Премиер лигата – Kurir.mk

Останатите натпревари од Премиер лигата може да се доиграат за пет недели

Дарко Андоновски — Mon, 13 Apr 2020 08:32:14 +0000

Фудбалското првенство на Англија може да заврши за рекордни пет недели, пренесува „Дејли телеграф“. Според британскиот медиум, раководството на клубовите се надева дека екипите ќе можат да играат на своите домашни стадиони, а не на неутрални терени, дури и ако сите натпревари се одржат без гледачи. Премиер лигата како и најголемиот број првенства ширум светот се прекинати поради пандемијата на коронавирус.

Луис Суарез: Ливерпул ќе ја освои Премиерлигата

Дарко Андоновски — Sat, 23 Nov 2019 13:01:27 +0000

Фудбалерот на Барселона, Луис Суарез, верува дека неговиот поранешен клуб Ливерпул, нема да ја испушти шансата која ја има оваа сезона за да ја освои Премиерлигата. Уругвајскиот напаѓач пред пет години се пресели од Ливерпул во Барселона, и во неговата последна сезона на „Енфилд“ тимот имаше шанса за титула во Англија, но ја пропушти во последните кола. – Освојувањето на Премиерлигата не е лесно, сезоната трае долго. Ливерпул има добра предност во моментов, и со составот со кој располага, тешко ми е да замислам дека ќе го испуштат првото место. И во мое време бевме блиску, но имавме млад тим, тогаш буџетот беше далеку помал од денешниот, изјави Суарез.

Евертон со најмногу примени голови во историјата на Премиер лигата

Дарко Андоновски — Tue, 11 Dec 2018 07:18:29 +0000

Последниот натпревар од 16.коло во англиската Прмиер лига меѓу Евертон и Вотфорд заврши нерешено 2:2. Двата примени гола го искачија Евертон на врвот на листата екипи со најмногу голови во историјата на лигата. Сепак, треба да се има во предвид дека Евертон е една од шесте екипи која никогаш не испаднале од најквалитетното фудбалско првенство на Островот. Тимот од Ливерпул досега топката од својата мрежа ја вадел 1.284 пати. Втор на листата е Тотенхем со 1.283 примени гола. Трет е Вест Хем со 1.239. Лидерот на табелата во Премиер лигата, екипата на Ливерпул е седма со 1.030 голови, Арсенал е осми со 982, Челзи деветти со 971, а по него е Манчестер Сити со 961 примен гол.

Мурињо: Верувам дека ќе бидеме во топ 4

Ивона Петрова — Fri, 23 Nov 2018 15:27:26 +0000

Пред 13.коло во Премиер лигата, Манчестер Јунајтед се наоѓа на осмата позиција на табелата, на 7 поени од првите четири места, кои носат пласман во Лигата на шампионите. Менаџерот Жозе Мурињо сепак не е загрижен и дури е оптимист дека неговиот тим може да го надомести заостанувањето уште до крајот на календарската година. – Разликата е голема, но до крајот на декември има осум круга. Зборуваме за 24 поени што може да ги освои секој тим. Верувам дека ќе бидеме во топ 4. Едноставно, сега е моментот да собереме поени за да се искачиме до местото каде што сакаме да бидеме, изјави Мурињо на денешната прес-конференција. Утре „црвените ѓаволи“ го пречекуваат Вест Хем на „Олд Трафорд“. За мечот, Португалецот ќе може да се потпре на целиот состав, откако сите досега повредени веќе се подготвени за игра. – Марсија, Валенсија, Фелаини, Рашфорд и Лукаку, кои имаа некакви поплаки, се подготвени да играат в сабота. Исто со одредена доза на ризик, би рекол и за Пол Погба, додаде Мурињо. МИА