премиер лига – Kurir.mk

Рој Хоџсон испиша историја: 500 натпревари во Англија

Бошко Тасиќ — Sun, 29 Oct 2023 06:12:31 +0000

Легендарниот англиски тренер Рој Хоџсон и на 76 години го преводи Кристал Палас во Премиер лигата, а натпреварот против Тотенхем за него беше голем јубилеј. Имено, за Хоџсон тоа беше 500-ти натпревар во кариерата во Англија. Покрај Кристал Палас тој ги водеше уште Блекбурн, Фулам, Ливерпул и Вотфорд. Но најмногу натпревари (184) помина на клупата на Палас.

На Евертон му се заканува одземање на 12 бода?!

Бошко Тасиќ — Wed, 25 Oct 2023 16:57:16 +0000

Екипата на Евертон е во големи проблеми веќе подолго време. Тие се од финансиски карактер, но сега во целата ситуација се вклучи и раководството на Премиер лигата. “Сините“ од Ливерпул во последните три години имаат финансиска загуба од неверојатни 372 милиони фунти, а дозволениот праг за екипите од Премиер лигата е 105 милиони фунти. Веќе извесно е дека Евертон ќе биде казнет со одземање на бодови, но не со три поени како што се надеваат од клубот, туку со неверојатни 12 бодови кои практично клубот би го испаднале од Премиер лигата. Евертон во моментов е на 16-тата позиција со само седум поени, и доколку биде казнет со 12 бода, тешко дека ќе може да се избори за опстанок во најквалитетната англиска дивизија, но доколку казната биде само три поени како што се надеваат во клубот, тогаш и тоа како би ги задржале шансите за спас во лигата.

Манчестер сити постави рекорд во Премиер лигата

Ивана Ефремовски — Sat, 21 Oct 2023 17:40:21 +0000

Актуелниот англиски фудбалски шампион Манчестер сити победи на секој домашен натпревар во 2023 година. Избраниците на Пеп Гвардиола денеска го совладаа Брајтон (2:1) во 9. коло од Премиер лигата. Последен пат Сити не победи на домашен терен на 31 декември 2022 година. Оттогаш победија на 21 натпревар одиграни на стадионот „Етихад“. Ова е рекордна серија за англиските тимови. „Граѓаните“ следниот натпревар на домашен терен ќе го играат на 4 ноември – против Борнмаут. (МИА)

Повредите ја уништуваат Премиер лигата, дури 112 фудбалери се во аут овој викенд

Бошко Тасиќ — Sat, 30 Sep 2023 17:53:10 +0000

Медиумите направија статистика и објавија дека дури 112 фудбалери не се во комбинација за настап викендов бидејќи се повредени. Менаџерот на шампионот Манчестер сити, Хосеп Гвардиола, пак ги повика фудбалерите да го кренат гласот и да стапат во штрајк. Најголем проблем има Челси како кого дури 10 фудбалери моментно се наоѓаат на листата на повредени, додека единствен тим кој може да смета на сите играчи е Вулверхамптон. Број на повредени фудбалери меѓу премиерлигашите:

Ерлинг Халанд урива рекорди во ПЛ

Бошко Тасиќ — Sun, 03 Sep 2023 06:13:26 +0000

Напаѓачот на Манчестер Сити Ерлинг Халанд против Фулам постигна хет-трик и со тоа урна уште еден рекорд во ПЛ. Имено Норважанецот стана фудбалер на кого му биле потребни најмалку мечеви да дојде до 50 голови и асистенции. На Халанд му беа потребни само 39 мечеви, а во нив постигна 41 гол и 9 асистенции. Тој го урна рекордот на Енди Кол на кого му беа потребни 43 мечеви да дојде до 50 Г + А. Секако дека овие бројки ќе растат, посебно ако Халанд остане барем уште неколку сезони на „Етихад“.

Халанд фудбалер на годината во Премиерлигата

Ивона Петрова — Wed, 30 Aug 2023 11:44:02 +0000

Напаѓачот на Манчестер сити, Ерлинг Халанд, е прогласен за играч на годината во избор на англиското Здружение на професионални фудбалери (ПФА). Халанд (23) ја освои наградата по својата дебитантска сезона во англиското првенство во кое собори бројни рекорди, а со Манчестер сити ја освои шампионската титула. Норвешкиот напаѓач постигна 36 голови на 35 првенствени натпревари, соборувајќи го претходниот рекорд од 34 голови во една сезона кои речиси три децении беше во сопственост на Енди Кол и Алан Ширер Халанд ја освои наградата на ПФА пред клупските колеги Кевин Де Брујн и Џон Стоунс, како и тандемот од Арсенал, Мартин Одегард и Букајо Сака. Норвежанецот со тоа стана првиот странски фудбалер по Холанѓанецот Руд ван Нистелрој кој ја освои наградата во својата дебитантска сезоната во Премиер лигата во 2001/02.

