Премиерлига – Kurir.mk

Со минута молчење: Фудбалот утре се враќа на терените во Премиерлигата

Ивана Ефремовски — Mon, 12 Sep 2022 17:37:16 +0000

Англиската Премиерлига соопшти денеска дека натпреварите се враќаат од утре на програмата, откако претходното коло беше одложено поради смртта на британската кралица Елизабета Втора. Премиерлигата и англиската фудбалска Федерација објавија минатата недела дека натпреварите кои беа закажани од петок до понеделник се одложуваат откако кралицата, најдолговечниот британски монарх, почина во својот дом во Шкотска на 8 септември, на 96-годишна возраст. Одложени се и натпреварите во женската Суперлига и во пониските дивизии. Во соопштението се наведува дека натпреварите во Премиерлигата ќе почнат со минута молчење и интонирање на британската химна. (МИА)

Поради смртта на кралицата Елизабета одложено викенд колото во Премиерлигата

Тале Кристо — Fri, 09 Sep 2022 12:57:19 +0000

Премиерлигата и Фудбалската федерација на Англија (ФА) донесоа попладнево одлука да се одложат сите фудбалски натпревари закажани за овој викенд поради смртта на британската кралица Елизабета Втора, која почина вчера на 96-годишна возраст. Одлуката на фудбалското раководство уследи и покрај тоа што британската Влада објави дека двете тела немаат таква обврска. – Во знак на почитување на нејзиното височество кралицата Елизабета Втора, натпреварите од Премиерлигата овој викенд ќе бидат одложени, вклучувајќи ги и натпреварите во понеделник вечер, се наведува во соопштението. Поради смртта на кралицата Елизабета Втора во Велика Британија претходно беа откажани и други спортски настани во рагби, крикет, голф и велосипедизам.

Премиерлигата повторно воведува пет замени

Ивана Ефремовски — Thu, 31 Mar 2022 19:41:03 +0000

Клубовите од Премиерлигата гласаа за воведување пет замени на натпревар од почетокот на новата, 2022/23 сезона. Одлуката е донесена на собранието на клупски акционери, соопшти вечерва раководството на англиското првенство. Замените ќе можат да се извршуваат во три наврати во текот на натпреварот, несметајќи го полувремето, а клубовите во официјалните записници можат да пријават по девет резервни фудбалери. Премиерлигата, исто така, донесе одлука од понеделник да престане со ковид тестирање на фудбалери и клупскиот персонал два пати неделно, а ќе се тестираат само оние со симптоми на вирусот. (МИА)

Алиоски за прв пат во тимот на колото во Премиерлигата

Магдалена Андонова — Fri, 18 Dec 2020 18:12:09 +0000

Македонскиот репрезентативец Езѓан Алиоски за прв пат во кариерата се најде во тимот на колото во Премиерлигата, откако во средата го постигна својот премиерен гол во англискиот шампионат во триумфот од 5:2 над Њукасл. Најдобрите 11-мина во 13. коло во Премиерлигата се Поул (Барнли), Вебстер (Брајтон), Куфал (Вест Хем), Тарковски (Барнли), Алиоски (Лидс), Салах (Ливерпул), Гундоган (Манчестер сити), Поденс (Вулверхемптон), Рашфорд (Манчестер јунајтед), МекГолдрик (Шефилд јунајтед) и Фирмино (Ливерпул). Алиоски се најде во тимот на колото со оценка 8.0. (МИА)

Премиерлигата во 2022, ќе прекине на само 9 дена пред почетокот на СП во Катар

Катерина Бојаџиева — Thu, 24 Oct 2019 17:45:23 +0000

Сезоната 2022/2023 во англиската Премиерлига, ќе бие прекината на само девет дена пред почетокот на фудбалското Светско првенство кое ќе се игра во Катар. Според календарот кој го направија Англичаните, првенството ќе прекине на 12 ноември 2022, а Мундијалот стартува на 21 ноември. Финалето е закажано за 18 декември, што значи дека Премиерлигата ќе може да се игра на таканаречениот Боксинг деј, веднаш после католичкиот Божик. На 14 ноември годинава клубовите треба да одлучат кога ќе почне сезоната 2022/2023, и колку кола ќе се играат до паузата. Ова значи дека селекторите на националните тимови нема да имаат многу време за подготовки, но на располагање ќе имаат играчи кои физички ќе бидат во топ форма и во натпреварувачки ритам.