предлози – Kurir.mk

ВМРО-ДПМНЕ: СДС да каже кој од двата предлога на претседателот Мицкоски кои го штитат идентитетот и овозможуваат интеграција во ЕУ прифаќа, спротивно нема потреба од преговори

Тале Кристо — Sun, 11 Jun 2023 07:19:20 +0000

СДС да каже кој од двата предлога на претседателот Мицкоски кои го штитат идентитетот и овозможуваат интеграција во ЕУ прифаќа, спротивно нема потреба од преговори, велат во партиското соопштение од ВМРО-ДПМНЕ. Ковачевски да не манипулира со своето членство, и со граѓаните, да се охрабри и да каже кој предлог го прифаќа. 1. Одложено важење на уставните измени кога Македонија ќе стане членка на ЕУ и преодна влада без ДУИ. 2. Избори на есен, гаранции од ЕУ институциите за македонскиот многувековен идентитет, пакет помош од Европската Комисија за македонската економија и граѓани и барање до Бугарија да имплементира барем 3 пресуди од ЕСЧП поврзани со Македонците во Бугарија. И по изборите партијата која ќе биде опозиција да ја поддржи владата и државата во спроведување на овие чекори. Ковачевски да каже кој од овие два предлози го прифаќа? Во спротивно попусто троши време за состаноци и замајување на сопственото членство, стои во соопштението на партијата.

Партиите доставија предлози за состав на ДИК, ќе го сочинуваат четворица нови и тројца актуелни членови

Тале Кристо — Tue, 12 Jan 2021 09:43:25 +0000

Парламентарните партии кои освоија најмногу гласови на минатите избори СДСМ, ВМРО-ДПМНЕ, ДУИ до претседателот на Собранието доставија инфомации со поддршка за кандидатите за членови на Државната изборна комисија (ДИК). До Кабинетот, до 10 часот не беше пристигнат официјалниот предлог од Алијанса на Албанците. СДСМ информирала дека ја дава поддршката на Борис Кондарко и Радица Ристеска, кои се актуелни членови на Комисијата, како и на Оливер Ристовски, поранешен заменик министер за правда. ВМРО-ДПМНЕ веќе соопшти дека професорот Александар Даштевски ќе го предложи за престедател на ДИК, а поддршка дадоа и за Бобан Стојаноски, кој работи како правник во Собранието. ДУИ ја поддржала кандидатурата на Дитмире Шеху, актуелен потпретседател на ДИК, која е предложена да остане на оваа функција. Алијанса на Албанците, која е во коалиција со Алтернатива, според партиски извори, ќе го поддржи Кренар Лога, правник од Струга. Имињата на поддржните кандидатури од страна на партиите треба да бидат утврдени на седница на Комисијата за прашања на избори и именувања што е закажана за 11 часот, а потоа старо-новиот состав на ДИК треба да биде изгласан на пленарната седница закажана за напладне. Составот на ДИК треба да биде изгласан со двотретинско мнозинство.

Граѓаните предлагаат: Да се тестираат сите хронично болни, надомест за прекувремени саати да добиваат само МВР, АРМ и лекарите

Ивана Ефремовски — Mon, 06 Apr 2020 18:58:45 +0000

Во рамките на иницијативата на ВМРО-ДПМНЕ за комуникација со граѓаните „Вашите проблеми, заеднички решенија – Ја сакам Македонија“, до партијата секојдневно пристигнуваат десетици сугестии, предлози и проблеми со кои се соочуваат граѓаните. ВМРО-ДПМНЕ информира за предлозите кои доаѓаат од страна на граѓаните, а партиското соопштение ви го пренесуваме во продолжение: Жители на главниот град предложуваат Владата да организира волонтери коишто почитувајќи ги безбедносните и здравствените прописи би можеле да им помагаат на стари и изнемоштени лица, како и на сите оние на кои им е потребна помош, а не можат да ги напуштат своите домови. Жител на скопската населба Аеродром вели дека предложениот алгоритам на надлежните за одредување на лица за тестирање не дава резултати. Пледлага да се тестираат сите лица со хронични заболувања преку нивните матични лекари. Граѓаните ја критикуваат владината уредба со којашто им се исплатија платите на СЈО, велат дека треба да се изнајде начин тие приноси да се одложат за 6 месеци по завршување на кризата, за да се поштеди буџетот од дополнителни вакви трошења. Некои од предлозите се да се сведат на минимум непотребните издатоци од страна на институциите и тоа по основ на патувања како и користење на службени возила, како и да се стопираат веќе отпочнатите постапки за вработување, а дневници за прекувремена работа да се исплаќаат исклучиво само за АРМ , полицијата и здравствените работници. Десетици поплаки од граѓаните, тие се изреволтирани од досегашните мерките на владата и прашуваат како можат некои земји од регионот да наоѓаат финансиски средства и да им помагаат на сите свои граѓани, очигледно оваа влада е многу горделива и не прифаќа туѓи препораки, прашуваат зошто владата до сега не побара помош од големите земји. Денеска сме сведоци на протести од страна на дуќанџиите, здружените занаетчии и нивниот револт е доказ дека сите ветувавања коишто се слушнаа од владата дека ќе помогнат во кризата се попусти, се било лага. Ниеден нивен предлог или барање не е прифатен. Власта ги пушти занаетчиите да се снаоѓаат за нивната егзистенција, наместо да ги заштити. Има недостапност на мерките за социјална заштита, истите не стигнуваат до секого, не секој граѓанин на којшто му е потребна социјална помош од МТСП е опфатен со нужна заштита од државата, на работ на егзистенција со 4.600 денари парична помош не се живее, вели жител на Скопје. Ги повикуваме граѓаните предлозите и сугестиите и натаму да продолжат да ги проследуваат по пат на електронска пошта до [email protected]. ВМРО-ДПМНЕ продолжува со овој начин на комуникација и нудење на заеднички решенија, затоа што ја сакаме Македонија.

