предмет историја – Kurir.mk

Минов до власта: Од 27 земји во ЕУ во 20 предметот историја е задолжителен, послушајте ги попаметните во Европа и надлежните во Македонија

Магдалена Андонова — Fri, 05 Feb 2021 18:18:26 +0000

Изучувањето на историјата и посебниот предмет историја придонесува за негување на националнит идентитет, почитување на иситиот, важна е за да се разбере важноста на самата историја, рече Никола Минов, професор на Филозофскиот факултет на денешната јавна расправа на тема реформа во образованието што се одржа во Собранието. Професорот се осврна на кажувањата на минситерката за образование, Мила Царовска дека спојувањето или укинувањето на предметот историја е коинциденција што се случува во период кога има проблеми со Бугарија на темата посебност на македонскиот јазик, идентитет. -И да се работи за несреќна коинциденција, еве да прифатиме дека е така, сепак за вакви реформи не може вака да се прави, не моѓе вака да се постапува, рече професорот Минов. Тој укажа дека миниситерството ги отфрла сите ставови на компетентните институции како Институот за историја при Филозофскиот факултет, Институот за национлна историја, МАНУ. -Ставовите на овие институции дека предметот треба да биде посебен и историјата да се изучува посебно наиде на ѕид кај надлежните, рече Минов. Професорот Минов се осврна и на наоди до кои дошле група на професори по историја во истражувањето спроведувано неколку месеци. -Се ова што ќе го кажам се официјални информации, информации од минситерствата за наука на соодветните земји. Или во 20 од 27 држави во ЕУ историја се изучува како посебен предмет во основното образование. Во Финска се изучува 4 години, исто во Грција, во Шведска се учи историја 5 години во текот на основното образование 5 години... Во Бугарија на пример предметот е историја и цивизлизација случајно или не не знам. Кај соседите, во Србија е задолжителен предмет во четори од 8 одделенија, во Албанија во четири од девет одделнија во основното, посочи професор Минов. Според него сите овие земји укажуваа на важноста на изучување на историјата пред се за „негување на националниот идентитет, почитување на иситиот, за да се разбере важноста на историјата на државата“. Профеорот на крај од своето обраќање апелираше до надлежните. -Послушајте ги попаметните во Европа дека историјата треба да е самостоен предмет и консултирајте ги надлежните во државава, кажа Минов.

ВМРО-ДПМНЕ: Откако не и успеа манипулацијата со финскиот модел, Царовска сака предметот историја да го избрише на насилен талибански начин

Магдалена Андонова — Sat, 16 Jan 2021 08:13:04 +0000

Царовска ако сака и во својот Гучи шал од 370 евра нека ја обвие својата намера за наводни реформи, пак не може да ја покрие политичката позадина на оваа операција, стои во соопштението на ВМРО-ДПМНЕ до јавноста. - Мила Царовска очигледно по секоја цена е решена да ја спроведе нејзината антиреформа во образованието, со која се брише предметот историја како засебен предмет во основното образование. Таа избегнува јавна дебата од јасна причина што сите релевантни субјекти се противат на оваа одлука, почнувајќи од МАНУ, Институтите, универзитетите, професорите и останатите експерти, велат од партијата. ВМРО-ДПМНЕ тврди дека целта на Царовска е јасна, а тоа е преку насилен начин, нетранспарентно да го укине овој премет од образованието во ек на негирање на македонската историја. -Обидот тоа да го престави како наводен фински модел не и успеа, па сега се обидува на талибански начин да му “учини“ на Заев во неговата анационална и предавничка политика од која несогледливи последици ќе има не само образовниот систем, туку и идентитетот и македонската историја. Јавноста и граѓаните на ваквите штетни антиреформи остро се спротивставува и нема да дозволи некој да им наметнува одлуки кои го погазуваат секое достоинство. ВМРО-ДПМНЕ заедно со народот ќе застане против секое насилно менување на историската меморија во Македонија, посочуваат од партијата.

Герила акција на студенти на УКИМ: „Јас не ја разбирам Мила“, а „Цезар не е само салата“!

