прегазен пешак – Kurir.mk

Се суди на жената која прегази пешак: Филиповиќ НЕ се чувствува виновна, бара да одговара само за небрежност

Ивана Ефремовски — Wed, 08 Feb 2023 11:16:05 +0000

Во скопскиот Кривичен суд денес започна судењето против Гордана Филиповиќ. Таа го управуваше возилото кое го усмрти 76-годишниот Слободан Ангеловски. Несреќата се случи на мостот „Гоце Делчев“ во Скопје, пред девет месеци. Денес се отвори претресот со воведни говори. Филиповиќ ќе се гони за тешки дела во сообраќајот, со смртен исход. За ова дело, како што посочи обвинетата, НЕ се чувствувала виновно. Таа и нејзината одбрана бараат преквалификување на делото, за тоа да се третира како чин на небрежност. Додека таа го даваше својот исказ, синот на загинатиот Ангеловски беше отстранет од судницата. Следното рочиште е закажано за на 6-ти март. Тогаш во судницата ќе се сослушаат тројца вештаци по предлог на обвинителството, одбраната и обвинетата. Ќе биде презентирано нивното вештачење, а ќе се презентира и видео материјал. Потсетуваме, обвинетата Филиповиќ е мајка на кумановката Јелена која имаше 17 години, а пред три години загина во сообраќајна несреќа.

Моторџија прегазил дедо кај „Рамстор Мол“

Магдалена Андонова — Tue, 11 Oct 2022 12:16:42 +0000

На 10.10.2022 вo 10.00 часот во СВР Скопје било пријавено дека на ул.„Св.Кирил и Методиј” во Скопје, мотоцикл „дукати” со скопски регистарски ознаки, управуван од Д.Т.(43) од Скопје, удрил во пешакот С.М.(82) од Скопје. Во несреќата со тешки телесни повреди се здобил С.М., констатирани во Комплексот клиники „Мајка Тереза”. Увид извршила екипа од СВР Скопје.

Прегазен пешак во Скопје, возачот избегал од местото на несреќата

Магдалена Андонова — Wed, 05 Oct 2022 10:47:45 +0000

Вчера во 17.45 часот во СВР Скопје било пријавено дека на бул.„Македонско- косовска бригада“ во Скопје, патничко возило „фолксваген голф“ удрило во пешакот А.А.(36) од Скопје, по што го напуштил местото на несреќата, информира МВР.

„Пешакот се здобил со тешки телесни повреди, констатирани во Комплексот клиники „Мајка Тереза“, соопштија од полицијата.

Извршен бил увид од увидна екипа од СВР Скопје и се работи на расчистување на случајот.

ФОТО: ПОВРЕДЕН 20-ГОДИШЕН ПЕШАК ВО ЧАИР- еве ги деталите

Катерина Бојаџиева — Thu, 10 Mar 2022 10:05:05 +0000

Пешак се здобил со телесни повреди откако вчера вечерта во него удрил автомобил „голф“ со скопски регистарски таблички управуван од 66-годишен возач од Скопје со иницијали М.Д., информираат од МВР за КУРИР. Несреќата се случила во 22 часот на улицата „Цветан Димов“, а повредениот 20- годишен пешак Е.Б. е пренесен во Комплекс клиники „Мајка Тереза“. Полицијата извршила увид, а сообраќајот бил пренасочен додека траел истиот.

Обвинителството со детали за сообраќајката на мостот „Гоце Делчев“

Ивона Петрова — Wed, 26 Jan 2022 13:12:35 +0000

Јавен обвинител од Основното јавно обвинителство Скопје изврши увид и презема дејствија за утврдување на фактите за настаната тешка сообраќајна несреќа во близина на мостот „Гоце Делчев“ во центарот на Скопје. Првичните сознанија упатуваат дека до несреќата дошло кога автомобил марка БМВ со кумановски регистарски ознаки удрил во пешак кој ја преминувал улицата во непосредна близина на мостот. -По наредба на јавен обвинител ќе се врши обдукција на телото на починатиот, а од лицето кое управувало со автомобилот земени се примероци од крв и урина за да се утврди евентуално присуство на алкохол или други недозволени средства. Со наредба на јавниот обвинител ќе бидат обезбедени и снимките од видео надзорот на околните објекти со цел да се утврдат причините за несреќата. Дежурниот јавен обвинител издаде наредба и за технички преглед на автомобилот, информираат од Обвинителството.

