предозираност – Kurir.mk

Во САД за една година починале над 100.000 луѓе од предозираност со дрога

Ивона Петрова — Thu, 18 Nov 2021 07:54:27 +0000

Во САД минатата година регистрирани се над 100.000 смртни случаи од предозираност со дрога, што е рекорден број смртни случаи за една година, соопштија американските здравствени власти. Бројката од 100.000 е надмината за време на пандемијата со Ковид-19. Во периодот од април 2020 година и истиот месец оваа година, во САД починале 100.306 лица поради предозирања со наркотици, што е за 28,5 отсто повеќе отколку во претходниот 12-месечен период. Властите истакнаа дека повеќето од тие смртни случаи биле предизвикани од синтетички дроги, како што е нелегално произведениот фентанил. – Мојата администрација е посветена да направи се што е во нејзина моќ за да се бори против зависноста од дрога и да стави крај на оваа епидемија на предозирање, се наведува во соопштението на американскиот претседател Џо Бајден.

Англиски навивач почина во Софија, најверојатно од предозираност со дрога

Дарко Андоновски — Mon, 14 Oct 2019 14:31:29 +0000

Еден англиски навивач во Софија починал, неофицијално од предозираност со дрога. Вечерва од 20.45 часот, репрезентациите на Бугарија и Англија играат меч од квалификациите за ЕП 2020, а во главниот град на Бугарија допатуваа неколку илјади Англичани. Во моментов се врши аутопсија, а според непотврдени информации, причина за смртта е предозираност од наркотични средства. Според бугарските медиуми кои пренесуваат изјава од полицијата, навивачот колабирал на улица, и со возило на брза помош бил пренесен во болница, но била констатурана смрт. Има и две други пријави за инциденти кои ги правеле Англичаните, а имаше и една тепачка во која еден Англичанец се здоби со скршеница на раката.

Птици се предозирале со таблети што некој ги фрлил во парк во Калифорнија

Дарко Андоновски — Mon, 24 Dec 2018 08:15:30 +0000

Неколку гуски и галеби се отруле од таблети што некој ги фрлил во парк на плажата Хантингтон во Калифорнија. Локални жители сведочат дека птиците се тетерават, не можат да го држат вратот исправен и легнуваат на земја на грб. Потоа ги забележале и таблетите, па ги повикале надлежните служби за заштита на животните. – Во нашиот центар моментно има една канадска гуска и галеб со симптоми на губење контрола на мускулите. Двете птици се добро и примаат течности за да ги исфрлат лековите од организмот. Им благодариме на оние кои помогнаа да се спасат птиците, соопштува Одделението за заштита на животните. Птиците лапнале мешавина од антидепресиви и апчиња за срце и несоница. Сѐ уште не се знае кој ги фрлил во паркот.

Две девојки починале од предозираност со дрога на фестивалот Tomorrowland

Ивана Ефремовски — Mon, 06 Aug 2018 08:17:27 +0000

Две девојки починале од предозираност со дрога за време на фестивалот Tomorrowland, еден од најголемите фестивали за електронска музика во светот, јавува белгискиот јавен сервис ВРТ, но информацијата не е потврдена ниту од организаторите на фестивалот, ниту од властите. Едната девојка починала за време на првиот викенд, а втората следниот, јавува ВРТ повикувајќи се на два одделни извори, но без официјална потврда. И двете конзумирале екстаси, според информациите на новинарите. Федералната полиција на Белгија вели дека борбата против шверцот со дрога на фестивалот е приоритетен и дека не толерира никакви исклучоци. На фестивалот оваа година 63 лица кои продавале дрога се фатени на дело, меѓу нив се Романци, Холанѓани, Германци, Канаѓани, Норвежани, Бразилци, Швајцарци, Израелци и Австралијанци. 430 лица се приведени и истерани од фестивалот, вели полицијата. Tomorrowland е еден од најголемите музички фестивали на свет и претставува крупен предизвик за безбедносните сили во Белгија. Минатата година 400.000 луѓе од 200 земји го посетија фестивалот. (МИА)

Дарко Лазиќ скапо го плаќа бурниот живот: Пејачот претерал и на свадбата на својот брат, лекарите веднаш му го испрале желудникот

Дарко Андоновски — Fri, 12 Jan 2018 10:47:48 +0000

Пејачот кој е во центарот на скандалите овие денови поради снимката која се појави во јавноста на која тој јасно се гледа како шмрка кокаин, овој пат повторно ја бранува целата јавност. Имено пејачот толку многу претерал на свадбата кај својот брат што завршил во болница на перење на желудникот, дознаваат српските медиуми. -Забават беше во ноември, сите во семејството беа среќни бидејќи подготвуваат свадба за својот син Драган кој се ожени со долгогодишната девојка. Навистина беше убаво и весело на прославата, беа повеќе од триста гости на свадбата. Покрај младоженците и родителите секако највесел беше Дарко Лазиќ бидејќи го жени својот брат. Тој од рано утрото ја дарувал музиката, пеел и наздравувал со алкохол, вели соговорникот. Тој додава дека тој во еден момент завршил во болница бидејќи претходно му се слошило. -Никој не е сигурен зошто пејачот заврши во болница, кога веќе заврши свадбата останаа неколку пријатели на Дарко кој често заедно со него одеа во тоалет, а по излегувањето чудно се однесуваа и повраќаа. Еден од пријателите забележа дека со пејачот нешто не е во ред и дека пребледува, но тој не сакаше да му ја уништи свадбата на својот брат одбивајќи да оди во болница. Меѓутоа во еден момент тој се онесвестил и завршил во болница на перење на желудникот, вели изворот.