предраг колувија – Kurir.mk

„Призма“: Колувија сакал да стане почесен конзул на Македонија

Ристе Здравков — Thu, 07 Oct 2021 07:01:42 +0000

Контроверзниот српски бизнисмен Предраг Колувија, обвинет во Србија за нелегално производство и чување марихуана, во моментот кога го апсела полицијата, бил на пат за Македонија да аплицира за почесен конзул на нашата држава во Србија, откри самиот тој минатата недела во првото интервју откако по речиси две години беше пуштен во домашен притвор, пренесува „Призма“. Полицајците, во ноември 2019 година, неколку дена по апсењето, на неговиот имот близу Белград откриле нешто повеќе од 60 000 билки, кои речиси сите, според обвинението, имале поголема концентрација на халуциногената супстанција ТХЦ од дозволеното. Сѐ до апсењето беше еден од сопствениците на две фирми во Македонија за легално производство на канабис за медицински цели. Бргу потоа македонските власти ѝ ја одзедоа лиценцата на фирмата што веќе произведуваше марихуана близу македонското село Росоман, со образложение дека не водела евиденција за секое стебло канабис, што е строга законска обврска. БИРН овие наводи ги објави пролетва во истражување, потенцирајќи дека македонските власти никогаш не се заинтересирале што се случило со марихуаната за која не била водена евиденција. Дел од партнерите на Колувија во Македонија имаат бизнис-минато со членови на фамилијата на премиерот Зоран Заев. На прашањето на водителот дали Македонија му нудела да биде почесен конзул, тој неодредено одговори дека тоа била желба на некои негови пријатели. Пријателите сметале дека тој е одличен кандидат за почесен конзул поради неговиот економски и политички ангажман во државава. Контроверзен е и тој негов „политички ангажман“ бидејќи, како што вели во интервјуто, сакал да ги оживее сеќавањата на четниците од Македонија и на тоа дека Македонците се Срби. Тој, всушност, вели дека бил уапсен на автопат бидејќи српската полиција се плашела дека кога тој веднаш и истиот ден би го добил дипломатскиот статус од Македонија, потоа не би можела така лесно да го притвори или како што тој обвинува – да го зароби. „А, не оди тоа така. Се аплицира и се чекаш со месеци“, додава Колувија. Во интервјуто, објавено на 1 октомври на српскиот портал Објектив ТВ, Колувија обвинува дека е жртва на монтиран полициски случај, кој бил резултат на подметнувањата меѓу тогашниот министер за внатрешни Небојша Стевановиќ и актуелниот претседател Александар Вучиќ, двајцата од владејачката партија Српска напредна странка (СНС).

Колувија со соработниците во Македонија комуницирал преку групата “Росоман производство” преку заштитената апликација “Разговор”

