предност – Kurir.mk

ВМРО-ДПМНЕ со најголема предност на анкетите на ИПИС, од 4,6 проценти пред СДСМ

Тале Кристо — Fri, 21 Jan 2022 09:27:25 +0000

Доколку следната недела има Парламентарни избори, поголемиот дел од испитаните граѓани, односно 22,5 отсто, би гласале за ВМРО-ДПМНЕ, покажува анкетата на ИПИС за рејтингот на партиите и избор на нова влада. Имено на пршањето за која партија би гласале доколку следната недела има Парламентарни избори, високи 22,5 отсто одговориле за ВМРО-ДПМНЕ, наспроти 17,9 за СДСМ. Во прилог се резултатите од истражувањето:

Николоски: Релевантните анкети покажуваат водство на ВМРО-ДПМНЕ, затоа Заев бега од предвремени парламентарни

Тале Кристо — Fri, 25 Jun 2021 17:54:59 +0000

Релевантните анкети, оние кои се теренски покажуваат големо водство на ВМРО-ДПМНЕ пред СДСМ и покажуваат дека граѓаните ќе го казнат Заев за играњето со државните и национални интереси, недобивањето на датум и лошото справување со корона и економската криза, вели потпретседателот на ВМРО-ДПМНЕ, Александар Николоски за „Трилинг“ на 24 ТВ. Николоски во однос на неодамнешната анкета на ИРИ вели дека таа е правена во месец март, а се објави во јуни и прашање само по себе зошто е тоа така, но потсети дека на последната анкета која ја има ВМРО-ДПМНЕ и која што е теренска, ВМРО-ДПМНЕ има 21,7% проценти, СДСМ има околу 14%. - Тоа е доказ дека од март досега се случи топење на СДСМ во делот на корона кризата не набавија вакцини, имаше ужас во делот на корона кризата, финансиски имаше лоша ситуација и излегуваат разговори кои Заев ги води во однос на националните прашања. За анкетата на ИРИ битна е медотологијата. На пример, за градоначалниците маргината на грешка е 6% во анкетата на ИРИ, а стандардна маргина веќе и не се осудуваат повеќе од 2%. Второ не може да се постави прашање за непознат противник како што е прашањето дали би гласале за кандидатот на СДСМ тој и тој, или кандидатот на ВМРО-ДПМНЕ кој не е објавен. За да може да ги мерите треба да се знаат двајцата, за да може да се споредуваат, рече Николоски. Николоски додаде дека за локалните избори во однос на кандидат за Скопје за се гледа расположението кај граѓаните и тука се мерат и партиски и непартиски личности и сите стојат подобро од Шилегов, а втората варијабла е дали ќе има парламентарни заедно со локалните избори што целосно го менува наративот. - Затоа што такви ако се само локални, тогаш тие ќе бидат референдум дали граѓаните сакаат предвремени парламентарни избори. За Заев е добро сега да прифати парламентарни заедно со локалните од причина што на овој начин покажува слабост, негов главен аргумент беше дека Македонија ќе почне преговори со ЕУ. Бегањето од избори доволно кажува што мислат граѓаните, истакна Николоски.

Анкета: Мисајловски со предност пред Спасовски во изборната единица 2

Тале Кристо — Thu, 09 Jul 2020 11:37:35 +0000

ВМРО-ДПМНЕ и коалицијата имаат предност пред коалицијата на СДСМ и во изборната единица 2, каде што носители на листите се Владо Мисајловски, односно Оливер Спасовски Според резултатите од анкетата на Институтот “Habeas Corpus” во изборната единица 2, Владо Мисајловски и ВМРО-ДПМНЕ со коалицијата имаат предност од 1,7 посто предност пред Оливер Спасовски и коалицијата предводена од СДСМ/БЕСА.

Анкета на Институтот “Habeas Corpus”: ВМРО-ДПМНЕ со убедлива предност пред СДСМ/БЕСА

Тале Кристо — Thu, 09 Jul 2020 11:12:52 +0000

Институтот "Habeas Corpus" кој разработува прашања од правниот и политички систем направи анкета на јавното мислење врз стратификуван примерок од 1 203 испитаници во периодот од 29 јуни до 03 јули 2020 година. При истражувањето се водеше сметка на етнографската карта, демографската застапеност, полот и возраста на испитаниците. Воедно се водеше сметка и при влезот на анкетниот прашалник и резултатите од последните парламентарни избори. Анкетата се спроведе телефонски со употреба на фиксната и мобилна телефонија. Резултатите се со можност за грешка +-2. А нарачател на истата е Институтот "Habeas Corpus" и истите се користат за потребите на интерните истражувања од политичка и социолошка природа. Резултатите од истражувањето се следни: Институтот изврши мерење на рејтинзите на носителите на двете најголеми политички партии ВМРО-ДПМНЕ и СДСМ и мечирање на вредностите на тие два политички блока по изборни едници:

