предозирање – Kurir.mk

УЖАСНИ БРОЈКИ: Во последната година од предозирање со дрога во Америка починале над 100.000 Американци

Магдалена Андонова — Wed, 17 Nov 2021 19:48:08 +0000

Само во последната година над 100.000 Американци починале од предозирање со дрога, што здравствените власти го поврзуваат со пандемијата со Ковид- 19 и присуството на уште поопасните опијати во системот за снабдување со лекови. Во САД смртноста од предозирање расте повеќе од две децении, а во последните две години е забрзана и, според последните податоци, во последната година е зголемена за речиси 30 отсто. Врз основа на најновите достапни податоци од регистарот на смртни случаи, американскиот Центар за контрола и превенција на болести (ЦДЦ) проценува дека од мај 2020 година до април 2021 година 100.300 Американци починале од предозирање со дрога, иако, според американските медуми, ова не се официјални податоци. ЦДЦ претходно соопшти дека во 2020 година имало околу 93.000 смртни случаи од предозирање, што дотогаш беше најголем број регистриран во една календарска година. Роберт Андерсон, шеф на статистиката за смртност на ЦДЦ, изјави дека во календарската 2021 година бројката на починати од предозирање веројатно ќе надмине 100.000. -Бројката е поразителна. Тоа е размерот на смртните случаи од предозирање какви што досега не сме виделе во оваа земја, вели Кетрин Кис, експерт од Универзитетот Колумбија за злоупотреба на дрога. Смртноста од предозирање со дрога сега ја надминува смртноста од сообраќајни несреќи, оружје, па дури и од грип и пневмонија.

Имаше само 24 години: Почина синот на славните манекенка и милијардер (ФОТО)

Ивана Ефремовски — Thu, 21 Jan 2021 09:14:46 +0000

Тој тргна по стапките на својата славна мајка, која го маѓепса светот со својата убавина во 90-тите години, но според странските медиуми, страшниот порок не им даде мир. Супермоделот Стефани Сејмур потврди дека нејзиниот син, 24-годишниот модел Хари Брент починал. Според официјалното соопштение, „случајно предозирање“ е наведено како причина за смртта. -Ние секогаш ќе бидеме тажни што неговиот живот беше уништен од таа разорна болест. Тој постигна многу за своите 24 години, но никогаш нема да имаме шанса да видиме колку повеќе Хари можеше да стори. Хари не беше само наш син. Тој беше прекрасен брат, сакан внук, грижлив пријател. Тој беше креативна, моќна душа полна со љубов што внесе светлина во срцата на многу луѓе. Тој беше убав и надвор и внатре, се вели во соопштението за печатот. Хари Брент е син на познатата манекенка Стефани Сејмур и милијардерот Питер Брент. Според странските медиуми, тој наскоро требало да оди на клиника за рехабилитација и да се бори против зависноста, но сега е предоцна.

Деми Ловато се огласи откако се предозира, за проблемите ги обвини нив

Ивона Петрова — Sun, 23 Dec 2018 16:45:21 +0000

Деми Ловато преку Твитер им се обрати на своите обожаватели, за своите проблеми ги обвини медиумите. Во бесвесна состојба, таа летото заврши во болница. Нејзиниот телохранител ја пронашол онесвестена и предозирана во нејзиниот дом во Лос Анџелес. По пружената медицинска помош, ѕвездата на Дизни заврши на рехабилитација, а сега се огласи преку Твитер. -Ги сакам своите обожаватели и ги мразам таблоидите. Не верувајте во она што ќе што ќе го прочитате. Луѓето измислуваат работи за да продаваат приказани. Ако почувствувам дека светот нешто треба да знае, тогаш тоа лично ќе го кажам. Трезна сум и благодарна што сум жива, пишува Ловато. Таа додава дека еден ден на светот ќе му каже што точно се случило и каков е нејзиниот живот денес. -Но, додека не бидам подготвена тоа да го споделам, ве молам престанете. Се уште ми се потребни простор и време да се излекувам. Би сакала да ставам точка на гласините, но на никој ништо не му должам. Моите обожаватели знаат дека работам на себе и дека сум среќна, листа и им благодарам на поддршката, ја завршува таа објавата.