премиер албанец – Kurir.mk

Не, ТОЈ не доаѓа! Црпко го црпна и постави…

Љупчо Цветановски — Thu, 16 Mar 2023 10:23:52 +0000

Во време кога македонскиот граѓанин има две опции – да се сели или да се задолжи за да преживее, а Ќуран ко недоветен шета по продавници и им го зема занаетот и хобито на пензионерите во пипкање леб, дуевистите на Алија ја затераа најновата националистичка кампања. „Ai, po vjen!“ или „ДА, тој доаѓа!“ Овој политикантски и толку евтин месијански слоган треба да го означи чудесното и демек неверојатно „доаѓање“ на првиот премиер Албанец, резултатот на бедниот северџганистански договор кој го склепаа суртукот Црпко Први и Седоскосиот, вечен командант. Тогаш, за да дојде/остане на власт, Зоки со новата задача да ја продаде татковината и спремен да ја продаде и сопствената мајка, одбра да му даде на Али нешто полесно за него и фамилија и му го понуди на тацна она што никој нормален не би, а тоа е насила и безвезно владеење со Македонија во рок од СТО ДЕНА. Тука, разбирливо, ќе скокнат шарените „демократски“ забегантуси и ќе почнат да кукумјавкаат дека тоа не е ништо спорно, па како било нормално да имаме и премиер Албанец, та дека националноста не е битна, па дека еве во светот САД имаа претседател црнец, а Британците премиер-Пакистанец, та чуму не и Македонија премиер Албанец! Или, и не е баш така, а??? Вака ли, насила и со уцени??? Се’ можеби и би било во ред и не би било така страшно и огавно, кога ова не би било резултат на беден политички договор, класична уцена со која Ахмети, Груби и Османи го уценија Црпко и ја условија поддршката на неговата антимакедонска влада. Парадоксално, за да тера антимакедонски дејанија и пробугарски и прогрчки договори, неговата банда го даде „газот под кирија“ кај македонските Албанци. Тука за покривање на голиот задник фантастично соодветствува улогата на онаа фирма за долна облека која за милиони ќе врши надзор на најнепотребниот коридор во светот, пат направен за Бугарите и Албанците, а ќе го платат Македонците. Вака, на крај на краиштата, испаѓа дека тој „премиер“ е само кусурот на Али, кој меѓу тендери, измислени министерства, наместен Попис и илјадници партијски вработувања, ќари и премиер Албанец. Од друга страна, тоа пак и не би било така безобразно, доколку не зборуваме за ДУИ, партија која сега ќе го искористи и злоупотреби својот пион-премиер (Бујар или Артан) за да промовира албанштина на големо и да ќари гласови пред избори. Самиот тајминг на поставувањето е така добро испланиран, што конечно сфаќате зошто по Беса, со Зајко во власта влезе Алтернатива, а сега и спојлерот Алијанса. Немаат и немаа друго пустите лузери, по „премиерот“ Алиев тие го јале на албански терен, 102 насто. Дотичниот, да се кладиме, ќе шири албанштина на големо, ќе зборува и пишува на албански, ќе удира по македонски светии, историја, револуционери и идентитетски одредници, ќе биде поголем Бугарин од Аспарух, Грк од Зорба и поголем албанец од Скендербег. Ќе направи се’ за да ја престави илузијата на трета албанска држава на Балканот. Кој Албанец ќе одолее на ваква сапуница? Самиот слоган ДА, ТОЈ ДОАЃА! Содржи многу месијанска патетика во себе, пи-ар порака која во себе ја соддржи „неверојатноста“ на она што пророкот Алија го направил за Албанците, ѓоамити божествено чудо сторил командантот, факт кој треба да го засили моментот на неговото неверојатно остварување. Проблемот е што самото фуриозно и тенденциозно претставување на овој чин како нешто толку невообичаено, што не би го ни сониле, ја уништува прикаската на Дуевци. Не требало да биде, немало шанси Албанец да биде премиер - така вели Алија, ама биднало само и само благодарение на ДУИ. Или беше Заев, а? Самонегација и самопонижување на Албанците е пораката на интегративците, кои со ДА, ТОЈ ДОАЃА! самите кажуваат дека Албанец не смеел да биде премиер. И сега, кој е тука во 19-ти век??? Ова е само уште еден, ултра-националистички и крајно евтин, непромислен спин наменет за гласачкото тело со максимум основно образование. За сите „други“, непартиски војничиња обременети со тоа како да излезат од продавница со две ќеси без да земат кредит, доаѓањето на „избраниот“ ќе биде само нова смешка на дриблерот Артан и бугарскиот адвокат Османи, кои немајќи што да понудат, нудат лити националистички повраќаници, а во меѓувреме народните пари ги трошат играјќи фудбал и баскет во министерството кое, конечно, доби некаква смисла. До вчера толку непотребно и луцидно, од тогаш со поента како игралиште за дрим-тимот на Ахмети. И да, доаѓаат избори, затоа не заборавајте кој е заслужен за се’ она што ни се случи минативе 6 години, за сиот национален срам, резил и понижувања. И оваа, најнова Монтипајтоновска епизода на Артановото или Бујаровото житие е дело на најзабеганата влада во светот, водена од Ќуран и предводена од Црпко. Затоа НЕ, тој не доаѓа! Уценетиот Црпко ви го црпна од партија и го носи/постави. Никој друг, не на Али, кажете му фала на дечкото кој и сега гарант е на плажа во Грција. И, ајде, нека ова биде „Последното танго во Скопје“ на Груби и Таче, со сета алузија и комплет контроверзии на парискиот оригинал со путерот во пакет...

