Предраг Димитровски – Kurir.mk

Димитровски: Оваа Влада е со анационални чувста, од нив може да се очекува се

Тале Кристо — Wed, 20 Jul 2022 17:39:29 +0000

-Нашата изјава за македонскиот јазик претставува пример за нефукционалност и приватизирање на државните институции. Еден партиски измеќар си ја присвоил институцијата во министерството за култура и ќе биде многу интересно да се види записникот од седницата на која било разговарано за содржината на текстот на изјавата и кој учествувал на таа седница од членовите на Советот и какви ставови застапувал. Јас сум убеден дека таква седница не се ни одржала и приватизирањето на институцијата, сега доаѓа до израз. Такво нешто се случува и со Комисијата за историски прашања. Друг момент е објавувањето на картата од страна на универзитетот Харвард во која се гледа целата територија на која се говори македонски јазик. Нашиот Хардварец, премиерот Димитар Ковачевски појма нема за такво нешто и дозволува да си пукаме сами во нога, што ќе има последици не само за јазикот, туку и во историската комисија на која сега треба да и се даде приоритетно значање, кажа новинарот Предраг Димитровски во своето гостување во емисијата „Што не е јасно“. Тој во текот на своето гостување зборуваше и што може да се очекува од оваа Влада каде потенцираше дека од оваа Влада може да се очекува се бидејќи тие се далеку од реалноста и се со анационални чувства. -Прво лично очекувам да видам како ќе се слави 2 Август иако според бугарската верзија денеска е Илинден, тие друг календар користат, да видам до каде може да оди срамот на една власт која нема допир со реалноста и е со анационални чувства. Потоа очекувам главните проблеми да следуваат на економски план, посебно со настапувањето на грејната сезона и мислам дека до тогаш народот ќе се олади од политичките збидувања и ќе се соочи со сурова реалност на дивеењето на инфлацијата на сите видови кризи и како капак на се, ковидот одново не напаѓа од сите страни, така да мислам ништо оптимистички не треба да очекуваме. Дупките што секој џеб ќе ги направи од цените на енергенсите, не можат да се закрпат најмалку 4-5 месеци по истекот на грејната сезона, додаде Димитровски.

Димитровски: Да кажеш дека спорот со Бугарија ќе го решиш брзо, значи дека капитулираш и прифаќаш се што ти бараат

Тале Кристо — Mon, 20 Dec 2021 18:22:02 +0000

Со исполнување на бугарските барања, тие исполнуваат вековен идеал, а ние стануваме жртва, вели за „Што не е јасно“ на Алфа, новинарот Предраг Димитровски кој потенцира се што се случуваше досега отвора голем сомнеж дека ќе се прифатат клучните бугарски барања, што ќе биде еднакво на капитулација за Македонија. - Спорот помеѓу Македонија и Бугарија е стар еден век, можеби и повеќе. Сега тој спор да кажеш дека ќе го решиш за 6 дена а седмиот ќе одмараш, тоа е илузија и надвор од здрав разум, единствено ако тие дадени одговори не претставуваат отворена капитулација и прифаќање на сите барања како што се дека како народ постоиме од 1944 година и дека македонскиот јазик е западен дијалект на бугарскиот, рече Димитровски коментирајќи ја и изјавата вицепремиерот Артан Груби за брзо решение на спорот. Според него дека нешто се подготвува во спорот и се работи на прифаќање на условите говори фактот дека не се информирани политичките партии ниту јавноста - Власта треба да ги информира најголемите политички субјекти во државата. не може ВМРО-ДПМНЕ како најголема опозиција да не биде информирана за ништо. Колку тоа ќе допре со јавноста, стручната и експертска јавност за да продискутира за проблемот и што е прифатливо. Но, штом нема средба од Пендаровски за одговорите што ги имаат испратено во Софија, нешто се подготвува, рече Димитровски. Тој додаде дека Бугарија сака да ги кочи сите процеси за Македонија и проблемот станува регионален. - Прво тоа го направи Борисов со барањата за спроведување на договорот, а Радев само се надоврзува на тоа. Свикувањето на нивниот национален совет за безбедност, сакаат да му дадат димензија на безбедносна опасност во односите со Македонија, изјави Димитровски.

Димитровски: Веста за реалната слика на огромниот број на невработени Заев ја прикри со рушењето на дивоградбата

Ристе Здравков — Wed, 02 Sep 2020 17:17:33 +0000

Предраг Димитровски, новинар во своето гостување во емисијата „Што не е јасно“ зборуваше за дивоградбата кај Мавровска при што посочи дека за него тоа претставувало една димна завеса, магла затоа што невозможно е 4 месеци институциите да затајат за да не знаат кои стои зад таа дивоградба, прво и основно, а второ човекот кажа дека има платено и тоа институциите на системот не можат да не знаат дека има платено затоа што сметал дека треба да се изгради. Според него се поставува прашањето што се чекало 4 месеци за да го направат тоа што денес го направиле. -Денеска случајно или не Заев конечно излезе со бројки на невработени и останаа во сенка поради рушењето на дивоградбата. Неговите податоци што тој ги изнесе не соодвествуваат со податоците кои може да се видат во Заводот за вработување. Тој спомена бројка од 23 000, а некои податоци говарат и за 30 000, а во Заводот за вработување 36 000. Меѓутоа како утеха не е 140 000 невработени, и сега каде е тука проблемот. Проблемот е што 23-30 илјади нови невработени во пандемијата не се од аминистрацијата тоа се сите луѓе од реалниот сектор.Така да од една страна администрацијата остана нечепната со пандемијата и сега ќе се прочистува со 20%, а од друга страна целиот товар на пандемијата падна на реалниот сектор и тоа што ја храни и оддржува администрацијата и останува на улица, истакна тој. Според новинарот Димитровски оттука се поставува клучното прашање за кого биле и за што наменети мерките за задржување на работните места што ги донесе техничката влада. Ако биле со вистинска цел и вистинска намена мерките за задржување на работните места овие бројки сега немаше да ги има и тоа кажува дека преземените мерки имале сосема друга цел и намена, додаде тој.

Димитровски: Однесувањето на Талат Џафери е класичен пример за однесување во заробена држава

Ивана Ефремовски — Wed, 25 Jul 2018 19:07:08 +0000

Новинарот Предраг Димитровски во своето гостување во отвореното студио на телевизија Алфа, истакна дека однесувањето на спикерот на Собранието, Талат Џафери е класичен пример дека Македонија е заробена држава.

Имено Џафери со усмена наредба забранил собраниските служби да го достават материјалот за седницата на комисијата за надворешна политика на која министерот за надворешни работи Никола Димитров требаше да даде отчет за преговорите за името.

Коментирајќи на оваа тема, Димитровски забележа дека денешното однесува на Џафери е уште еден удар кон државата и пример за нетранспарентноста при носењето на договорот за името.

За трагедијата околу последните настани во Собранието да биде уште поголема, членовите на комисијата имаат безбедносен сертификат за пристап до тајни документи, а и покрај тоа спикерот забранил пратениците да ги добијат документите поврзани со името. Ваквата одлука на Џафери е спротивна на деловникот на Собранието и законите, а со ова тој дополнително отвора дилема што е толку страшно во класифицираните документи кои не им се даваат на пратениците.

Димитровски за договорот со Грција вели дека е апсурден и дека во него нема никакви обврски за грчката страна. Во случајот, потенцира Димитровски, Грција е само надгледувач дали Македонија ги спроведува одредбите од договорот, ако веќе е таква состојбата тој вели иронично, нека дојде нивната влада тука нека го спроведе, така ќе биде полесно.