прекршоци – Kurir.mk

При контрола на возила кои превезуваат ученици констатирани 75 прекршоци

Тале Кристо — Fri, 22 Sep 2023 15:14:10 +0000

Седумдесет и пет прекршоци се констатирани при акциска контрола на Министерството за внатрешни работи со цел зголемување на безбедноста на учениците, односно нивниот транспорт до училиштето и назад. Контролата е спроведена денеска во периодот од 06 до 10 часот. По Законот за безбедност на сообраќајот на патиштата констатирани се 19 прекршоци на подрачјето на СВР Штип, во СВР Велес 14, во СВР Битола 10, а по девет прекршоци се констатирани на подрачјето на СВР Струмица и СВР Куманово. Седум прекршоци се констатирани во СВР Охрид, четири во СВР Тетово и три на територија на СВР Скопје. По Законот за возила изречени се девет прекршоци од кои пет на подрачјето на СВР Тетово и по една на подрачјето на секторите за внатрешни работи Скопје, Битола, Штип и Куманово. За време на акциските контроли, извршени биле проверки на 52 возила што вршат јавен превоз, а преземени се и други активности. По извршените проверки, 37 возила биле упатени на вонреден технички преглед, а 13 возила биле исклучени од сообраќај.

Од денеска: Во Србија за 18 прекршоци може да ви биде одземено возилото

Катерина Бојаџиева — Fri, 15 Sep 2023 11:32:30 +0000

Од денеска на српските патишта можно е возачите да останат без своите автомобили, бидејќи стапи на сила новиот Закон за безбедност во сообраќајот, според кој 18 прекршоци можат да бидат причина надлежните на несовесните учесници во сообраќајот да им го одземат автомобилот, јави дописникот на МИА од Белград. Со новиот Закон, регулирана е и областа на користење на електричните тротинети, кои досега беа законски „невидливи“, а предвидена е можноста и многу млади возачи да седнат зад воланот на камион. Како што изјави директорот на Агенцијата за безбедност во сообраќајот, Бранко Стаматовиќ, возилата ќе им бидат одземени на оние возачи кои ќе бидат фатени како вршат тешки прекршоци и се утврдува дека во изминатите две години се законски осудени за најмалку два тешки прекршоци. - Во такви случаи полицискиот службеник ќе може привремено да го одземе возилото со кое е сторен прекршокот на лице место до завршување на постапката пред надлежниот суд, која може да трае и до една година, понекогаш и повеќе, објасни Стаматовиќ. Меѓу 18 прекршоци поради кои на возачите би можело да им се одземат возилата се возење под дејство на алкохол со повеќе од 1,2 промили; одбивање на алкотест или тест за дрога; надминување на брзината за повеќе од 80 km/h надвор од населено место; надминување на брзината за повеќе од 70 km/h во населено место; надминување на брзината за повеќе од 60 km/h во училишна зона; надминување на брзината за повеќе од 50 km/h во зоната со бавен сообраќај; превоз на дете до 12 години на возачко седиште; превоз на дете до 12 години на место кое не е наменето за седење (багажник, табла со инструменти, задна полица, надворешни делови на возилото и сл.); поминување на најмалку два црвени семафори за помалку од 10 минути; престигнување колона возила преку полна линија; возење без ниту една положена возачка дозвола; возење ноќе по неосветлен пат без запалени светла на возилото; престигнување на возило што застанува или застанало за да дозволи пешак да помине на пешачки пешачки премин.

ДПИ: Извршени над 650 надзори, наплатени преку 175 прекршоци вредни повеќе од 6 230 000 денари

Ивана Ефремовски — Thu, 23 Mar 2023 15:44:13 +0000

Државниот пазарен инспекторат (ДПИ) од 13.03 до 19.03.2023 година изврши над 650 инспекциски надзори на целата територија на државата при што наплати и издаде повеќе од 175 прекршочни платни налози со вредност над 6 230 000 денари. Според ДПИ, во горенаведениот период се извршени над 530 инспекциски надзори и контроли по одлуките за посебни услови за трговија на одделни стоки. Во некои економски субјекти се констатирани прекршоци за што се издадени прекршочни платни налози во висина од над 1 750 000 денари. -Државниот пазарен инспекторат врши континуирани инспекциски надзори кај трговците на големо и мало во делот на почитување на Одлуката за замрзнување на цената на лебот до 33 денари, Одлуката за определување обврска на трговците да прибавуваат и продаваат определени видови и количества на одделни стоки на потрошувачите според определен редослед и одлуките за определување највисоки цени за одделни производи во трговијата на мало. Државниот пазарен инспекторат и понатаму интензивно ќе спроведува контроли и надзори во согласност со своите надлежности. Нема да има отстапувања и ќе биде казнет секој оној кој пробал на било каков начин да изврши прекршување на законите по кои постапува пазарниот инспекторат, се наведува во соопштението. ДПИ нагласува дека како институција ќе ги ангажира сите расположливи ресурси за тековно постапување и спроведување на законските регулативи. -Пазарниот инспекторат постојано врши надзори и постапува во согласност со законите, годишниот и стратешкиот план за работа. Дополнително, покрај редовните контроли, постапува и по пријави доставени од граѓаните и им излегува во пресрет за секое прашање поврзано со нашите надлежности и делокруг на работа. Законите ќе важат исто за сите, без селективност, а секој што нема да ги почитува, ќе биде санкциониран. Надзори се вршат постојано, а пазарниот инспекторат функционира со својот полн капацитет, нагласува ДПИ.