Магдалена Андонова — Fri, 25 Dec 2020 15:59:39 +0000

„Не ја предаваме историјата“, „Но пасаран“ и „Јас не ја разбирам Мила“ се дел од пораките кои денеска се појавија на кампусот на Универзитетот „Св. Кирил и Методиј“ и пред Владатa, јави Радио МОФ. Станува збор за герила акција на студенти од Институтот по историја при Филозофскиот факултет, со која се спротивставија на понудениот Концепт на Министерството за образование и наука за основно образование. - Како историчар ми пречи тоа што таканаречениот Концепт што го понуди МОН е донесен без консултација со професорите историчари и без воопшто да се информира струката што утре ќе треба да ги спроведе „реформиве“ во дело во училиштата. Ми пречи и тоа што идејните творци на т.н. Концепт покажуваат непознавање на материјата што сакаат да ја реформираат. Најмногу ми пречи, пак, тоа што „Концептот“ предвидува интегрирање на историјата со науки од сосема поинаков вид. А сето ова се прави во момент кога македонската историја и македонскиот идентитет се нападнати и оспорени однадвор. Како претседател на сите студенти на Филозофскиот факултет, ми пречи што освен предметот историја се засегнати и редица други предмети за кои кадарот произлегува од неколку Институти на Филозофскиот факултет, што според мене значи дека се загрозува иднината на сите сегашни и идни наставници и професори од сферата на хуманистичките и општествените науки“, вели Димитар Коруноски, дипломиран историчар и претседател на Факултетското студентско собрание на Филозофски факултет. Целиот текст мое да го прочитате на РАДИО МОФ.

ВМРО-ДПМНЕ: За лажната вест дека го брише предметот историја по фински модел, за што беше демантирана Царовска треба да си поднесе оставка

Магдалена Андонова — Fri, 25 Dec 2020 08:19:43 +0000

Царовска и Заев ги лажат граѓаните. Тие шверцерски без никаква консултација со никого го бришат предметот историја како посебен предмет во училиштата и безочно лажат дека тоа наводно е некаков фински модел. Но лагата на Заев и Царовска беше брзо демантирана од од финското министерство за образование кое кажува дека историјата е задолжителен предмет во сите основни и средни училишта во Финска и со новата наставна програма дополнително се засилува, стои во соопштението на ВМРО-ДПМНЕ. - Зоран заев и Мила Царовска во намерата да ја девалвираат македонската историја го бришат предметот историја за да излезат во пресрет на негаторските ставови на соседите за македонскиот идентитет, јазик, историја. Згора на тоа и безочно лажат. Дополнително министерката Царовска без око да и трепне вели дека ова било по барање на професорите и експертската јавност, за сега да видиме дека ниту една надлежна институција не била консултирана за ваквиот потег и дека и МАНУ и Интитутот за историја и факултетите се противат на ваквата нивна анационална и ревизионистичка политика, велат од партијата. - Со кого се консултирала Царовска за ваков срамен потег? Со квазиисторичарот Заев, кој веќе јавно искажа историски ревизионизам, навредувајќи ја антифашистичката борба на македонскиот народ и антифашистичките темели на македонската државност?Лагата на Царовска не поминува. Од морални причини за ваква лага се поднесува оставка, посочуваат ВМРО-ДПМНЕ.

Миноски: Партијата на власт сака да создаде генерација која ќе нема чувство на македонска припадност

Магдалена Андонова — Mon, 21 Dec 2020 17:53:23 +0000

Проф. Д-р Михајло Миноски во своето гостување во емисијата „Што не е јасно“ зборуваше за тоа што го понуди Царовска каде историјата ќе стане дел од неколку науки и посочи дека со ова власта сака да создаде една генерација која ќе го нема она чувство на македонска припадност. За основно образование ми се чини дека е најнесоодветен термин дека треба историјата да влезе во оние науки за ученици од основно образование.Второто е само условно кажано замаглување на главниот проблем. Tоа значи една опасна тенденција по мене не само да се маргинализира и практично да се исклучи историското образование кај децата од најраната возраст тогаш кога се формира чувството кога се запознаваат со својата татковина, со минато на својот народ, со специфичностите на елементарните познавања и во тој случај треба тоа да се лиши едноставно децата да еден цел период во животот кога се формираат нивните основни сознанија да се лишат еленементарно, она што е образование кое е идентитетско, не само стручно. Затоа што македонскта историја и македонскиот јазик се идентитетот на државата и на нацијата, па според тоа задира во коренот на она што е идентитетско кај македонскиот народ. И во крајна линија се делигитимира државата како еден државотворен народ затоа со оваа тенденција се сака да се создаде едно чувство кај новите генерации кои ќе го немаат она чувство македонска припадност кон народот, кон нацијата туку само така како што ќе ја формулира партијата на власт, рече Миноски во своето гостување.