Груби за косовска ТВ: Македонија ќе има премиер Албанец, така се договорија Ахмети и Заев

Ивана Ефремовски — Wed, 15 Mar 2023 07:13:50 +0000

Вицепремиерот Артан Груби вечерва во интервју за косовската телевизија „Дукаѓини“ изјави дека земјава ќе има премиер-Албанец и дека тоа било договорено меѓу поранешниот премиер Зоран Заев и лидерот на ДУИ, Али Ахмети. Дека на чело на Владата ќе застане Албанец, и тоа „за неколку месеци“, завчера најави и министерот за надворешни работи, Бујар Османи, на обраќање на партиски собир во Чаир. „Во 2020 година смисливме модерна кампања, која одекна во Приштина и во Тирана, и велеше дека е дојдено времето за првиот премиер-Албанец, а ова исто така е и проект на Али Ахмети, да се скршат табуата. Дојде времето да се надминат предрасудите со избор на премиер-Албанец. Одлуката на народот беше: Социјалдемократскиот сојуз освои 46 пратенички места, ДУИ 15, а заедно имавме 61 пратеник“, рече Груби за косовската телевизија.

Ахмети: И една година да трае владата на Заев, имаме премиер Албанец

Дарко Андоновски — Tue, 25 Aug 2020 20:23:46 +0000

Претседателот на Демократската Унија за Интеграција, Али Ахмети во емисијата „Клик Плус“ на телевизија Тв21 изјави дека дури и да трае оваа Влада една година, последните 100 дена на чело на Владата ќе имаме премиер Албанец кој ќе биде предложен од страна на ДУИ. -И една година да трае партнеството со Заев, последните 100 дена ќе имаме премиер Албанец предложен од ДУИ, рече Ахмети. Земјата ќе го има првиот премиер Албанец, додаде тој, макар и за 100 дена, а сите мислеа дека не можеме да го направиме тоа.

