прекин на огнот – Kurir.mk

Договорен прекин на огнот во Луганската област за да се евакуираат цивили

Тале Кристо — Wed, 23 Mar 2022 07:36:58 +0000

Гувернерот на источната украинска област Луганск, Сергеј Гајдеј, денеска соопшти дека е постигнат договор за локален прекин на огнот. Договореното е со цел да се евакуира цивилното население од областа што се наоѓа во блокада поради воените дејствија. Гајдеј преку „Телеграм“ објави дека прекинот на огнот ќе стапи на сила во девет часот по локално време.

Москва објави за денеска прекин на огнот за неколку украински градови

Ивона Петрова — Tue, 08 Mar 2022 06:28:58 +0000

Руските власти најавија дека од денеска ќе стапи на сила прекинот на огнот за неколку украински градови за евакуација на цивили преку хуманитарни коридори. „Руската Федерација објавува прекин на огнот во 10 часот (по московско време) на 8 март“, за евакуација на цивили од Киев, како и од други градови. Станува збор за градовите Суми, Харков, Чернихив и Мариупол, се вели во соопштението на руското Министерство за одбрана задолжено за хуманитарните операции во Украина. Третата рунда руско-украински разговори заврши синоќа во Белорусија, а Украинците изјавија дека се постигнати „позитивни резултати“ за хуманитарните коридори, а Русите рекоа дека „можело да се направи повеќе“. „Постигнавме одредени позитивни резултати во логистиката за хуманитарни коридори“, објави на Твитер Михајло Подољак, советник на украинскиот претседател и член на преговарачката делегација. Третата рунда преговори се одржа во Беловешката Шума, национален парк на границата меѓу Белорусија и Полска. По други разговори минатата недела, во четвртокот беше договорено да се отворат хуманитарни коридори за цивилите во областите на тешки борби. Сепак, договорот не беше спроведен, а Украина и Русија меѓусебно се обвинуваат дека спречуваат евакуација на цивили. Москва вчера соопшти дека хуманитарните коридори ќе одат кон Белорусија или Русија, што Украина го опиша како „целосно неморално“.

Макрон: Наскоро е можен прекин на огнот во Нагорно Карабах

Тале Кристо — Fri, 09 Oct 2020 11:16:35 +0000

Францускиот претседател Емануел Макрон смета дека наскоро може да се склучи примирје во конфликтот во Нагорно Карабах, иако ситуацијата таму се уште е нестабилна. Елисејската палата соопшти дека Макрон доцна синоќа разговарал со ерменскиот премиер Никола Пашинијан и рано утрово со азербејџанскиот претседател Илхам Алиев, со цел „продолжување на преговорите во наредните денови“. Обновените судири меѓу Азербејџан и Ерменија во Нагорно Карабах ескалираа на 27 септември. Двете страни прогласија воена состојба и општа мобилизација и пријавија жртви, вклучително и цивили.