МВР: 32 санкции за прекршоци на возила кои вршат јавен превоз на патници

Катерина Бојаџиева — Wed, 22 Mar 2023 09:10:02 +0000

Во текот на вчерашниот ден (21.03.2023) во периодот од 07.00 до 12.00 часот спроведена е засилена акциска контрола на територијата на Република Северна Македонија за санкционирање на прекршоци на возила со кои се врши јавен превоз на патници. При контролата санкционирани се 32 прекршоци, од кои 20 поради неисправен уред за запирање... Упатени на вонреден технички преглед се 179 автобуси и други возила кои вршат јавен превоз на патници. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи за да ја зголемиме безбедноста во сообраќајот. Навремено да се проверува техничката исправност на возилата и навремено да бидат отстранети евентуалните недостатоци, велат од МВР.

27 санкции за прекршоци на возила кои вршат јавен превоз на патници

Ристе Здравков — Sat, 25 Feb 2023 14:54:44 +0000

Во текот на изминатата вечер (24/25.02.2023) во периодот од 22.00 до 02.00 часот спроведена е засилена акциска контрола на територијата на Република Северна Македонија за санкционирање на прекршоци на возила со кои се врши јавен превоз на патници. При контролата санкционирани се 27 возачи. За време на контролата санкционирани се и 39 останати прекршоци. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи за да ја зголемиме безбедноста во сообраќајот. Навремено да се проверува техничката исправност на возилата и навремено да бидат отстранете евентуалните недостатоци.

МВР: 38 санкции за прекршоци што ги прават мотоциклистите во Куманово

Магдалена Андонова — Sat, 02 Jul 2022 16:03:25 +0000

Денеска (02.07.2022) од 10 до 15 часот на подрачјето на Куманово полициски службеници од Мобилната единица за безбедност во сообраќајот во содејство со Полициското одделение за сообраќајно ескортно обезбедување спроведоа засилена акциска контрола за прекршоци што ги прават возачи на мотоцикли.При тоа санкционирани се вкупно 38 учесници во сообраќајот од кои: без положен возачки испит 8, нерегистран мотоцикл 1, некористење заштитен шлем- кацига – 28. Одземен е еден мотоцикл согласно член 344 од ЗБСП. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Скопје: 176 сообраќајни прекршоци, 52 за брзо возење

Ивона Петрова — Tue, 28 Jun 2022 06:38:15 +0000

Министерството за внатрешни работи во текот на вчерашниот ден (27.06.2022) продолжи со засилените акциски контроли во областа на сообраќајот. На територија на град Скопје изречени се вкупно 176 мерки, меѓу кои за возење повеќе од дозволената брзина 52 санкции, 11 мерки за возење без возачка дозвола, 15 санкции за прекршоци што ги прават пешаците. Изречени се шест мерки за користење мобилен телефон, осум мерки за прекршоци што ги прават возачите на мотоцикл, шест санкции за технички неисправни и нерегистрирани возила, осум мерки за минување на затворен сигнал (црвено светло)... -Засилените акциски контроли продолжуваат. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, информира МВР.

МВР: 198 санкции за прекршоци што ги прават пешаците

Магдалена Андонова — Sat, 21 May 2022 08:00:45 +0000

Во текот на вчерашниот ден (20.05.2022) Министерството за внатрешни работи спроведе засилена акциска контрола на територијата на Република Северна Македонија за санкционирање на прекршоци што ги прават пешаците. Притоа, санкционирани се 198 пешаци од кои, 149 за небезбедно преминување на улица надвор од пешачки премин, 18 за минување на црвено светло... За време на контролата регистрирани се и 135 останати прекршоци. Засилените сообраќајни контроли продолжуваат и во наредните денови. Апелираме до граѓаните да ги почитуваат сообраќајните правила и прописи. Пешаците да го минуваат коловозот на обележан пешачки премин затоа што непочитувањето на сообраќајните правила ќе биде санкционирано. Сите заеднички, со почитување на правилата, мора да придонесеме за побезбедни сообраќајници.

Скопје: Казнети 153 возачи, 32 за брзо возење

Ивона Петрова — Tue, 29 Mar 2022 06:23:19 +0000

Министерството за внатрешни работи во текот на вчерашниот ден (28.03.2022) продолжи со засилените акциски контроли во областа на сообраќајот. На територија на град Скопје изречени се вкупно 153 мерки, меѓу кои за возење повеќе од дозволената брзина 32 санкции, 10 мерки за возење без возачка дозвола, три санкции за нерегистрирани возила. Изречени се седум мерки за користење мобилен телефон, шест санкции за возач почетник, три мерки за некористење сигурносен појас, четири санкции за непрописно престигнување и обиколување, три мерки за прекршоци што ги чинат мотоциклистите, 48 за непрописно паркирање... -Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, информира МВР.

ВНИМАВАЈТЕ, ИМА ЗАСИЛЕНИ КОНТРОЛИ: 111 сообраќајни прекршоци во Скопје- еве за што се казните

Катерина Бојаџиева — Tue, 14 Dec 2021 08:07:03 +0000

Министерството за внатрешни работи во текот на вчерашниот ден (13.12.2021) продолжи со засилените акциски контроли во областа на сообраќајот. На територијата на град Скопје изречени се вкупно 111 мерки, меѓу кои за возење повеќе од дозволената брзина 21 санкција, осум мерки за возење без возачка дозвола, 17 прекршоци што ги чинат пешаците. Изречени се шест мерки за користење мобилен телефон, три санкции за технички неисправни и нерегистрирани возила, 28 за непрописно паркирање. -Засилените акциски контроли продолжуваат и во наредните денови. Апелираме до граѓаните да ги почитуваме сообраќајните правила и прописи за да ја зголемиме безбедноста во сообраќајот и заедно да придонесеме за посигурни патишта, информираат од МВР.