предраг самарџиски – Kurir.mk

Предраг Самарџиски се сели во Кавадарци

Бошко Тасиќ — Fri, 20 Aug 2021 16:05:49 +0000

Поранешниот македонски кошаркарски репрезентативец Предраг Самарџиски по две години се враќа во мак-кошарката и ќе ги брани боите на Еуро Никел, клуб кој со големи амбиции ќе ја стартува новата сезона во Првата кошаркарска лига на Македонија. Во својата богата кариера Самарџиски има настапи за бројни клубови од регионот, а во Македонија досега ги бранеше само боите на МЗТ Скопје, каде пред две сезони го освои домашниот шампионат. Ова лето Еуро Никел драстично го промени ликот на својот тим и доведе дури осум нови кошаркари. Покрај Самарџиски, во Кавадарци се преселија Ивица Димчевски, Александар Штерјов, Џордан Калахан, Андреј Цветковски, Теодор Атанасов, Бранислав Ѓекиќ и Обрадо Томиќ.

Предраг Самарџиски се врати на кошарката

Бошко Тасиќ — Wed, 17 Mar 2021 20:57:04 +0000

Поранешниот македонски репрезентативец Предраг Самарџиски се врати на кошарката после една година пауза во која немаше клуб поради пандемијата со коронавирусот. 34 годишниот Самарџиски ќе игра во турскиот второлигаш Јени Мамак.Овој тим доаѓа од предградието на Анкара и во овој момент е на осмата позиција во втората турска лига со скор 12:10. Тоа е последното место кое води во плеј-офот за пласман во повисок ранг. Самарџински сезонава нема настап, а во минатата одигра 18 за Самсунспор, кој е клуб исто така од втората турска лига.

Самарџиски се враќа во Аеродром

Предраг Кукиќ — Sun, 06 Jan 2019 10:13:37 +0000

МЗТ Скопје додаде значајно засилување во својот ростер за клучниот дел од сезоната, потпишувајќи договор со Предраг Самарџиски. Искусниот 32-годишен центар ќе биде дел од „металците“ до крајот на сезонава, што за него претставува враќање во аеродромскиот клуб по пауза од три и пол години.