Пензионерите, инвалидите и бремените жени ќе имаат предност во маркетите во Словенија

Тале Кристо — Thu, 19 Mar 2020 12:22:39 +0000

Поради коронавирусот при пазарањето во словенечките маркети предност ќе имаа пензионерите, инвалидите и бремените жени, соопшти Кризниот штаб. Дописникот на МИА од Љубљана јавува дека одлуката која веќе почна да важи се однесува на временскиот период од осум до десет часот наутро. Пред поголемите маркети веќе е распоредено обезбедување кое прави ред кој и кога може да влезе да пазари, а целта е да се избегне метежот и можното ширење на коронавирусот. Дополнително во некои маркети не може воопшто да се влезе без да се направи целосна дезинфекција на рацете. Поради големите гужви во продавниците за храна многу често се случуваше некои производи воопшто да не можат да се најдат за продажба.

Се зголемува предноста на конзервативците над лабуристите во Велика Британија пред изборите

Тале Кристо — Sun, 24 Nov 2019 08:26:30 +0000

Предноста на Конзервативната партија на британскиот премиер Борис Џонсон над опозициските лабуристи е зголемена на три недели пред вонредните парламентарни избори, закажани за 12 декември и сега таа е најголема од 2017 година, покажуваат резултатите од истражувањето на јавното мненние на агенцијата Опиниум (Opinium), направена за неделникот „Обзервер“. Според денеска објавените резултати, за торивеците во моментов би гласале 47 отсто од Британците, што е три отсто повеќе во однос на минатата недела, додека за Лабуристичката партија се определиле 28 отсто од избирачите во земјата. Проевропските Либерални демократи изгубиле два отсто поддршка, и сега се на 12 проценти доверба, додека Партијата Брегзит опаднала за три отсто. Британските медиуми пренесуваат дека ПР агенцијата наведува дека растот на поддршката за Конзервативната партија се должи на одлуката на Партијата Брегзит да ги повлече своите кандидати за изборите во окрузите кои ги држат ториевците, чиј лидер, премиерот Борис Џонсон, се залага за излез на земјата од Европската унија, со или без договор. Анкетата била спроведена онлајн од 20 до 22 ноември, по објавувањето на изборната програма на лабуристите. Конзервативците својата изборна програма ќе ја обелоденат денеска.

Надал со 100 поени предност пред Федерер

Дарко Андоновски — Mon, 30 Apr 2018 15:29:49 +0000

На новата АТП листа нема никакви суштински промени во првите десет места, а Рафаел Надал по освојувањето на турнирот во Барселона го зачува првото место. Шпанскиот тенисер има 8.770 поени, додека второпласираниот Рожер Федерер има сто помалку. Александар Зверев е на третата позиција со 5.195 поени, а по него следат Марин Чилиќ со 4.985, Григор Димитров со 4.950 и Хуан Мартин дел Потро со 4.470 поени. Новак Ѓоковиќ, кој во Барселона беше елиминиран уште во првото коло, останува на 12 позиција со 2.220 поени. Надал во неделата го победи грчкиот тенисер Стефанос Циципас во финалето во Барселона и го освои 11-от трофеј на овој турнир.

Ливерпул со огромна предност ќе патува за Рим

Дарко Андоновски — Wed, 25 Apr 2018 07:11:13 +0000

Тимот на Ливерпул синоќа со убедливи 5:2 ја совлада Рома на „Енфилд“ во првиот полуфинален меч од Лигата на шампионите. Мохамед Салах беше играч на натпреварот, откако во првото полувреме постигна два гола за Ливерпул, а во вториот дел асистираше при реализацијата на уште два погодока. Во 36. минута Салах им донесе водство на домаќините од 1:0, а пред крајот на првиот дел повторно беше прецизен за предност од 2:0. Во второто полувреме Садио Мане по асистенција на Салах во 56. минута го зголеми водството на убедливи 3:0 за Ливерпул, а пет минути подоцна Салах му ја додаде топката и на Роберто Фирмино за 4:0. Во 69. минута Џејмс Милнер изведе корнер, а Фирмино погоди за 5:0. Един Џеко во 81. минута намали на 5:1, а во 85. минута Милнер играше со рака по што беше досуден пенал кој Диего Пероти го реализираше за конечни 5:2. Ливерпул со огромна предност ќе замине на реваншот во Рим, кој се игра идната среда на втори мај.