СДСМ и ДУИ постигнаа договор за нова Влада, Заев се согласи за Албанец премиер

Тале Кристо — Tue, 18 Aug 2020 15:19:49 +0000

Постигнат е коалициски договор со ДУИ за создавање на парламентарно мнозинство, за распределба на одговорности, состав и принципите на новата влада, објави претседателот на СДСМ Зоран Заев. Лидерот на СДСМ Зоран Заев денеска објави дека денеска е постигнат договор за создавање парламентарно мнозинство, формирање нова влада и за поделба на министерствата со ДУИ. Заев објави исто така дека нивниот денешен договор треба да го потврдат највисоките тела на партиите, денеска и утре. СДСМ, додаде Заев, договорот ќе го презентира и пред партиите дел од коалицијата „Можеме“ како и пред ДПА, како иден владин партнер. -Ја прецизиравме и потврдивме рамката за идната соработка меѓу владината коалиција. Меѓу СДСМ и коалицијата „Можеме“ и ДУИ постигнат е коалициски договор за создавње парламентарно мнозинство, за распределба на одговорности, состав и принципите на новата влада со полн мандат која во следните четири години ќе работи посветено на интересите на граѓаните и на државата, рече Заев, кој посочи дека ќе ја предводи владата во следните четири години. Но сепак, и покрај ваквите тврдења на лидерот на СДСМ дека токму тој ќе ја предводи владата во наредните четири години, полсе него од говорницата го демантираше лидерот на интегративците, Али Ахмети кој што откри дека премиер Албанец на чело на владата ќе застане последните 100 дена. – Идејата беше за доближување, порака за преземање одговорност од Албанците за заедничка држава. Мора да му признаам на Заев за храброста и поздравувам дека ќе има Албанец премиер во последните 100 дена од оваа Влада, рече меѓу другото Ахмети, додавајќи оти идејата била да се доближат граѓаните и заедниците, а не да се раздвојат. Она што сега остнува, е да се види поделбата на ресорите, односно она што го очекува јавноста е да види по која цена се испазарил лидерот на СДСМ со ДУИ.

СДСМ мора да избере: Албански премиер или опозиција!

Ивана Ефремовски — Sun, 09 Aug 2020 16:45:23 +0000

Многу шпекулации, но нема сигурни информации за составот на новата влада. Партиите не споделуваат детали за разговорите меѓу лидерите, така што сите можни комбинации кружат во јавноста. Уредничкиот коментар од Хаким Шума за порталот ShkurtShqip, го пренесуваме во продолжение: Шпекулациите се многу различни, од тоа дека веќе е договорена влада меѓу СДСМ, ДУИ и ДПА, во друга калкулација меѓу ВМРО-ДПМНЕ и ДУИ, каде потребно е само „која било друга албанска партија, која ја поддржува идејата за прв албански премиер!“ Или сега или никогаш за Албанците, или албанскиот премиер во раководството на владата или сепак останува истото - позицијата на премиерот монопол за македонската етничка припадност. Албанците се во момент кога можат да изберат, да ја поддржат идејата за првиот премиер Албанец обединувајќи се сите околу него, или да продолжат во нејасното и потценувачко минато! СДСМ мора да го избере или албанскиот премиер или да си оди во опозиција! Заев станува поголем националист од Груевски! Лидерот на СДСМ, Зоран Заев, неколку пати предупредуваше дека ќе формира влада и дека никогаш нема да му ја даде функцијата премиер на Албанците. Во медиумите се појавија шпекулации дека е можна опција СДСМ да има премиер 3 години, додека ДУИ една година во четиригодишниот мандат. Но, се чини дека Заев ниту за оваа опција не сака да попушти, затоа што тој инсистира само тој да биде премиер во наредните четири години. Заев го зголеми притисок врз ДУИ, со тоа што тврдеше дека обезбедил поддршка од тројца пратеници на ВМРО ДПМНЕ кои би можеле да го поддржат во формирањето на парламентарно мнозинство и со тоа да ја остави партијата на Ахмети надвор од владата. Ова, колку може да изгледа како блеф, може да биде и реалност затоа што самиот Мицкоски го осуди евентуалниот трансфер на пратениците, што значи дека постои доза на вистина во ова. За порталот ShkurtShqip, Хаким Шума на крај рече: Не треба да го бараме, туку треба да го земеме тоа што ни припаѓа!

