денис Киреев, член на укринската преговарачка делегација (ВОЗНЕМИРУВАЧКА ФОТОГРАФИЈА)

Ристе Здравков — Sat, 05 Mar 2022 16:17:51 +0000

Денис Киреев, член на делегацијата на Киев во преговорите со Русија, бил ликвидиран од Службата за безбедност на Украина, пренесува Izvestja.ru. Според зборовите на пратеникот на Врховната рада на Украина, Александар Дубински, Киреев бил осомничен за предавство, а при апсењето бил убиен. Засега нема официјална потврда за оваа информација.

The SBU liquidated a member of the negotiating group of Ukraine Denis Kireev. He was suspected of treason. Kireev was killed in custody. pic.twitter.com/LKsCUn0UZq
— The Name (@small_float) March 5, 2022

Украинските медиуми, пак, јавуваат дека Денис Киреев, член на првата делегација на Украина, е мртов. Бил убиен во Киев во близина на судот во Печерск. Засега нема официјални информации за причината за убиството и за одговорните за истото, вели украинската страна.

Ново предавство во најава

Љупчо Цветановски — Wed, 12 Jan 2022 14:16:44 +0000

Немало дерман. Ново чудо пред Стара-Нова Година. Да не ви се верува, ама и Димитров се помакедончи. Да, потписникот на преспанската капитулација, најголемото понижување на македонскиот народ и Македонија, повторно така апансас стана член на столченото племе на Конески? И сето тоа така случајно на тригодишнината од собраниското прокнижување на предавството во Нивици? Многу прашалници? Не, не, многу повеќе се... Во моментот кога Нино од Димитрови кажа дека Бујар имал аспирации да даде се’ што не треба за да ја одоброволи Софија, никој не се зачуди. А, чуму и би се зачудил, зарем некој нормален мислеше дека Османи е загрижен за историјата на своите сограѓани, дека се „секира“ околу националните македонски светии? Јок, никогаш никому такво нешто ни на ум на паднало. Очекувано. Арно ама, најавата за ново велепредавство срочено од пророкот Нино, на чија насмевка и гушки со Коѕијас јасно ко ден се сеќаваме, има друга тежина во себе. Се вика НОВА ВЛАДА. Пустата, пак, е нова ко ланскиот снег. Сепак, може има и нешто ново во неа, а? Дали зборуваме за влада за НОВО ПРЕДАВСТВО? Веројатно, многу северџано-логично... Е, сега ви станува ли јасно зошто Заев избега? Уште појасно зошто усвета од владата фатија и Шеќеринска и Димитров. Јасно ли ви е зошто владата е составена од анонимни дилајли кои реално, според квалификаците и претходните им кариери, требало да бидат пресреќни доколку некогаш се вработеле и на портирница во истата таа влада? Со сета почит кон портирите, извинете за навредата и споредбата со дотичните... Не знам зошто, но уште кога Заев најави оставка, вечерта на локалните избори, првата помисла ми беше таа, не дека е доблесен или има трунка морал во него. Пишував за тоа дека некој бега од предавството кое би било премногу дури и за еден таков докажан, истрениран и непоколеблив предавник. И тој да ти имал мерка, верувале или не, или поверојатно пакува куфери за да бега некаде... И што сега? Сега Димитров ќе глуми патриот и ќе повикува на будност ли? Го сменија и Бучковски, се радуваа луѓе. Не, верувајте дека не е за радување. Каков-таков, веројатно ни тој немал толкав степен на безрбетност за да ја проголта бугарската национал-шовинистичка шампита со датум на врвот. Очекувајте на негово место некој Беличанец, Малески, Зиков, Тричко ли. Има избор на такви фацки, за тоа не се грижете, со лопата да ги ринеш. А екипата на Таче Ковачевски, Бисера од Марс, Славјанка Лажни Вести, Љупче Путер, Оливер Мафијашки, Бојан Неправда и остатокот на бандата останала само и само заради квалитативот наречен послушност и беспоговорно извршување на задачите. Тие не ни читаат, тие потпишуваат. Оком-скоком. Очебијно, никој друг не сакал да се нафати на забеганата задача за самоуништување. Армија северџански камикази. Чичко Кумплунг вода да им носи. Сето ова доаѓа во комбинација со антимакедонски пакет филуван со Артан Нежни и Бујар Османи. Господ нека ни е на помош, ама не е на одмет и ние нешто да сториме против злодејанијата во најава на антимакедонската и антидржавна банда. Бидете будни! Си прави Нино пи-ар или нешто навистина големо/антимакедонско се случува, будноста е неопходна, четири очи отворени. Велат, од многуте лоши навики во светот на безрбетните, предавството да ти било една од најлошите и најтешко излечливите...

