предлог казни – Kurir.mk

Поднесени предлози против 11 лица од Скопје за непочитување на полициски час

Магдалена Андонова — Tue, 29 Jun 2021 12:10:47 +0000

Основното јавно обвинителство Скопје поднесе предлози за издавање казнени налози против 11 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите биле затекнати при непочитување на важечкиот полициски час. Имено, за време на забраната за движење на населението, определена како мерка за спречување на ширењето на коронавирусот, тие се движеле на различни локации во градот. Надлежните јавни обвинители за секого од обвинетите лица предложија парични казни од по 100 дневни глоби со поединечна вредност на дневната глоба од 20 евра во денарска противвредност.

Предложени парични казни за непочитување на полицискиот час во Битола

Магдалена Андонова — Tue, 01 Jun 2021 13:08:20 +0000

Основното јавно обвинителство Битола поведе постапки и поднесе предлози за издавање казнени налози против вкупно 17 лица за кривично дело – Непостапување според здравствените прописи за време на епидемија од член 206 став 1 од Кривичниот законик. Обвинетите, во различни временски периоди и на различни локации биле затекнати при непочитување на прописите со кои како мерка за спречување на ширењето на коронавирусот се воспоставува забрана за движење на населението во одредени делови од денот. Спротивно на прописите тие се движеле на наведените локации без да поседуваат дозвола за тоа. Надлежните јавни обвинители на Основниот суд Битола му предложија за сите обвинети да определи парични казни од по 100 дневни глоби со поединечна висина на дневната глоба од 10 евра во денарска противвредност.

Битолското обвинителство предложи парични казни за четворица заради непочитување на здравствените прописи

Тале Кристо — Tue, 27 Apr 2021 15:50:16 +0000

Основното јавно обвинителство Битола до Основниот суд Битола поднесе Предлог за издавање казнен налог против четири лица кои за време на пандемија прогласена од страна на Генералниот директор на Светската здравствена организација поради опасна заразна болест COVID-19, не постапиле според прописите и наредбите со кои се определуваат мерки за нејзино сузбивање или спречување. Иако со донесена одлука на Владата на Република Северна Македонија било забрането движење на населението и на возилата од јавен превоз на територијата на државата во временски период од 20:00 часот до 05:00 часот наредниот ден, обвинетите на 12.4.2021 година, биле затекнати како пеш или со возила се движат без дозвола на различни места во градот. Обвинителството утврди дека обвинетите го сториле кривично дело Непостапување според здравствени прописи за време на епидемија од чл. 206 ст. 1 од Кривичниот законик, за што го поднесе предлогот со кој на надлежниот суд му предложи на обвинетите да им изрече парични казни, во висина од по 100 дневни глоби, при што вредноста на една дневна глоба да се определи на 10 евра во денарска противвредност.

За непочитување на полицискиот час ОЈО достави предлог казни од по две илјади евра против седум лица

Магдалена Андонова — Mon, 26 Apr 2021 08:48:19 +0000

Основното јавно обвинителство Скопје денеска до надлежниот суд достави предлози за издавање казнени налози од по две илјади евра против седум лица за непочитување на полицискиот час во Скопје. – Обвинетите го сториле делото така што не ги почитувале прописите со кои е определена забрана за движење на населението во определен дел од денот – полициски час, како мерка за спречување на ширењето на заразна болест. Без да поседуваат дозвола, се движеле на различни локации во градот за време на полицискиот час, при што биле затекнати од полициски службеници, се вели во соопштението од ОЈО. Надлежните јавни обвинители предложиле Основниот кривичен суд Скопје за сите обвинети да определи парични казни од по 100 дневни глоби со поединечна вредност на дневната глоба од 20 евра во денарска противвредност. Сите лица се товарат за сторено кривично дело – Непостапување според здравствените прописи за време на епидемија согласно член 206 став 1 од Кривичниот законик. (МИА)

Предлог казни од по 2.000 евра против 12 лица за непочитување на полицискиот час во Скопје

Дарко Андоновски — Fri, 12 Jun 2020 08:48:22 +0000

Основното јавно обвинителство Скопје до судот поднесе предлози за издавање казнени налози од по 2 000 евра против 12 лица за непочитување на полицискиот час. – Обвинетите не постапиле согласно Одлуката за забрана и посебен режим за движење на територијата на Република Северна Македонија, односно за веме на полицискиот час биле затекнати како се движат на различни локации во градот, стои во соопштението од ОЈО. Обвинителството му предложи на Основниот кривичен суд Скопје за сите обвинети да изрече парични казни од по 100 дневни глоби при што висината на една дневна глоба да биде одредена на 20 евра во денарска противвредност. Сите се обвинети за непостапување според здравствените прописи, кривично дело предвидено и казниво согласно член 206 став 1 од Кривичниот законик.

Предлог казни од по 500 евра за девет лица кои не го почитувале полицискиот час во Штип

Дарко Андоновски — Tue, 09 Jun 2020 09:29:22 +0000

Основното јавно обвинителство Штип до судот поднесе предлози за издавање казнени налози во висина од по 500 евра против девет лица кои не го почитувале полицискиот час. Обвинетите во одделни кривично правни настани за време на полицискиот час биле затекнати како недозволено се движат на различни локации. – Обвинителството со нив достави предлог до Основниот суд Штип на обвинетите да им биде изречена парична казна од по 50 дневни глоби, секоја од нив во висина од 10 евра во денарска противвредност, стои во соопштението од ОЈО. Сите се товарат дека го сториле кривичното дело – Непостапување според здравствените прописи за време на епидемија од член 206 став 1 од Кривичниот законик.

Предлог казни од по 800 евра за пет лица од Велес за непочитување на полициски час

Тале Кристо — Tue, 19 May 2020 11:19:48 +0000

Основното јавно обвинителство Велес до Основен суд Велес денеска поднесе предлози за издавање казни од по 800 евра против пет лица за непочитување на полициски час. – Обвинетите го прекршиле полицискиот час, односно спротивно на Одлуката за забрана и посебен режим за движење на територијата на Република Македонија, биле затекнати како се движат на различни локации во часовите кога тоа е забрането, се вели во соопштението од ОЈО. Јавното обвинителство предложи на обвинетите да им бидат изречени парични казни во висина од по 40 дневни глоби во износ од по 20 евра, односно по вкупно 800 евра во денарска противвредност. Сите лица се теретат за непостапување според здравствените прописи за време на епидемија од член 206 став 1 од Кривичниот законик.