Ахмети: Го бараме нашиот дел, ви гарантирам дека ќе имаат еден премиер Албанец

Ивана Ефремовски — Tue, 07 Jul 2020 16:29:51 +0000

Централниот изборен штаб на Демократската Унија за Интеграција, синоќа престојуваше во Општина Желино, каде говори одржаа кандидатот за премиер Насер Зибери, кандидатот за пратеник Бедри Фазлиу како и претседателот на ДУИ, Али Ахмети. -Јавно изјавивме дека на Албанците им следуваат 12 важни институции од посебно значење во ова држава и тоа почнувајќи од претседателот на државата до Дирекцијата за безбедност. Немавме министер за одрбана и потоа тоа го добивме како министерство и гордо раководевме, немавме министер за внатрешни работи, тоа се случи и раководеше во најтешките, најделикатни времиња за земјата, успешно менаџирашесо целата ситуација. Немавме претседател на Собранието, тоа го направивме и посебно се гордеам за сите странски делегации кои ги пречекувам и за добрите зборови кои ги слушам за тоа како г-динот Талат Џафери раководеше. Не случајно на едно место реков дека се гордеам затоа што ова земја има двајца нобеловци Албанци, се гордеат Албанци и Македонци затоа што ги имаме Ферит Мурат и Мајка Тереза. Незавидно дека денес се исплашени и во паника, но јас Ви гарантирам дека ќе имаат еден премиер Албанец и ова ќе стане реалност, истакна Ахмети. Претседателот на ДУИ рече дека ако не поднесуваа барања за секое прашање ништо немаше да се движи напред. -Ги познавам двете страни, им велам да ги тргнат предрасудите затоа што само така можете да одите напред и тоа само со искрена комуникација и соработка. Ние не го оспоруваме вашиот идентитет, вашиот јазик, ниту нашата заедничка држава, отстранете ги комплексите затоа што ние нема да го земаме вашето, но нашето не го даваме. Со националните симболи, со јазик, со Универзитети. Да знаат албанските бизнисмени дека јас сум се борел за сите нив и нека се потсетат дека другиот дел нема да им даде награда бидејќи се скаравме за да не им се одземе делот и тоа што им припаѓа според нивниот труд, рече Ахмети.

Шеќеринска: Воопшто не е важно дали идниот премиер ќе биде Албанец!

Дарко Андоновски — Mon, 06 Jul 2020 08:22:38 +0000

Го знаете ли терминот пробен балон? Ете тоа на македонскиот народ му го прават овие денови Радмила Шеќеринска и нејзиниот шеф Зоран Заев. Иако се уште ни одекнуваат неговите остри зборови упатени до ДУИ дека нема шанси за премиер Албанец, само еден ден подоцна прво тој пушти ишарет кажувајќи дека не е важно дали премиерот е Албанец, за вечерва и Шеќеринска во дебатна емисија да им се додворува на македонските Албанци, со пораката дека воопшто не било важно од која националност ќе биде идниот премиер на Македонија. „Јас мислам дека конечно е време да се сконцентрираме на граѓаните. Кога ќе чукнете во Инфективна клиника, не е воопшто важно дали ве лечи Милена или Имер. Да се фокусираме на луѓето и да ги оставиме партиските препукувања. Дали идниот премиер ќе биде Македонец или Албанец, тоа воопшто не е важно“, релативизираше Шеќеринска. Го знаете ли терминот ДЕМАГОГИЈА? И уште поважно, ако го заокружите на гласачкото ливче бројот пред СДСМ, знаете ли воопшто за кого гласате? Кој ќе ја води вашата држава? Или, што би рекла Шеќеринска, зарем е важно?

Ахмети: Македонците ме разочараа бидејќи се исплашија од идејата за премиер Албанец