Манчестер јунајтед ја забележа рекордната 13. победа во Премиер лигата

Ивона Петрова — Sun, 27 Aug 2023 09:26:17 +0000

Манчестер јунајтед вчеравечер на домашен терен го совлада Нотингем Форест во натпреварот од 3. коло на Премиер лигата со 3:2. „Црвените ѓаволи“ губеа по само четири минути со 0:2. Тимот од „Олд Трафорд“ ја извојува 13. победа во Премиер лигата, откако во текот на мечот имал два гола негатива. Според оваа статистичка категорија тимот има највисок резултат меѓу клубовите од шампионатот на Англија. Манчестер јунајтед е петти во Премиер лигата со шест бода.

Премиер лигата потроши 2 милијарди на трансфери

Бошко Тасиќ — Sat, 26 Aug 2023 05:10:40 +0000

Премиер лигата со години наназад е најбогата лига на светот и англиските клубови трошат најмногу пари на трансфер пазарот, па така е и оваа година. Анализата на финансиската куќа „Делоит“ покажува дека досега се потрошени 1.95 милијарди фунти на фудбалери, со што е срушен рекордот во Премиер лигата од минатата сезона.

Трансферот на Кантона највреден во историјата на Премиер лигата

Ивона Петрова — Fri, 14 Jul 2023 12:12:55 +0000

Новинарите на лондонски „Дејли Мејл“ составија листа на играчи чии трансфери оставиле голема трага во англискиот фудбал, а за нив или воопшто не било платено обесштетување или биле ангажирани за симболична сума. Број еден во изборот на „Дејли Мејл“ е Французинот Ерик Кантона, кој во 1992 година дојде во Манчестер јунајтед од Лидс за 1.5 милиони евра. Неговиот трансфер не беше ниту меѓу првите пет тоа лето. Втор на листата е сонародникот на Кантона, Патрик Виера, кој од Милан за 3.5 милиони евра го засили Арсенал во 1996 години. Меѓу Топ 3 највредни трансфери во историјата на Премиер лигата во изборот на лондонскиот весник е и доаѓањето на Џејми Варди од нисколигашот Флитвуд во Лестер во 2012 година. Варди со Лестер ја освои шампионската титула, стекнувајќи и статус на репрезентативец, а Лестер за неговите услуги плати 1.2 милиони евра.

Коментатор на Премиер лига спиел со другарка на ќерка му додека сопругата боледувала од рак: Сега ја ожени 31 година помладата девојка (ФОТО)

Ивона Петрова — Thu, 29 Jun 2023 10:18:44 +0000

Поранешен спортски коментатор кој работел на Премиер лига направил скандал, поради кој сега го е главна вест во британските медиуми. Ричард Киз е 66-годишен поранешен коментатор на Sky Sports, кој овојпат е во центарот на вниманието поради неговиот приватен живот. Киз се оженил со Луси Роуз, 35-годишна пријателка на неговата ќерка, во која се заљубил и започнал афера додека неговата сопруга боледувала од рак. Тој стапил во брак со Луси, откако ја напуштил болната сопруга, а за свадбената церемонија платил десетици илјади фунти.

🚨 66-year old former Sky Sports presenter Richard Keys has married his daughter’s 35-year-old friend in Devon, after denying he left his wife for her while she was fighting cancer. (Source: @MailSport ) pic.twitter.com/BVk5MdOIeX
— Transfer News Live (@DeadlineDayLive) June 28, 2023

На свадбата присуствувале семејството и пријателите, но не и неговата 38-годишна ќерка Џема и неговиот син Џошуа. Ричард се разделил од сопругата Џулија Кис по 36 години брак кога приказната за неговата афера и изневерување стана јавна во 2016 година. Сопругата Јулија била емотивно уништена од аферата, но успеала да ја добие животната битка и да го победи ракот. Неверството на Киз ја погодила неговата ќерка која паднала во депресија и се предала на алкохолот. Таа дури завршила на суд поради заканувачки пораки кои ги испраќала до нејзината поранешна пријателка.