прекин во сообраќај – Kurir.mk

Поради минирање утре во прекин сообраќајот на овој патен правец

Катерина Бојаџиева — Tue, 28 Feb 2023 09:13:13 +0000

Во периодот од 13 до 16 часот утре ќе се врши минирање за изградба на експресниот пат А2 делница Длабочица – Чатал и сообраќајот ќе биде во прекин на потегот од село Ветуница до мостот на реката Блидеш. Како што соопшти АМСМ, за време на минирањето сообраќајот ќе биде во прекин за сите типови на возила. По минирањето патничките возила ќе се пренасочуваат на спореден пат, додека сообраќајот за сите останати типови возила ќе остане во преќин до расчистување на магистралниот пат.

Од денес до 20-ти август: Поради градежни работи прекин во сообраќајот на патниот правец Маврови Анови ќе има само во работни денови во овој дел од денот

Магдалена Андонова — Tue, 09 Aug 2022 08:06:01 +0000

На патниот правец Маврови Анови, село Галичник поради изведување градежни работи, односно асфалтирање, сообраќајот ќе биде во прекин помеѓу 10 и 16 часот. Како што информираат од АМСМ работите ќе се изведуваат само во работни денови, почнувајќи од денеска до 20. овој месец. (МИА)

Поради нанос и поплава во прекин сообраќајот на патот кај Мокрински извори

Магдалена Андонова — Sun, 26 Dec 2021 10:19:24 +0000

Сообраќајот на патниот правец Р1402 Струмица – Мокрино – Смолари кај Мокрински извори е во прекин поради нанос на коловозот и поплава. Екипите на ЈП „Македонијапат“ работат на расчистување на коловозот и нормализирање на сообраќајот, информира АМСМ. Оттаму посочуваат дека сообраќајот на државните патишта се одвива непречено по претежно суви коловози. Интензитетот на сообраќај на патните правци надвор од градските средини е умерен, а на граничните премини нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Во прекин патот Крива Паланка – Деве Баир поради сообраќајка

Магдалена Андонова — Sat, 29 May 2021 08:33:12 +0000

Поради случена сообраќајна незгода, сообраќајот на државниот пат Крива Паланка – граничен премин Деве Баир е во прекин. Како што информира АМСМ,сообраќајот е во прекин од 9:50 часот. (МИА)

Поради одрони пренасочен сообраќајот на релација Делчево – Скопје

Магдалена Андонова — Tue, 12 Jan 2021 15:40:20 +0000

Се пренасочува сообраќајот на релација Делчево – Скопје, по одроните кои предизвикаа застој на регионалниот патен правец Кочани – Делчево. Од делчевската подружница на ЈП „Македонија Пат“ информираат дека до отстранување на проблемот, возачите од Делчево и Македонска Каменица кои имаа потреба да патуваат кон Скопје, тоа ќе треба да го направат преку алтернативните патни правци. -Ги известуваме возачите дека поради ситуацијата со одроните, сообраќајот за лесни возила кои сообраќаат од Делчево и Македонска Каменица кон Скопје се преносочува преку патниот правец Делчево – Бигла, додека за тешки товарни возила и автобуси сообраќајот е пренасочен преку патот Делчево – Берово, изјави Влатко Цоневски од делчевската подружница на „Македонија пат“. Патот Делчево – Македонска Каменица, како што додадоа од „Македонија пат“ е чист и за возачите кои сообраќаат на овој пат нема забрани за движење. (МИА)

Прекин на сообраќајот за товарни возила во близина на браната Калиманци

Магдалена Андонова — Tue, 12 Jan 2021 14:44:22 +0000

Поради одрон на патниот правец Штип – Делчево, во близина на браната Калиманци, кај м.в. Драки сообраќајот е во прекин за товарни возила, соопштија од Автомотосојузот на Македонија. Поради одрон во прекин е и сообраќајот на патниот правец А3 Кочани – М.Каменица, на делницата од Истибања до брана Калиманци, кај м.в. Ајдучки Камен. За лесните возила сообраќајот се одвива по направена девијација, додека тешките товарни возила и автобуси се пренасочуваат на регионалниот патен правец Кочани – Бигла – Делчево. Екипите на Ј.П.Македонија пат работат на расчистување на одронот и нормализирање на сообраќајот на овој патен правец. На учесниците во сообраќајот им се препорачува внимателно управување со возилата и прилагодување на брзината спрема условите на патот. (МИА)

Сообраќајот кон Маврово во прекин поради паднати дрвја на патот

Магдалена Андонова — Sun, 10 Jan 2021 10:25:49 +0000

По обилните дождови во моментов е во прекин сообраќајот кон Маврово од клучката за Стража. Веќе е создадена огромна колона возила. Полицијата информира дека се работи за одрони од камења и паднати дрвја на угорницата кон Маврово. Надлежните служби работат на отстранување на пречките на патот. Извор: МКД