Магдалена Андонова — Fri, 28 May 2021 11:20:18 +0000

Колувија во Македонија имал удел и сопственост на 3 фирми, од кои 2 произведувале марихуана за медицински цели, едната од тие две направиле извоз дури 60 илјади садници на канабис Некои партнери на Колувије во Македонија биле луѓе кои се во врска со премиерот Зоран Заев и со членови на неговото семејство Српските партнери на Колувије во Македонија биле и браќата Меденица, закупци на ресторанот Звездара театар во белград THC во билките никој не ги проверувал ниту во Македонија ниту во Србија После апсењето, дозволата на Колувије за одгледување на канабис била одземена. Инспекцијата во текот на контролата не успеала да утврди колку билки биле одгледувани на македонската плантажа Росоман, ниту која сорта на канабис, што отвора можност дека дел од канабисот завршил на црн пазар. Против Колувије и неговите соработници не е покренато обвинение во Македонија. Србија од Македонија побарала информации за бизнисот на Колувије и неговите партнери а официјални информации за истражување во Србија нема. Во Македонското село Дебриште кое се наоѓа во општината Росоман во Тиквешката котлина позната по вината, сместени се пластеници во кои се одгледувала марихуана. Коспоственик на фирмата кој газдува таму на таа плантажа е добро познато име – Предраг Колувија, сопственик на Јовањице, првообвинет во две обвиненија за кои се водат постапки пред Судот за организиран криминал во Белград. Денес оранжериите изгледаат напуштени, а до крајот на 2019 година во нив се одгледувал канабис, кој, барем според дозволата на македонската Влада, можел да се произведува и да се користи исклучиво за медицински цели. Сепак, истражувањето на БИРН покажува дека и Јовањица и Росоман ги злоупотребиле овие дозволи - се чини дека Јовањица ја користел дозволата како покритие за одгледување и тргување со психоактивен канабис, додека Росоман не водел евиденција за бројот и видот на растенијата одгледувани на имотот, дека еден дел од нив можел да заврши на црниот пазар. Постоењето на плантажата на марихуана во Колувија во Македонија во Србија стана познато кога српската полиција пронајде специјална апликација „Разговор“ во телефоните што ги користеа Колувија и неговите соработници, што се користеше за заштитена комуникација. Како што дознава БИРН, како дел од „Разговор“, покрај групата „Совет за безбедност“ преку која Колувија комуницирала со членови на безбедносните и полициските служби кои му обезбедувале заштита, тука била и групацијата „Росоман продукција“ за луѓе вклучени во производство на канабис во Македонија. Поради ваквите сомнежи, српското обвинителство за организиран криминал, како што дознава БИРН, во февруари минатата година испратило барање за меѓународна правна помош до македонското основно јавно обвинителство за гонење на организиран криминал и корупција, барајќи од нив помош за утврдување идентитетот на корисниците на Росоман Продукција. „Во рамките на оваа група беа забележани фотографии од просториите на објектот во кој се одгледуваше, сушеше и вакуумираше зелена материја за која се претпоставува дека е канабис“, стои во писмото од српското обвинителство. Заедничко истражување на БИРН Србија и БИРН Македонија покажа дека покрај плантажата Росоман и ТХЦ Квалитет група, која е сопственик на плантажата, Предраг Колувија и неговите соработници контролирале барем уште една компанија во северна Македонија, која имала дозвола да одгледува канабис за медицински цели и еден регистриран за трговија и услуги. Според македонскиот регистар, Предраг Колувија сè уште има 50 проценти удел во компанијата THC Quality Group од Скопје. До апсењето на 13 ноември 2019 година, Колувија извезуваше дел од садници канабис од Јовањица во оваа македонска компанија. Во текот на 2019 година, од Јовањица се извезени скоро 60.000 садници канабис, со вкупна тежина поголема од 4.700 килограми, скоро онолку колку што беа пронајдени во Јовањица за време на полициската акција во ноември 2019 година, што дополнително фрла светло на обемот на одгледување канабис на тоа плантажа. БИРН исто така дознава дека македонското обвинителство не спроведува никаква истрага за деловното работење на компанијата Колувија во таа земја, иако комисијата на Министерството за здравство открила бројни неправилности на фармата THC Quality Group во Росоман и ја одзела лиценцата за одгледување канабис за медицински цели. Целата вест може да ја прочитате ТУКА.

Зошто владините мегафони молчат за српската истрага за бизнис партнерот на Заеви?

Ивана Ефремовски — Tue, 03 Dec 2019 16:58:40 +0000

Предраг Колувија, кој од неодамна влезе во бизнисот со одгледување марихуана за медицински потреби во Македонија, е уапсен во Србија, поради нелегално одгледување марихуана. Бизнис партерот на Заеви е под сомнение за црна продажба на марихуана. Во Србија овој случај беше криен кратко време, како што пишуваат медиумите, поради поврзаноста на Предраг со српските власти. И покрај тоа што по обелоденување на скадалот поминаа неколку дена, молк има и од македонската страна, како ос Владата чиј бизни партнер е токму Колувија, така и од медиумите блиски до неа. Македонските власти во овој човек видоа бизнисмен кому му го отворија пазарот, а што имал за цел да прави тука, засега ќе остане отворено прашање. Српскиот „крал“ на органската храна, Предраг Колувија, кој од неодамна влезе во бизнисот со одгледување марихуана за медицински потреби во Македонија, е уапсен во својата матична земја. Главното дело кое му става на товар е токму незаконско одгледување марихуана. Случајот ја „тресе“ српската политичка јавност, а веќе има изјави дека и фирмата на Колувија во земјава била дел од сомнителните бизнис операции, анализира 360. Според српските медиуми, полицијата упаднала во пластениците за одгледување органска храна на Колувија кај Стара Пазова уште на средината на минатиот месец, по налог на тамошното обвинителство за гонење на организиран криминал. Претресот и заплената на марихуана кај Колувија „излезе“ во српските медиуми во изминативе неколку дена. Тоа значи дека речиси две недели тамошните власти не информирале самите за случајот. Глуви за овој скандал се прават и од македонската Влада. МВР не излегува со никаков извештај, нема никаква информација за марихуаната за која останаа покуси партнерите ма Заев. Дел од медиумите во Србија потсетуваат дека имотот на Колувија во минатото го имаат посетувано и владини министри, како на пример Александар Вулин, актуелниот министер за одбрана. При тие посети, фунционерите го промовираат примерот на Колувија како репер за бизнисмен кој го развива земјоделството. Според српската опозициска Народна партија, причината што тамошните власти го криеле случајот е блискоста на Колувија со актуелната српска власт. Потпретседателот на партијата, Мирослав Алексиќ, обвини дека веднаш по претресот Колувија, прво, се јавил кај братот на српскиот претседател, Андреј Вучиќ. Токму тука приказната станува релевантна и за Македонија. Според Алексиќ, Колувија ја користел македонската фирма „Т.Х.Ц. Куалити гроуп“ за незаконски активности. Допрва ќе видиме дали незаконски активности биле планирани и во Македонија и дали линијата ќе оди до братот на премиерот Вице Заев. Сепак, останува отворено прашањето зошто владините мегафони молчат за српската истрага за бизнис партнерот на Заеви?