Битолчанец со автомобил прегазил пешак во Кичево

Тале Кристо — Fri, 30 Jul 2021 14:38:32 +0000

На 29.07.2021 во 18.45 часот во Полициската станица Кичево било пријавено дека на ул.„Рудничка“ во Кичево, патничко возило „ауди а3“, со кичевски регистарски ознаки, управувано од Д.Р.(43) од Битола, удрило во А.Џ.(22) од с.Пласница – Македонски Брод.

Во незгодата A.Џ. се здобил со тешки телесни повреди констатирани во Медицинскиот центар Кичево.

Извршен бил увид на местото на незгодата од увидна екипа од Полициската станица Кичево.

Трагедија кај Велешта, усмртен пешак

Ивона Петрова — Fri, 19 Mar 2021 09:33:01 +0000

Пешак е усмртен откако во него удрил автомобил на регионалниот пат Струга – Дебар, кај струшкото село Велешта. Од СВР Охрид информираат дека несреќата се случила вчера околу 19:30 часот. -Автомобил „Фолксваген Голф“ со струшки регистарски ознаки, управуван од Б.Н.(36) од селото Велешта, удрил во пешакот Т.К.(49) од село Подгорци. На пат кон општата болница во Струга Т.К. им подлегнал на повредите, информираат од охридската полиција. На местото на незгодата увид извршија јавен обвинител и полициски екипи.

Тинејџерка удрена од автомобил во Тетово- еве ги деталите

Дарко Андоновски — Thu, 21 Jan 2021 12:52:16 +0000

Седумнаесетгодишна девојка е повредна како пешак во сообраќајна незгода која се случи вчера на крстосницата кај градскиот плоштад во Тетово. -Вчера околу 14 часот и 45 минути, на крстосницата на улиците „Страшо Пинѓур“ и „Тодор Циповски-Мерџан“ во Тетово, патничко моторно возило „шкода рапид“ со тетовски регистарски ознаки, управувано од 48-годишниот А.Д. од тетовска Шипковица, удрило во 17-годишна тетовка (пешак). Таа била пренесена во тетовската Клиничка болница за укажување на лекарска помош, информира Марјан Јосифоски, портпарол на СВР Тетово. На местото на несреќата увид извршила екипа од Секторот за внатрешни работи Тетово. Овој месец, на 13 јануари, во Тетово имаше сообраќајка при што загина пешак 6-годишно девојче, откако било удрено од возило на булеварот „Видео Смилевски-Бато”.

Во Тетово поведена постапка против лице кое прегази пешак, па побегна

Дарко Андоновски — Wed, 09 Dec 2020 10:19:59 +0000

Основното јавно обвинителство Тетово поведе постапка против едно лице осомничено за кривични дела – Загрозување на безбедноста во сообраќајот од член 300 став 4 во врска со член 297 став 3 во врска со став 1 и Неукажување помош на лице повредено во сообраќајна незгода согласно член 301 став 2 во врска со став 1 од Кривичниот законик. Осомничениот, на 6 декември, на регионалниот пат Тетово-Јажинце, не се придржувал кон прописите и со тоа го загрозил јавниот сообраќај и го довел во опасност животот на луѓето. На критичниот ден тој управувал со автомобил Форд ескорт со тетовски регистарски ознаки и по регионалниот пат од Тетово кон село Пршовце возел со брзина неприспособена кон состојбата и условите на патот. Возејќи со поголема брзина низ населено место и по воден коловоз, не успеал навреме да запре, па со предниот десен дел од автомобилот удрил во пешак кој поминувал преку патот. По несреќата осомничениот не застанал за да му укаже помош на повредениот, туку веднаш избегал од местото. Оштетениот од здобиените тешки телесни повреди починал на местото на несреќата. Јавниот обвинител до судијата на претходна постапка од Основниот суд Тетово достави предлог за определување мерка притвор за осомниченото лице, поради опасност тој да се даде во бегство за да го избегне кривичниот прогон. Судијата го прифати предлогот и на осомничениот му определи притвор во траење од осум дена.

Пешак прегазен во Дебар Маало

Ивона Петрова — Mon, 02 Nov 2020 10:17:32 +0000

На 01.11.2020 во 09.20 часот во Скопје на крстосница од ул.„Наум Наумовски Борче“ и ул.„Аминта Трети“, патничко возило „опел“, со гостиварски регистарски ознаки, управувано од Ќ.Џ.(30) од Гостивар, удрило во пешак Т.Х.(88) од Скопје, информира МВР. По незгодата Т.Х., бил пренесен во Комплекс клиники „Мајка Тереза“, каде му се констатирани тешки телесни повреди. Увид на местото на незгодата извршила екипа од СВР Скопје.