премиер – Kurir.mk

Роберт Фицо по четврти пат стана премиер на Словачка

Ивона Петрова — Wed, 25 Oct 2023 14:30:04 +0000

Левичарскиот лидер Роберт Фицо денеска е назначен за премиер на Словачка со четиригодишен мандат. Тоа е четврти пат Фицо да доаѓа на оваа функција. Претседателката Зузана Чапутова ги назначи Фицо и неговиот кабинет откако партијата на Фицо Смер - победи на изборите и формираше коалиција со централно-левичарскиот Глас и националистичката Словачка национална партија. Левичарската партија Смер на Фицо, која освои 42 места во парламентот од 150 места на парламентарните избори на 30 септември, потпиша договор за коалиција со левичарската партија Глас, која беше трета со 27 пратеници и ултранационалистичката, проруска Словачка национална партија, која има 10 пратеници во парламентот. Тој претходно најави дека планира да ја прекине воената поддршка на земјата за Украина.

Азербејџан го притвори поранешниот премиер на Нагорно Карабах, Ереван тврди дека апсењето е незаконско

Тале Кристо — Thu, 28 Sep 2023 10:06:11 +0000

Азербејџанските власти го приведоа поранешниот премиер на Нагорно-Карабах, Рубен Варданијан, обвинувајќи го за финансирање тероризам и други злосторства. Судот одлучи да примени „превентивна мерка за апсење“ на бизнисменот кој од ноември 2022 година до февруари минатата година водеше сецесионистички регион со ерменско мнозинство, објави азербејџанската безбедносна служба. Ерменија го обвини Азербејџан дека спроведува „незаконски апсења“ на цивили кои во колони бегаат од Нагорно Карабах. „Азербејџан врши незаконски апсења на луѓе на контролниот пункт, што е многу загрижувачко за нас“, изјави ерменскиот премиер Никол Пашинјан по веста за апсењето на Варданјан. Повеќе од 65.000 Ерменци веќе избегаа од Нагорно Карабах во Ерменија. Тоа е повеќе од половина од населението на енклавата што Азербејџан ја зазеде минатата недела.

Премиерот на Нов Зеланд во посета на Кина за да ги зајакне економските врски

Тале Кристо — Tue, 27 Jun 2023 18:36:22 +0000

Премиерот на Нов Зеланд, Крис Хипкинс денеска во Пекинг разговараше со кинескиот претседател Си Џинпинг за продлабочување на врските меѓу двете земји. Хипкинс, кој е во петдневна посета на Кина, наведе дека фокусот на средбата со Си бил „да се реафирмираат блиските економски односи, да се поддржат фирмите да ги обноват своите врски со кинеските колеги и да им се помогне да се развијат нови за поддршка на економското закрепнување на Нов Зеланд“. За утре е предвидено Хипкинс да се сретне со кинескиот премиер Ли Кечијанг. Хипкинс пред петдневната посета на Кина односите помеѓу Велингтон и Пекинг ги опиша како „критичен дел од економската обнова“ на Нов Зеланд. Економијата на Нов Зеланд и официјално влезе во рецесија овој месец. Официјални лица изјаија дека Кина е клучен партнер за трите двигатели на Нов Зеланд на постпандемиското економско закрепнување: извозот, туризмот и образованието. Кина е најголемиот извозен пазар на Нов Зеланд, а Велингтон со текот на годините успеа да одржува подобри врски со Пекинг од некои негови западни сојузници како Австралија. Си ја пофали „големата важност“ на врските меѓу Кина и Нов Зеланд, посочувајќи оти посетата на Хипкинс е „многу значајна“. Хипкинс денеска присуствуваше на состанокот на Светскиот економски форум во кинескиот пристаништен град Тијанџин заедно со други странски претставници и присуствуваше на потпишувањето договори од четворица извозници од Нов Зеланд и нивните кинески партнери.