Бизнис партнерот на Заеви под сомнение за црна продажба на марихуана: Што најде полицијата кај него?

Ивана Ефремовски — Sat, 30 Nov 2019 12:08:59 +0000

Предраг Колувија, кој од неодамна влезе во бизнисот со одгледување марихуана за медицински потреби во Македонија, е уапсен во Србија, поради нелегално одгледување марихуана. Бизнис партерот на Заеви е под сомнение за црна продажба на марихуана. Во Србија овој случај беше криен кратко време, како што пишуваат медиумите, поради поврзаноста на Предраг со српските власти. Македонските власти, пак, во овој човек видоа бизнисмен кому му го отворија пазарот, а што имал за цел да прави тука, засега ќе остане отворено прашање. Српскиот „крал“ на органската храна, Предраг Колувија, кој од неодамна влезе во бизнисот со одгледување марихуана за медицински потреби во Македонија, е уапсен во својата матична земја. Главното дело кое му става на товар е токму незаконско одгледување марихуана. Случајот ја „тресе“ српската политичка јавност, а веќе има изјави дека и фирмата на Колувија во земјава била дел од сомнителните бизнис операции, анализира 360. Според српските медиуми, полицијата упаднала во пластениците за одгледување органска храна на Колувија кај Стара Пазова уште на средината на месецов, по налог на тамошното обвинителство за гонење на организиран криминал. Претресот и заплената на марихуана кај Колувија „излезе“ во српските медиуми во изминативе неколку дена. Тоа значи дека речиси две недели тамошните власти не информирале самите за случајот. Дел од медиумите во Србија потсетуваат дека имотот на Колувија во минатото го имаат посетувано и владини министри, како на пример Александар Вулин, актуелниот министер за одбрана. При тие посети, фунционерите го промовираат примерот на Колувија како репер за бизнисмен кој го развива земјоделството. Според српската опозициска Народна партија, причината што тамошните власти го криеле случајот е блискоста на Колувија со актуелната српска власт. Потпретседателот на партијата, Мирослав Алексиќ, обвини дека веднаш по претресот Колувија, прво, се јавил кај братот на српскиот претседател, Андреј Вучиќ. Токму тука приказната станува релевантна и за Македонија. Според Алексиќ, Колувија ја користел македонската фирма „Т.Х.Ц. Куалити гроуп“ за незаконски активности. Што најде полицијата кај Колувија? Според изештаите на српските медиуми, полицијата упаднала во пластениците на Предраг Колувија кај Стара Пазова уште на средината на месецов, по налог на тамошното обвинителство за гонење на организиран криминал. При претресот на големиот имот на фирмата „Јовањица“ на Колувија, истражните органи откриваат поголема количина на марихуана. Околу 650 кг. биле подготвени за продажба и уште четири тона во сирова состојба. Неофицијално, претресот бил направен случајно. Колувија со своето „Ауди“, на кое незаконски имал вградено ротациски светла, на пат го попречувал движењето на навидум цивилно возило. Но, во тоа возило бил шефот на белградското полициско одделение за борба против наркотици. Тој го застанал и легитимирал Колувија, кој пак му покажал фалсификувана полициска легитимација. На крај, приказната завршува и со откривање на нелегално оружје кај Колувија и со веќе споменатиот претрес во кој е откриена марихуаната.

Откако бизнис партнерот на Заеви е под лупа на органите на прогонот во Србија, се очекува одговор дали марихуаната на Заеви заврши во соседството?