ВМРО-ДПМНЕ: Заев да се откаже од ново национално предавство со Бугарија, народот нема да прифати откажување од јазикот, историјата и идентитетот

Магдалена Андонова — Sat, 05 Jun 2021 07:25:45 +0000

Заев да се откаже од ново национално предавство со Бугарија, народот нема да прифати откажување од јазикот, историјата и идентитетот. Заев да каже што содржи документот кој го договора со Бугарија, зошто молчи и зошто се крие од јавноста? Дали договорот за кој разговара Зарв опфаќа откажување од македонскиот јазик, идентитет и историја? Дали Заев го испратил Бучковски да преговара врз основа на деклараџијата на бугарскиот парламент, што значи откажување од македонската национална посебност, стои во соопштението на ВМРО-ДПМНЕ.

– Заев сам ги изминира македонските позиции, во момент кога како премиер излезе и кажа дека македонскиот и бугарскиот народ се ист народ и дека имаат иста историја. Заев го кажа она што ни најголемите бугарски националисти не го помислиле. Заев треба да знае дека Гоце Делчев е македонски револуционер кој се борел за слободна Македонија. Конечно, Заев треба да сфати дека со понижување нема иднина. 4 години понижувања со Заев, 4 години украден живот. Доста е, посочуваат од партијата.

Милошоски: Уште едно предавство во најава, Заев да открие дали прифатил бугарската декларација да стане составен дел од преговорите со ЕУ?

Ивана Ефремовски — Fri, 04 Jun 2021 09:41:04 +0000

Денешната прес конференција е поврзана со уште едно предавство во најава, кое што овој пат го спремаат тандемот Заев и Бучковски. За разлика од она што од пред неколку години го спремија Заев и Никола Димитров, сега во главна улога како извршител на Заев е Владо Бучковски. За тоа би сакале да повикаме Заев и Бучковски овие денови да обзнанат за што преговараат тајно во Софија, истакна денес Антонијо Милошоски, член на ИК на ВМРО-ДПМНЕ. Во продолжение следува интегрален текст од неговата прес-конференција: Сметаме дека овие преговори кои што ги водат Заев во Скопје, и Бучковски во Софија далеку од очите во јавноста се на штета на македонските национални интереси и се спротивни на европските вредности. За тоа што се преговара за етногенезата на еден народ, на Македонците и за автономното настанување на континуитетот на македонскиот јазик. Зоран Заев овие денови со неговиот дует Бучковски преговараат нешто што веќе Заев го најави во скандалозното интервју пред половина година дека ќе потпише анекс или друг облик на гаранција кои што ќе значи прифаќање на анахроните позиции кои што беа изгласани во декларацијата на бугарското собрание. Истите се спротивни на македонските национални интереси и се косат со европските права и слободи на секој народ. Самиот Заев тогаш рече дека е блиску до решение, но реакцијата на јавноста беше единственото нешто што го спречи да го направи тоа предавство. За тоа најавуваме дека доколку двоецот Заев – Бучковски се обидат преку овие тајни преговори кои во изминативе три дена се водат во Софија повторно да направат уште едно предавство, ќе ја имаат истата и уште посилна реакција од народот, и во институциите, и на улиците и на секоја можна форма која што ќе го попречи ваквото предавничко однесување. Да потсетиме дека декларацијата која што беше прифатена во парламентот во Софија е исклучително штетна и не носи ништо добро за едни рамноправни и добрососедски односи. Туку целата е анахрона и има негаторски став кој што значи понижување за еден од соседите, а тоа е Македонија како матична држава на македонскиот народ. За тоа сметаме дека двоецот Зоран Заев и Владо Бучковски треба пред македонската јавност да го покажат нацрт текстот на она што го подготвуваат со нивните преговарачи во Софија, во кој што како што дознаваме од дипломатски извори прифаќаат декларацијата на бугарското собрание да стане составен дел од преговорите на Македонија за ЕУ. Секоја држава која што е кандидат за членство има преговарачка рамка со ЕУ, и таа преговарачка рамка треба да ги содржи стандардите на ЕУ и нивното достигнување, но ниедна земја досега не прифатила во преговарачката рамка да се постават услови кои што значат обезличување на идентитетот на еден народ затоа што тоа е спротивно на вредностите на ЕУ. Во таа Декларација која беше прифатена од бугарското Собрание се негира и постоењето на македонскиот јазик и постоењето на АСНОМ, се негира и постоењето на антифашистичката борба на македонскиот народ. Заев затоа крие, Бучковски затоа молчи. Сметаме дека двајцата, овие корумпирани политичари немаат ниту легитимитет ниту право да направат ваква долготрајна штета на македонските национални интереси и само за да си ги зачуваат своите позиции кои се поврзани со многу афери и корупција да прифатат бугарската Декларација да стане дел од преговарачката рамка на Македонија во ЕУ, односно да стане дел од поглавјето темели и дел од поглавјето број 35 кое што се однесува на други прашања поврзани со соседите земји членки на ЕУ. ВМРО-ДПМНЕ внимателно и будно го следи овој процес, предупредуваме дека ова е многу штетно за Македонија, тајните преговори оставаат голем сомнеж дека Заев повторно во преговорите на прво место ќе ги стави своите лични, функционерски и коруптивни интереси, а на штета на македонските национални и долгорочни интереси Македонија не смее да биде понижена и не смее да ги прифати условите кои се ретроградни од Декларацијата од бугарското Собрание да станат услови за преговори и членство во ЕУ. Доколку такво нешто се случи, тогаш Македонија нема да има свое образование, своја историја, култура и своја етногенеза, туку ќе има корупција условување и ќе има разговори за минатото и за историјата а нема да има перспектива и развој на државата.