Мицевски: Овие предлози се неделовнички, ако не ги вратите назад во Владата учествувате во кршењето на Деловникот

Тале Кристо — Mon, 10 Feb 2020 22:12:16 +0000

Координаторот на пратеничката група на ВМРО-ДПМНЕ, Никола Мицевски на денешната Собраниска седница која се одложуваше повеќе часа, а на која треба да се гласа за новиот Закон за јавно обвинителство истакна дека Талат Џафери учествува во кршењето на Деловникот на Собранието бидејќи одлука од Владата нема, а седницата на Собранието е закажана. -Почитуван господине Џафери вие треба да го вратите овој материјал бидејќи на седницата на Владата нема одлука за повлекување и одлука за доставување на нов материјал во Собранието на Република Македонија. Врз основа на ова предлозите се неделовнички и соогласно деловникот имате обрска и право да го вратите предлогот на Законот за јавно обвинителство и советот на јавни обвинители до Владата и Владата откако на седница ќе го помине соогласно деловникот на Владата да ви ги достави предложените закони за да може вие да закажете седница. Вака господине Џафери учествувате во кршењето на Деловникот на Собранието, бидејќи одлука немаме, а седницата е закажана, вели Мицевски.

Ова се предлозите за нови амбасадори

Тале Кристо — Thu, 12 Dec 2019 15:32:10 +0000

Владата денеска на затворена седница ја утврди листата со 19 предлози за назначување амбасадори на нашата земја во неколку земји. Официјалнo листата со амбасадорските имиња се чува во тајност додека тие не добијат виза од шефот на државата Стево Пендаровски. Неофицијално, Плусинфо доби дел од имињата на амбасадорите во неколку земји, пишува порталот Плусинфо. Во Рим нов амбасадор ќе биде Рами Реџепи, воБелград нов македонски амбасадор ќе биде Васко Грков, Сашко Тодоровски во Стразбур, Мишо Докмановиќ во Тел Авив, Шпреса Јусуфи во Приштина, Данчо Марковски во Тирана, Милаим Фетаи воЗагреб, Шабан Јашари во Катар, Теута Демјаха или Андреј Жерновски за ОН во Женева, Фатон Бејта во Копенхаген и Бети Јачева во Хаг. Дане Талески е предлогот за нов амбасадор во НАТО во Брисел. Нема информации кои ќе бидат новите амбасадори за Атина, Москва, Прага, Њу Делхи, Ватикан, Пекинг…

Владата ги анализира предлозите на Нимиц

Ивона Петрова — Mon, 22 Jan 2018 12:33:05 +0000

Владата на Република Македонија работи на анализа и консулатации за предлозите на медијаторот Метју Нимиц за решение на прашањето за името, потврдија од Владата за МИА. – Владата на Република Македонија веќе работи на анализата и консултациите во однос на рамката доставена од медијаторот Метју Нимиц. Во наредниов период ќе вложиме напори за што е можно по инклузивен процес со вклученост на сите релевантни политички фактори во земјава, а се во насока на градење заеднички приод, став и стратегија“, се наведува во изјавата од Владата за МИА. Во меѓувреме, грчката ТВ ЕРТ објави дека посредникот на Обединетите нации во спорот за името Метју Нимиц, во следните десет дена ќе ги посети Атина и Скопје. ЕРТ потсетува на изјавите на Нимиц дека е оптимист оти проблемот за името на Македонија може да се реши во следните шест месеци. Прашањето за името се очекува да биде на маса на првата директна средба меѓу премиерите на Македонија и на Грција, Зоран Заев и Алексис Ципрас, во среда во Давос, Швајцарија.