Хрватско МВР: Добивме сериозна закана упатена кон премиерот и министрите

Тале Кристо — Fri, 12 May 2023 16:20:53 +0000

Хрватското Министерство за внатрешни работи денеска соопшти дека распоредиле дополнителни сили околу зградата на Владата откако биле упатени телефонски закани до премиерот Андреј Пленковиќ и министрите. Во утринските часови полициската управа во Загреб доби пријава од непознато лице, кое му се закануваше на премиерот на Република Хрватска и членови на Владата. Со оглед на добиената пријава односно сериозноста на заканите, дополнителни полициски сили се испратени и распоредени. Полициски службеници спроведуваат кривична истрага со цел да се утврдат сите околности и да се идентификува лицето кое ги упатило заканите, извести полицијата. Владиниот портпарол претходно потврди дека полицијата била информирана за заканата и поради тоа во Владата бил испратен тим за интервенција.

Ли Чианг нов премиер на Кина

Тале Кристо — Sat, 11 Mar 2023 12:11:30 +0000

Кинескиот Парламент денеска го избра Ли Чианг за премиер во гласање што беше практично формалност, јавија западни медиуми. Ли е близок доверлив човек на претседателот Си Џинпинг, кој вчера беше реизбран за трет мандат. Кинескиот национален народен конгрес во голема мера само ги одобрува одлуките на владејачката Комунистичка партија. Еднодомниот Парламент вчера едногласно го реизбра 69-годишниот Си Џинпинг за претседател. На денешниот избор на Ли Кианг за премиер имаше три гласа против и осум воздржани. Во кинескиот Парламент има 2.980 пратеници. Ли (63) е најпознат по наметнувањето брутално заклучување во Шангај минатата пролет, кога беше на чело на Кинеската комунистичка партија во најнаселениот град во земјата. Така, тој ја докажа својата лојалност кон Си Џинпинг со спроведување на својата политика „нулта ковид“ со цврста рака, и покрај поплаките од локалните жители дека немаат пристап до храна, лекови и основни услуги. Приоритет број еден за новиот кинески премиер ќе биде економијата. Целта за раст на бруто домашниот производ на Кина за оваа година е околу 5 проценти. Минатата година таа бројка падна на 3 отсто, што е второ најниско ниво од 1970-те.

Шпанските десничари побараа оставка на премиерот Санчез

Дарко Андоновски — Mon, 23 Jan 2023 15:07:24 +0000

Демонстрантите кои учествуваа на десничарските „анти-Санчез“ протести во Мадрид во саботата побараа неодложна оставка од шпанскиот премиер Педро Санчез чија Влада, според нив, е закана за демократијата и е „најлошата“ во поновата историја на Шпанија, објави „Еурактив“. На главниот плоштад во Мадрид се собраа антивладини демонстранти, според некои информации околу 500 илјади, додека податоците на полицијата се различни со тврдење дека имало триесеттина илјади луѓе. Под слоганот „За Шпанија, демократијата и Уставот“, демонстрантите, насобраните луѓе завиткани во национални знамиња го осудија „политичкото талкање на земјата“. Демонстрации „Анти Санчез“ организираа поединечни општествени организации, како и 60 поддржувачи на десницата. Тие беа поддржани од некои партии, како што се централно-десничарската партија Популарно, крајнодесничарската партија „Вокс“ и центристичката либерална партија „Граѓани“. За време на демонстрациите се слушаа „Санчез, оставка, предавник“, како и други антивладини пароли.

Холандскиот премиер до Бајден: Извини Џо, фудбалот победи (УРНЕБЕСНО ВИДЕО)

Дарко Андоновски — Sat, 03 Dec 2022 18:47:02 +0000

Премиерот на Холандија му одговори на американскиот претседател Џо Бајден по денешниот натпреварот од Светското првенство во 2022 година. На овој натпревар победи репрезентацијата на Холандија со резултат 3:1. Извинете Џо, фудбалот победи 😉“, напиша Марк Руте по натпреварот.

