Луѓето кои преживеале Ковид-19 заштитени се до три месеци

Тале Кристо — Sat, 15 Aug 2020 11:38:03 +0000

Американскиот центар за контрола и превенција на болести неодамна ги ажурираше своите упатства и објавија дека оние кои преживеале Ковид-19 можат со сигурност да се движат и да се дружат со други луѓе три месеци, пишува Њујорк Тајмс. Во јуни, една студија покажа дека нивото на антитела може да се намали за два до три месеци кај лица со потврдена инфекција кои имаат благи симптоми или воопшто немале. Меѓутоа, антитела сè уште може да бидат присутни на ниско ниво, вклучително и под нивото на откривање. Најновите насоки на американскиот Центар одат малку подалеку. „Луѓето кои тестирале позитивно за коронавирус не треба да бидат ставени во карантин или повторно да се тестираат до три месеци ако повторно не развијат симптоми“, се вели во упатствата. „Оние кои повторно пројават силни симптоми во рок од три месеци по првото појавување на Ковид-19, можеби ќе треба да бидат проверени доколку нема друга причина за нивните симптоми“. Другите коронавируси, вклучително и оние кои предизвикуваат САРС и МЕРС, имаат антитела за кои експертите веруваат дека траат околу една година. Во раните денови на ширење на новиот коронавируст во САД, научниците се надеваа дека антителата на овој вирус ќе траат барем толку долго.

Можно е да сте го прележале коронавирусот без да бидете свесни за тоа

Тале Кристо — Wed, 15 Apr 2020 20:56:36 +0000

Експертите наведуваат дека постои можност некои луѓе да го прележале коронавирусот и пред епидемијата официјално да започнала. Доколку сте имале блага форма на овие симптоми, најверојатно успешно сте се избориле со овој вирус самостојно. Истражувањето спроведено на Универзитетот Оксфорд покажало дека постојат осум јасни знаци што укажуваат на тоа: Инфекција на очи Новото истражување покажало дека инфекцијата на очи, како конјуктивитис, може да биде симптом на КОВИД-19. „Познато е дека која било инфекција на горниот респираторен тракт може да резултира со вирален конјуктивитис како секундарна компликација, што е случај и кај КОВИД-19“, откриле експертите. Сепак, тие додаваат дека постои мала веројатност заразената личност да има конјуктивитис како единствен симптом, туку тој најверојатно би се појавил во придружба на треска, сува кашлица… Сува кашлица Еден од најчестите и најпрепознатливи симптоми на коронавирус е токму сувата кашлица. Психички замор Иако не е официјално препознаен како симптом на коронавирус, некои заразени пациенти го пријавиле и тоа како симптом. Температура Освен сувата кашлица и ова е најчестиот показател на коронавирус. Отежнато дишење Чувството на притисок во градите и неспособноста длабоко да вдишете, исто така, се јавуваат како симптоми. Губење на сетилото за мирис и вкус Неодамна, британската Асоцијација за оториноларингологија предупредила дека губењето на сетилата за мирис и вкус може да биде симптом на КОВИД-19. Стомачни проблеми Се покажало дека од 204 од заразените што учествувале во истражувањето, 48,5% од нив пријавиле дијареја како симптом. Физички умор Уште еден симптом на КОВИД-19, кој се јавува и како последица од настинка и грип, но и бројни други вируси е чувството на замор и исцрпеност. Здравиот организам со силен имунитет може сам да се избори со поблаг облик на овој вирус, без да забележите дека сте го имале. Како и да е, сепак, е неопходно и понатаму да се придржувате до сите мерки за заштита и самоизолација.

прележано – Kurir.mk

Луѓето кои преживеале Ковид-19 заштитени се до три месеци

Можно е да сте го прележале коронавирусот без да бидете свесни за тоа