„Пежо“, еден од главните спонзори на Ѓоковиќ ја раскина соработката со српскиот тенисер

Магдалена Андонова — Tue, 01 Mar 2022 16:20:10 +0000

Францускиот автомобилски гигант „Пежо“, еден од главните спонзори на Новак Ѓоковиќ, одлучи да ја раскине долгогодишната соработка со српскиот тенисер. Француската компанија во текот на јануари, додека траеше скандалот околу Ѓоковиќ и неговиот можен настап на Австралија Опен, јавно објави дека целата ситуација поврзана со српскиот тенисер нема да влијае на нивното партнерство. Сепак, еден месец подоцна, соработката е прекината, а причината за тоа, според британските медиуми, е ставот на Ѓоковиќ за време на пандемијата на коронавирусот и неговото мислење околу вакцинацијата. Соработката меѓу Ѓоковиќ и „Пежо“ започна во 2014 година, а нејзиниот крај дојде ден откако српскиот тенисер му го „препушти“ на Русинот, Данил Медведев местото број еден на АТП ранг-листата. (МИА)

По Алонсо и Вандорн заминува од Мекларен

Дарко Андоновски — Mon, 03 Sep 2018 15:14:12 +0000

Мекларен следната сезона во Формула 1 ќе има нов тим на возачи, откако денеска беше соопштено дека на крајот од сезоната ќе ја прекинат соработката и со Белгиецот Штофел Вандорн. Тој во Мекларен пристигна во 2013 година преку програмата за млади возачи, од 2016 година стана резервен возач, а од 2017 година беше вклучен во главниот тим заедно со Фернандо Алонсо.

- Му благодариме на Вандорн за посветеноста и напорниот труд. Тој е талентиран возач и се гордееме што му помогнавме да влезе во светот на Формула 1, истакна првиот човек на Мекларен, Зак Браун.

Вандорн во болидот на Мекларен возеше на 34 трки.

- Горд сум што бев дел од Мекларен, иако не ги остваривме резултатите на кои се надевавме. Планирам да го дадам максимумот на следните седум трки, а потоа ќе ги соопштам плановите за следната сезона, истакна белгискиот возач.

Местото на Вандорн ќе го заземе Ландо Норис, кој досега беше тест возач во тимот, а Фернандо Алонсо следната сезона ќе го замени Карлос Саинс Јуниор.

прекината соработка – Kurir.mk

„Пежо“, еден од главните спонзори на Ѓоковиќ ја раскина соработката со српскиот тенисер

По Алонсо и Вандорн заминува од Мекларен