предлог-преговарачката рамка – Kurir.mk

ДОКУМЕНТ: Собранието објави само еден лист информација од предлог преговарачката рамка која стигнала во законодавниот дом!

Тале Кристо — Thu, 07 Jul 2022 16:59:45 +0000

До Собранието на Република Македонија е доставена предлог преговарачката рамка, материјалот ќе биде доставен до пратениците, а седница за оваа точка не е закажана за вечерва, информираат од собраниската прес-служба. Исто така предлог преговарачката рамка попладнево објавена е и на официјалната интернет страница на Собранието, но она што е интересно е тоа што, истата рамка е објавена на само еден лист хартија. Истата можете да ја погледнете ТУКА Претходно од Собранието информираа дека предлог преговарачката рамка од Владата пристигнала во Собранието. -Ве информираме дека од Владата до Собранието е доставена „Информација за содржината на предлог-преговарачката рамка за пристапните прговори на Република Северна Македонија со ЕУ, предложена од страна на Претседателството на Франција со Советот на ЕУ на 30 јуни 2022 година, стои во соопштението. Согласно со процедурите, посочува собраниската прес-служба, материјалот ќе се достави до пратениците и за натамошно постапување соодветно и наврмено ќе биде објавена информација.

Предлог преговарачката рамка стаса во Собранието, седница се уште не е закажана

Тале Кристо — Thu, 07 Jul 2022 16:23:30 +0000

До Собранието на Република Северна Македонија е доставена предлог преговарачката рамка, материјалот ќе биде доставен до пратениците, а седница за оваа точка не е закажана за вечерва, информираат од собраниската прес-служба. -Ве информираме дека од Владата до Собранието е доставена „Информација за содржината на предлог-преговарачката рамка за пристапните прговори на Република Северна Македонија со ЕУ, предложена од страна на Претседателството на Франција со Советот на ЕУ на 30 јуни 2022 година, стои во соопштението. Согласно со процедурите, посочува собраниската прес-служба, материјалот ќе се достави до пратениците и за натамошно постапување соодветно и наврмено ќе биде објавена информација. Имајќи ги предвид шпекулациите, потенцираат дека за вечерва не е планирана седница. -Во моментот кога претседателот на Собранието Талат Џафери ќе ја свика седницата, навремено ќе бидете информиани, велат од собраниската прес-служба. Владата претходно соопшти дека на денешната 59-та седница, ја разгледала информацијата од Министерството за надворешни работи, за предлог-преговарачката рамка за Република Северна Македонија со ЕУ, претставена од Француското претседателство со Европската Унија, како и дека одлучила да ја проследи до Собранието на разгледување и донесување понатамошни заклучоци, согласно собраниските процедур. И за вечерва, како и во претходните пет дена, се закажани протести пред Владата за отфрлање на предлог преговарачката рамка.

Владата ја проследи предлог-преговарачката рамка до Собранието на Република Македонија

Тале Кристо — Thu, 07 Jul 2022 13:51:00 +0000

Владата на Република Северна Македонија на денешната 59-та седница, ја разгледа информацијата од Министерството за надворешни работи, за предлог-преговарачката рамка за Република Северна Македонија со ЕУ, претставена од Француското претседателство со Европската Унија. На седницата, Владата одлучи предлог-преговарачката рамка да ја проследи до Собранието на Република Северна Македонија на разгледување и донесување понатамошни заклучоци, согласно процедурите на Собранието на Република Северна Македонија, соопшти владината прес-служба.