Заев сепак го укинува предметот историја, го нема во наставните планови

Магдалена Андонова — Mon, 21 Dec 2020 16:22:08 +0000

Просветните работници веќе неколку денови коментираат за идејата која излезе во јавноста во однос на бришењето на предметот историја од образовниот процес во Република Македонија, што за поголем дел од фелата е несфатлив потег и не заслужува поддршка. Наставниците, професорите, но и студентите по историја сметаат дека доколку се дозволи бришење на предметот историја, тоа ќе биде свесен пораз кој Република Македонија ќе го дозволи поради барањата на соседните земји, конкретно Бугарија. Исто така тие велат дека од историските факти нема бегање, односно дека работите кои биле запишани низ годините наназад, а укажувале на нечие угнетување и окупирање, не можат да се избришат само со тоа што ќе се ликвидира предметот историја, бидејќи реалните факти остануваат за навек. Овие неколку денови актуелна е и изработката на програмата за наредната учебна година, односно програмата за 2021 година, која што изминатиот период претрпуваше одредени измени поради вметнувањето на некои предмети, но истата не е конкретизирана. Просветните работници велат дека за останатите интегрирани предмети веќе е изработен план на реализација и бројот на часови, додека пак за предметот историја сеуште нема никакви информации, односно истиот го нема во планот за изучување за 2021 година. Македонската јавност прашува дали молкот од страна на Владата и министерката Царовска на крајот задкулисно ќе значи и дефинитивно бришење на предметот историја и изменување на образовниот систем во државата кој не памети дека некогаш бил без да се изучува предметот историја?! Нејаснотиите одат до таму што граѓаните на Република Македонија, без оглед на нивната етничка или верска припадност, сметаат дека историјата е предмет кој не ги изменува историските факти и тие треба да се изучуваат такви какви што се, колку и да е вистината за некого добра или не. Исто така, незадоволните граѓаните велат дека нивните деца заслужуваат и треба да ја изучуваат историјата на Република Македонија онаква каква што е, односно онаква каква што ја изучувале самите тие, па и нивните предци. Ваквото однесување од страна на Зоран Заев, Владата и Царовска само укажуваат на поразителниот факт дека се спремни да ја избришат историјата на сопствената држава, само за да угодат на политичарите од соседството со кои се повеќе е јасно дека покрај дипломатските односи, учествуваат и во матни бизнис зделки. (МИА)

Јаневска: Не смее да се дозволи бришење на предметот историја, тоа би било голем пораз за Република Македонија

Магдалена Андонова — Fri, 18 Dec 2020 20:51:33 +0000

Во вечерашното издание на вестите на Сител телевизија линковски се вклучи претседателката на комисијата за образование и науки на ВМРО-ДПМНЕ, Весна Јаневска која зборуваше за лошиот предлог во однос на концептот на основното образование и измените кои ги предлага Мила Царовска. Јаневска потенцираше дека во моменти кога Република Македонија има сериозни проблеми со одбрана на националниот идентитет, односно сопствената историја, ваквиот потег за измена на концептот на образование и бришење на предметот историја е тотално несоодветен на ситуацијата. Евентуалното бришење на историјата како предмет за изучување во образовниот систем може целосно да ја измени сликата за македонската историја, односно да создаде една нова димензија, далеку од реалната. Таквиот момент може да направи огромен проблем во однос на две дијаметрално различни истории за Република Македонија, што ќе влијаат врз образованието на идните генерации, додаде Јаневска. "Наместо да се изменува историјата која со децении наназад се изучува во Република Македонија, треба да се воведе метод на прочистување на градивото кое се изучува, со цел подобра експедитивност и поконцизно знаење за одредени области, наместо да се работи само со изучување на поими по квантитет", вели Јаневска. Под ниеден услов не смее да се прифати измена на образовниот систем, а уште помалку да се дозволи бришење на историјата како предмет во образованието. Доколку се случи нешто такво, тоа ќе биде почеток на едно ново време, кое ни малку нема да наликува на она што е вистина за Република Македонија, а тоа е историјата која ја изучувале нашите дедовци и татковци, заврши Јаневска.