Sorry Joe, football won. 😉#NEDUSA @OnsOranje https://t.co/v27gYK7niv
— Mark Rutte (@MinPres) December 3, 2022

Да потсетиме, претседателот на САД, Бајден ја поддржа својата репрезентација пред натпреварот со Холандија во осминафиналето на турнирот. На твитер на политичарот се појави видео на кое тој вели: Ова е фудбал, Напред САД! Американците трет пат не успеваат да го поминат осминафиналето на Светските првенства.

Јапонскиот премиер најави зајакнување на армијата

Магдалена Андонова — Sun, 06 Nov 2022 16:14:37 +0000

Јапонскиот премиер Фумио Кишида за време на денешната меѓународна смотра на воената флота изјави дека неговата земја мора итно да ги зајакне своите воени способности бидејќи има се повеќе безбедносни ризици, вклучително и нуклеарни закани од Северна Кореја и руската војна против Украина. Во поморската смотра учествуваа 18 воени бродови од 12 земји, меѓу кои САД, Австралија, Канада, Индија, Нов Зеланд, Сингапур и Јужна Кореја, а воени авиони испратија и САД и Франција. Јужна Кореја се приклучи по првпат по седум години, што се слуува поради подобрените врски меѓу Токио и Сеул, кои беа затегнати поради воените злосторства на Јапонија. – Безбедносното опкружување во Источното и Јужното Кинеско Море, особено околу Јапонија, станува сè понапната, рече Кишида, посочувајќи на бројните лансирања на ракети од Северна Кореја и зголемената загриженост за влијанието од руската инвазија на Украина. Кишида рече дека е важно избегнувањето спорови и барањето дијалог, но и дека е неопходна подготвеност да се одговори на провокациите и заканите по мирот и стабилноста. Тој го повтори своето ветување за значително зајакнување на воената способност на Јапонија во рок од пет години. (МИА)

Сунак денеска и официјално ќе стане нов британски премиер

Ивона Петрова — Tue, 25 Oct 2022 06:52:19 +0000

Новиот лидер на Конзервативната партија, Риши Сунак, денеска ќе стане британски премиер. Владата го објави денешниот распоред, според кој премиерката во заминување Лиз Трас во 9 часот по локално време ќе го има својот последен настап со кабинетот, по што треба да одржи говор пред Даунинг стрит 10, јави Би-би-си. Потоа, во 10:15 часот по локално време, Трас ќе замине во Бакингемската палата на последна аудиенција кај кралот Чарлс III, каде и формално ќе поднесе оставка. Како нов лидер на Конзервативната партија, Сунак потоа ќе замине во Бакингемската палата на својата прва аудиенција кај кралот Чарлс III, каде што ќе биде официјално побарано да формира влада. Новиот премиер потоа ќе одржи говор пред Даунинг стрит, што е планиран за околу 11:35 часот по локално време. Сунак (42) ќе биде првиот британски премиер со азиско потекло и најмладиот премиер во повеќе од 200 години.

Борис Џонсон се повлекува од трката за премиер на Велика Британија

Ивона Петрова — Mon, 24 Oct 2022 06:58:35 +0000

Се повлекува од трката за премиер поранешниот британски премиер Борис Џонсон со што останува отворен пат на Риши Сунак. „Во изминатите неколку дена, за жал, дојдов до заклучок дека едноставно не би било правилно. Не можете ефективно да владеете ако немате обединета партија во Парламентот“, рече Џонсон. Тој собра 100 потписи за поддршка од пратениците на владејачката Конзервативна партија, доволно за продолжување на изборната трка. Сунак (42) кој беше министер за финансии вчера потврди дека учествува во трката за премиер откако ја доби поддршката од 124 пратеници од Конзервативната партија. Во Велика Британија премиер станува лидерот на владејачката партија. Изборот на нов премиер е по оставката на Лиз Трас, која на таа функција беше нешто повеќе од еден месец.