Колесникова приведена поради „предавство“

Магдалена Андонова — Wed, 09 Sep 2020 16:10:02 +0000

Белоруската опозициска политичарка Марија Колесникова беше приведена под сомнение за сторено предавство, како дел од кривичната постапка што опфаќа обид за преземање на власта, соопшти денеска нејзиниот адвокат. Во понеделникот беше објавена неофицијална информација дека истакнатата опозиционерка „исчезнала“, односно дека маскирани лица насила ја внеле во минибус. Белоруските државни медиуми објавија дека Колесникова е приведена на границата со Украина при „нелегален обид за премин“, а агенцијата Интерфакс-Украина објави дека тие всушност сакале да ја депортираат Колесников во Украина, но дека таа го искинала својот пасош со цел да ги спречи властите во тоа. . Таа е истакнат лидер на протестите кои бараат оставка од Александар Лукашенко по претседателските избори на 9 август, за кои опозицијата тврди дека биле наместени. Лукашенко негира кражба на изборите. Максим Знак, истакнат белоруски опозициски активист, исто така бил пресретнат и однесен од улица во Минск од непознати маскирани лица, тврдат неговите приврзаници. Занк е познат белоруски адвокат, а исто така е и член на опозицискиот Совет за координација. Утрово требаше да учествува на претходно закажаниот видео состанок, но не се појави. Сведоците тврдат дека маскирани лица го однеле преку една од централните улици во Минск. (MИА)

До 10 јули: Тешко предавство за овие 3 хороскопски знаци

Тале Кристо — Tue, 07 Jul 2020 19:00:10 +0000

Рак И покрај фактот дека ќе биде многу профитабилен и мирен месец јули за Ракот, тие нема да можат да избегнат предавство. Напредокот во кариерата може да ја влоши ситуацијата во личниот простор и семејниот круг. Не е исклучено нивното најмило и најблиско лице, на кое му веруваат и му ги доверуваат сите свои тајни, да ги изневери, да ги предаде, да ги наклевети. Вага Вагите исто така нема да имаат успех во нивниот личен живот, бидејќи нивниот партнер одамна крие тајна. До 10 јули, веста за измамата на нивниот партнер ќе им дојде како „од ведро небо“. Може да им биде соопштено од туѓинец, пријател или од самиот предавник. A штом ќе дознаат за предавството, веднаш ќе решат да се одмаздат! Риби До 10 јули, лицето што е најблиску до вашето срце, ќе ве повреди неочекувано. Од почетокот на месецот, поради чудното однесување на партнерот, Рибите ќе започнат да се сомневаат дека нешто не е во ред. Нивниот сакан на каков било начин ќе ги скрие доказите, ќе лаже и ќе бега од незгодни прашања. Но, вистината ќе биде откриена.

Меј: Нов референдум за Брегзит би било предавство на демократијата

Матеја Петровски — Sun, 02 Sep 2018 13:52:28 +0000

Премерката на Велика Британија, Тереза Меј денеска изјави дека нема да овозможи уште еден референдум за членството на земјата во Европска унија. - Со повторно поставување на такво прашање, тоа би било големо предавство на деократијата, наведува Меј во авторски текст во „Телеграф“. Таа истакнува дека нема да биде натерана да прави компромиси со Брисел, кои не се во национален интерес. - Следните месеци ќе бидат критични за обликување на иднината на нашата земја и нема сомнеж во тоа што треба да го направам, посочи Меј. Британската премиерка се соочува со се посилна кампања за организирање на уште еден референдум за излез на Велика Британија од ЕУ. ЕУ условно го прифати планот на премиерката Меј, кој подразбира заштита на прекуграничната трговија, но пред нив се тешки преговори. Планот подразбира Велика Британија да остане во зона на слободна трговија со ЕУ, но според некои критичари на тој начин некои делови од британската економија и понатаму ќе зависат од правилата на Брисел.