Василевска: Бришењето на предметот историја доаѓа во моменти кога Заев ретушира историја и преговара за идентитетот, Власта која сака да ја смени историјата, многу брзо ќе биде сменета од народот

Магдалена Андонова — Wed, 16 Dec 2020 16:32:16 +0000

Историјата памети кој бил на светлата, а кој на темната страна. Власта која сака да ја смени историјата, очигледно не припаѓа на кормилото на македонската држава и затоа многу брзо ќе биде сменета од народот. Дали директно под налог на Зоран Заев денеска власта ја брише националната историјата од образовната програма? Зошто и на Заев би му пречело изучување и запознавањето на идните генерации со македонската национална историја? Што е целта на образовна програма која што во себе не би содржела елементи на националната историја? Живеат во Македонија, водат институции, а не сакаат народот да изучува за историјата на Македонија, изјави во нејзиното видео обраќање, Иванка Василевска пратеник во Собрание од редовите на ВМРО-ДПМНЕ и Коалиција „За обнова на Македонија“. - Концептот презентиран од Царовска во овие моменти, вака како што е претставен, е далеку од образовен концепт. Ова е тешка импровизација и смислено исполнување на концесии во која најмалку се водело сметка за образованието и неговата содржина. Оваа концепција не соодветствува со ниедна образовна програма во светот. Ова е концепт кој што е воден исклучиво за задоволување на нечии дневно-политички желби и потреби на една политичка гарнитура во заминување. Оваа гарнитура го злоупотребува моментот за потреба од реформа на образовниот систем и во него вклопува интереси кои што се далеку од национални и државни. Оваа гарнитура го злоупотребува името на според рангирањата најдобриот образовен модел. Дури и во финската образовна програма постои историја како водечки предмет заедно со социјални студии од трето до деветто одделение. Интегрирањето на предметот историја, без притоа да се нагласи дали се работи за националната или светската историја, во предмет општествени науки заедно со географија и со граѓанското образование, не може да се гледа подалеку од денешницата кога македонскиот идентитет, јазик, историја и културната посебност се под огромен притисок. Ова не може да се восприми подалеку од подвиткување под негирањето на македонскиот народ и неговиот историски, јазичен, културен и религиски континуитет, вели таа. - Кратењето на наставните програми и вакви општествени зафати кои што пред себе имаат за цел образовни реформи, а не „политички инжинеринг“, мора во себе да имаат вклучено мислењето на сите релевантни научни институции, вклучително и експерти од полето на образованието. Вакви коренити образовни реформи со кои што се доведува под прашање што ќе биде избришано од македонската историја е недозволиво. Што е тоа и кој одлучил како ќе биде скратена програмата од образованието по историја? За кој дел од историјата на Македонија нашите деца и идните македонски поколенија ќе бидат лишени, сите идни генерации да не ја изучуваат вековната македонската историја?, прашува Василевска. - За жал тука препознаваме само обид за расцепкување на историските учебници, фрлање на историски факти во заборав и сето тоа заради прилагодување на историјата кон политичките потреби на СДСМ. Овој и ваков зафат остава впечаток само на рака поставена врз образованието од тешки тоталитарни режими, опишани токму од светската историја. Бришењето на предметот историја од основното образование доаѓа во моменти кога Заев ретушира историја и преговара за идентитетот. Повикуваме за повлекување на концептот за образование и веднаш отворање на широка и детална презентација на содржините кои се отфрлени и оние кои би останале во образовниот процес, како и на широка и детална јавна дебата во која ќе бидат вклучени сите релевантни фактори, институции, институти и научни титули, за да не се случи македонската историја да биде одземена од македонската иднина, додаде таа.