прегазен велосипедист – Kurir.mk

ГО УДРИЛ СО АВТОМОБИЛ И ИЗБЕГАЛ – велосипедистот починал, а тој го признал делото откако го пронашла полицијата

Дарко Андоновски — Wed, 25 Jan 2023 15:14:49 +0000

Седумдесетгодишен жител на кумановското село Режановце утрово им подлегнал на повредите здобиени откако додека возел велосипед во него удрил возач со автомобил кој, првин побегнал од местото на несреќата, а денеска го признал делото, соопшти кумановската полиција. – Вчера во СВР Куманово било пријавено дека во 14 часот на булеварот „Октомвриска Револуција“ во Куманово, патничко моторно возило „сеат“ со кумановски регистарски ознаки, управувано од С.М.(32) од Куманово, удрило во велосипедистот Ж.Ј.(70) од село Режановце, Кумановско, по што го напуштил местото, соопшти полицијата. Велосипедистот Ж.Ј. бил пренесен во болницата Куманово, но поради сериозноста на повредите бил пренесен во комплексот клиники „Мајка Тереза“ во Скопје каде во 6 часот утрово починал. -Денеска, по преземените мерки и активности, од полициски службеници од СВР Куманово бил пронајден возачот С.М. и во службен разговор во полициска станица го признал делото, соопшти полицијата. По целосното документирање на случајот, против него ќе биде поднесена соодветна пријава.

Тешко повреден велосипедист во сообраќајка во Струмица, возачот избегал од местото

Дарко Андоновски — Sat, 31 Oct 2020 15:35:51 +0000

Засега непознато возило на ул. „Климент Охридски“ пред крстосницата со локалниот пат за село Градско Балдовци во Струмица, удрило во велосипедист Т.А.(56) од село Куклиш. при што тој се здобил со тешки телесни повреди кои му биле констатирани од доктор во Медицински центар Струмица. Како што соопшти МВР, незгодата се случила вчера изутрина во 05.30 часот, Увид на местото на настанот извршила екипа од СВР Струмица и се работи на расчистување на случајот.

Тешка несреќа во тетовско: Автобус удри велосипедист, мажот починал во болница

Ивона Петрова — Wed, 25 Dec 2019 09:46:36 +0000

Велосипедист го загуби животот откако вчера бил удрен од автобус. Несреќата, информираат од МВР, се случила околу 17:35 часот на локалниот пат с.Брвеница-с.Волковија, тетовско. -Автобус „Темса“ со тетовски регистарски ознаки, управуван од М.Ш.(50) од тетовско Теново удрил во велосипедист Б.Б.(63) од с.Брвеница. По незгодата, велосипедистот бил пренесен во Клиничката болница Тетово, каде починал, велат од МВР. Извршен бил увид на местото на настанот од Јавен обвинител и увидна екипа од СВР Тетово.

Велосипедист тешко повреден, возачот избегал од лице место

Ивона Петрова — Tue, 26 Nov 2019 09:41:12 +0000

Скопјанец е тешко повреден откако вчера бил удрен од автомобил. Несреќата, информираат од МВР се случила околу 20 часот на улицата „Јордан Мијалков“. -Во несреќата учествувале свтомобил „Пежо“ со скопски регистарски ознаки, управувано од Д.Д.(38) од Скопје, кој по незгодата го напуштил местото на настанот и велосипед, управуван од П.И.(45) од Скопје. Во незгодата велосипедистот се здобил со тешки телесни повреди и бил пренесен во Комплексот клиники „Мајка Тереза“ за укажување на лекарска помош, информираат од МВР. Извршен бил увид на местото на настанот од увидна екипа од СВР Скопје.