Ивана Ефремовски — Wed, 01 Jul 2020 14:23:14 +0000

Во движење се ставени не само земјата и регионот, туку и меѓународни центри, бидејќи правдата е на наша страна и целата врева се крева поради тоа што ние излеговме со наше правно и легитимно барање за премиер Албанец, изјави лидерот на ДУИ, Али Ахмети на промоцијата на партијата во Куманово. -Наместо да се радуваат, другите се налутија и се разочараа. Наместо да ја поздрават, тие ја исмеваат. Ние знаеме дека кога се вознемируваат другите имаат голема мака, но не треба толку да се грижат затоа што со премиерот Албанец ќе се зголеми лојалноста на Албанците кон државата, со премиерот Албанец ќе се зајакне интегритетот и суверенитетот на државата ние не го земаме делот на другиот бидејќи никогаш не сме сакале нешто што не било наше, туку нашиот дел за кој сме пролеале крв, истакна Ахмети. Тој изјави дека е „загрижен од македонските политичари“, но и од претседателите на албанските политички партии во однос на нивната реакција за идејата на премиерот Албанец во земјава. -Нашите сограѓани Македонци ме разочараа бидејќи веднаш се исплашија од идејата за премиер Албанец, истакнувајќи дека Албанец не може да биде премиер во Република Македонија. Од дедо и прадедо со документ ни ја оставија земјата и заедно со Сонцето ние сме тука и никој не може да негира едно легитимно право кое самиот Господ го познава. Како можеше да се избере претседател на Собранието Албанец и токму тие говореа дека не може да стане, министер за одбрана Албанец, министер за внатрешни работи Албанец, претседател на Врховниот суд Албанец и ништо лошо не и се случи на ова земја, напротив процесите се движат напред, Европа е Европа на различностите, истакна Ахмети во обраќањето. Тој потенцира дека во предизборието слуша многу ветувања дека државата ќе стане членка на Европската Унија, но за тоа членство на нашата земја во европското семејство, како што рече, треба да се направат длабоки реформи во правото, да се спроведе ветинг, да се бориме против криминалот и корупцијата. -Ова може да го направи еден премиер Албанец, истакна Ахмети во обраќањето.

Зибери во првите 100 дена: Доколку станам првиот Албанец премиер, задолжителни часови по албански јазик од 5-то одделение

Дарко Андоновски — Wed, 01 Jul 2020 13:59:13 +0000

Кандидатот на ДУИ за премиер Насер Зибери изјави дека негова заложба во првите 100 дена како премиер Албанец ќе биде да работи на подобрување на иднината на младите и на воведување на задолжителни часови по албански јазик од 5-то одделение. – Мојата заложба во текот на првите 100 дена како премиер Албанец предвидува исто така и подобрување на иднината на нашите млади. Ќе го направиме задолжително предучилишното образование и ќе обезбедиме градинки во секоја општина, рече Зибери при денешната средба со наставничкиот кадар во дворот на училиштето „Хасан Приштина“ во Чаир. За неговата заложба за воведување на задолжително изучување на албанскиот јазик од 5-то одделение, Зибери рече дека Законот за јазиците е донесен во Собранието и оти сега веќе албанскиот јазик е официјален јазик во земјата. – Ова е најважното достигнување за нас Албанците, истакна Зибери. Вети и зголемување на платата на наставниците на 600 евра со што, како што рече, ќе се валоризира нивната работа. Заедно со Зибери денеска беше и носителот на кандидатската листа на ДУИ во Втората изборна единица Арбр Адеми, кој најави инвестиции во образовната инфраструктура, изградба и реновирање на градинките и училиштата во албанските населби. – Да изградиме еднаква инфраструктура, училишта и модерни градинки, дури и во населбите што се изоставени во однос на инфраструктурата долги години, рече Адеми.

Дежа ву: Заев не прифаќа премиер Албанец?!

Љупчо Цветаноски — Mon, 22 Jun 2020 11:07:27 +0000

-Идејата на ДУИ за премиер-Албанец е само национал-популистички концепт со кој верувам дека ќе изгуби, изајви денеска лидерот на СДСМ, Зоран Заев. Тој напомена дека по 17 години време е ДУИ да оди во опозиција. -Здраво е за државата по 17 години на власт ДУИ да оди во опозиција. ВМРО исто така треба да се обиде да ги освои гласовите на Албанците. Инаку, следниот премиер ќе биде од редовите на СДСМ, рече Заев. Заев удирајќи му контра на Ахмети, заборави да каже од која националност ќе биде премиерот од „нивните редови“, имајќи предвид дека СДСМ стана мултетничка бизнис кооперација која сега води војна со ДУИ токкму поради истото гласачко тело, на кое пак се решија по губењето на македонското гласачко ткиво, следстено на антинационалните дејанија во изминатите три години. Од другра страна, истиот тој Заев се колнеше дека нема да го смени ни името, уставот и историјата, дека нема да донесе двојазичност и многу други контра ветувања, кои резултираа со сосема спротивно од кажаното и ветеното од него. Преводот би бил едноставен, доколку некако успее да се приграби до власта, Македонија ја очекува премиер Албанец, коментират познавачите на состојбите, поведени од досегашното лошо искуство со дејствувањето на Зоран Заев.