прекар – Kurir.mk

Сколари е виновен: Еве како бразилскиот селектор го добил прекарот Тите

Ивона Петрова — Fri, 09 Dec 2022 12:52:09 +0000

Неговото вистинско име е Аденор Леонардо Баки, но човекот кој денеска ќе ја предводи селекцијата на Бразил во четвртфиналето на Светското првенство во Катар против Хрватска е познат по прекарот Тите. За разлика од повеќето Бразилци, чиј прекар е изведен од едно од имињата, тој го доби благодарение на грешка на неговиот легендарен претходник. Луис Фелипе Сколари е последниот тренер кој со Бразил го освоил светскиот шампионат, во 2002 година во Јапонија и Јужна Кореја. Светското првенство се врати на азиско тло за првпат оттогаш, а тимот на Тите повеќето го сметаат за апсолутен фаворит на овогодинешното издание. Двајцата се запознале кога Баки бил момче, а Сколари бил наставник по физичко во училиште, пишува The Athletic. Сколари во тоа време беше дефанзивец на Каксиас, но не особено талентиран, го нарекувале Дрвена нога. Паралелно, работел како наставник по физичко во училиштето Кристовао де Мендоза. Тој го водел училишниот фудбалски тим, а за време на мечот против школата „Џинасио Гуарани“ забележал момче со кадрава коса, кое го импресионирало. Мислел дека тоа е Алтемир Гауер, кого го викаа Тите, но не бил во право. Така му се обратил Сколари. „Тите, Тите“, извикал тој. Со тој повик не само што му се промени животот, туку и доби име по кое сега го знае целиот свет.

КРАЛСКА ЕКСПЕРТКА ОТКРИ: Ова е прекарот со кој кралот Чарлс Трети ја нарекувал Меган, денес откако им се заладени односите, сигурно не го користи!

Дарко Андоновски — Fri, 07 Oct 2022 12:33:39 +0000

Кралската експертска Кејти Никол, во својата книга „The New Royals“ го откри специјалниот прекар со кој кралот Чарлс Трети ја нарекувал Меган Маркл. Според наводите на Никол, новиот британски монарх на својата снаа ѝ го дал прекарот „Tungsten“ поради нејзината цврстина и отпорност. Tungsten или волфрам е хемиски елемент со симбол W и атомски број 74. Тоа е тврд, сјаен сребрено-бел метал кој има исклучително висока густина, речиси еднаква на златото. Името tungsten доаѓа од шведските зборови „tung sten“, кои во превод значат „тежок камен“. Никол објаснува дека споменатиот прекар веројатно настанал кога Маркл покажала „цврстина“ за време на нејзината и средбата на Хари со принцот Вилијам и Кејт Мидлтон на Форумот на Кралската фондација во 2018 година. И додека Чарлс го користел овој прекар додека војводата и војвотката од Сасекс сè уште живееле во кралската палата, не е познато дали тој сè уште го користи денес кога односите меѓу нив се заладени. Многумина мислеа дека смртта на кралицата Елизабета барем малку ќе ги подобри нивните односи бидејќи сега по сила на околности ќе треба повеќе да соработуваат, но тоа не се случи. Принцот Хари и Меган брзо се вратија во Калифорнија по погребот на кралицата.

Кралското семејство имало навредлив прекар за Маган Маркл

Ивана Ефремовски — Sun, 19 Jan 2020 09:19:39 +0000

Познато е дека членовите на кралската фамилија си имаат дадено невообичаени прекари. Така, на пример, принцезата Дијана го викала принцот Вилијам вомбат и големиот Вили, а принцот Џорџ, наводно, го носи прекарот Арчи. Кралицата Елизабета отсекогаш го носела прекарот „Лилибет“, а за Меган оваа фамилија сочувала еден навредлив прекар. Кога се уште била нова во кралската фамилија, Меган Маркл открила дека нејзината мајка ја викала „цветче“. Меѓутоа кралската фамилија немала баш убав прекар за војвотката од Сасекс. Наводно, како што тврди новинарката Софија Мани-Кутс, еден од постарите членови на кралската фамилија ја нарекува Меган „жена-диплома“. Тој прекар, објаснува новинарката, алудира дека таа ќе трае три години, колку што трае процесот за школување за диплома. Меган, инаку, овие денови е сама во Канада и делува многу среќно.

Принцот Чарлс има необичен прекар за Меган Маркл

Дарко Андоновски — Mon, 18 Jun 2018 11:17:57 +0000

Принцот Чарлс и неговата снаа Меган Маркл се многу блиски, и тоа беше јасно уште кога свекорот ја испрати поранешната глумица до олтарот на нејзината свадба со неговиот син Хари. Сега протече уште еден детал што го потврдува сето тоа. Имено, принцот Чарлс за Меган има така необичен, но и сентиментален прекар - „Тунгстен“ (волфрам), оти била силна како метал. - Принцот Чарлс и се восхитува на Меган поради нејзината сила и поддршката што му ја дава на Хари, на кого му треба силна личност во неговиот живот оти честопати знае да биде мек. Тоа стана израз на преданоста, открива неименуван извор близок до кралското семејство. Чарлс (69) на венчавката минатиот месец, ја доби задачата да ја одведе невестата пред олтарот, кога веќе се знаеше дека нејзиниот татко Томас Маркл не доаѓа на свеченоста.