премија – Kurir.mk

Премија од 100.000 евра ќе поделат репрезентативците по ремито со Италија и победата над Малта

Ристе Здравков — Wed, 13 Sep 2023 08:38:59 +0000

За ремито со Италија (1:1) во Скопје, заедно со победата над малта на гости синоќа (0:2), македонските фудбалски репрезентативци ќе добијат премија во висина од 100.000 евра. Оваа сума ќе ја поделат сите кои беа дел од репрезенативниот собир во овој септемвриски квалификациски прозорец. Македонија синоќа со головите на Елмас и Манев ја оствари втората победа во квалификациите, а со оној бод од дуелот рпотив Италија веќе се израмни на табелата со селекциите на Украина и Италија кои исто како и ние имаат по 7 освоени бода. Македонија во октомври ја чека уште еден квалификациски дуел против селекцијата на Украина.

50.000 евра премија за ракометарите за пласман на СП

Ристе Здравков — Mon, 11 Apr 2022 12:37:27 +0000

Нашата најдобрата машка ракометна репрезентација ги одработува мини подготовки за престојниот мундијалски бараж двомеч против Чешка. Откако во првата рунда од плејофот, нашите ракометари ја минаа Романија, сега последна пречка пред нов настап на СП што ќе се одржи следната година, е селекцијата на Чешка. Во меѓувреме селекцијата се комплетира, со приклучувањето на интернационалците, па вечерва селекторот и капитен Кирил Лазаров на располагање ќе ги има сите ракометари кои се најдоа на неговиот последен список. Кои ракометари утре ќе отпатуваат за Злин, Лазаров ќе реши по утрешниот утрински тренинг. Првиот дуел против Чесите на програмата е во среда (13 април) со почеток од 20:15 часот, додека реваншот ќе се игра во недела (17 април) во СЦ Борис Трајковски од 19:00 часот. За овој натпревар денеска се пуштени во продажба влезниците и тоа по цена од 100 денари, а УО на РФМ реши, како дополнителен мотив за ракометарите, да има парична награда во износ од 50.000 евра за пласман на Мундијалот во Полска и Шведска 2023.

Фудбалерите добиваат премија за супер настапот против Ерменија

Бошко Тасиќ — Fri, 12 Nov 2021 19:20:59 +0000

Репрезентативците на Македонија во фудбал ќе добијат парична награда во пресрет на натпреварот со Исланд, кој одлучува дали ќе играме бараж за Мундијалот или не за пласман на СП во Катар. Фудбалската федерација на Македонија (ФФМ) на овој начин сака дополнително да ги мотивира нашите фудбалски херои да остварат нов историски успех на домашен терен. „Управниот одбор и претседателот Сејдини го ценат успехот и на овој начин продолжуваат да даваат признание и да влијаат позитивно на понатамошната атмосферата во репрезентацијата. Овие резултати не се случајни, туку плод на повеќегодишна работа и стратегија. Среќни сме што на големите успеси со пласмани на Европско Првенство со репрезентацијата до 21 година и А-репрезентација, сме блиску да додадеме и пласман во бараж за Светско првенство. Ова се многу значајни моменти за македонскиот фудбал, имаме нова шанса за историски резултат и се разбира дека ќе дадеме сè од себе за да ја искористиме. Фудбалерите и стручниот штаб на секој следен натпревар ја потврдуваат својата големина и навистина ни е драго што федерацијата тоа го вреднува и на ваков начин, иако за оваа репрезентативна група тоа никогаш не било најважно. За нас е значајно што имаме шанса за првпат да се пласираме на Светско првенство, а уште повеќе што македонската репрезентација ја обединува целата држава”, изјави директорот на репрезентацијата на Македонија, Дени Масев. Репрезентативците и стручниот штаб веќе добија премија за добрите настапи на претходните три натпревари од мундијалските квалификации против Ерменија, Исланд и Романија.

Ова е најбогата премија во историјата на македонскиот спорт: ФФМ ги награди фудбалерите со вртоглава сума на пари

Дарко Андоновски — Thu, 24 Dec 2020 15:21:22 +0000

Управниот одбор на Фудбалската федерација на Македонија донесе одлука најголемиот успех – пласманот на македонската репрезентација на ЕУРО 2020 да го награди со исплата на најголемата премија во историјата на македонскиот спорт. Фудбалерите и стручниот штаб во А репрезентацијата на Македонија добиваат четири милиони и двесте илјади евра вкупна премија за пласманот на Европското првенство, објавува Спорт манија. Репрезентативците и стручниот штаб веќе инкасираа близу еден милион евра за освоеното прво место во групата Д од Лига на нации и квалификациите за ЕУРО 2020. Со денешната одлука на Управниот одбор на ФФМ, до крајот од годината, федерацијата ќе им исплати сума од три милиони и двесте илјади евра за обезбеденото место на македонската репрезентација на Европското првенство. Управниот одбор ги усвои предложените критериуми за распределба на наградата, изготвени од директорот на А репрезентацијата во консултација со селекторот и капитенот на македонската репрезентација. „Кога ќе погледнеме што сѐ Фудбалската федерација на Македонија доживеа и оствари во 2020 година, навистина има на што да бидеме горди. Македонската репрезентација ја обедини целата држава и ни ја донесе најголемата фудбалска радост од осамостојувањето. Капитенот Пандев и сите репрезентативци апсолутно ја заслужуваат паричната награда. Во сите тие моменти на патот до пласманот на Европското првенство, кога фудбалерите играа и се бореа за нашата фудбалска историја , никогаш не се размислуваше за пари. Но, сега е моментот, Управниот одбор да го цени успехот и да се обидеме и на овој начин да дадеме признание и да влијаеме позитивно на понатамошната атмосферата во репрезентацијата. Знам дека времињата се тешки, но Фудбалската федерација ќе продолжи да работи и горди сме на сѐ што заработивме и сѐ што плативме. На капитенот Пандев и соиграчите им посакувам многу среќа во новиот квалификациски циклус и повторно да ја одведат Македонија на големо натпреварување“, изјави претседателот на ФФМ, Муамед Сејдини.

ЕП во ракомет: Норвежаните имаат премија од 18.000 евра за титула

Тале Кристо — Fri, 24 Jan 2020 17:05:45 +0000

Норвешките ракометни репрезентативци ќе добијат по 18.000 евра доколку успеат да ја освојат титулата на Европското првенство на кое се кодомаќини со Шведска и со Австрија. Со самиот пласман во полуфиналето, репрезентативците добија 3.000 евра, колку ќе добијат и во случај на триумф над Хрватска вечерва во Стокхолм. Како финалисти, Норвежаните ќе обезбедат директен пласман на ЕП 2022 во Унгарија и во Словачка. Ако, пак, успеат да слават и во финалето в недела, тогаш ќе обезбедат и олимписка виза за ОИ во Токио ова лето, плус 12.000 евра како награда. Првото полуфинале на ЕП 2020 меѓу Норвешка и Хрватска е од 18 часот, во второто, од 20.30 часот, ќе играат Шпанија и Словенија.

Мукаетов вети премија за ракометарите ако обезбедат пласман на ЕП 2020- еве за која сума се работи

Дарко Андоновски — Thu, 09 May 2019 14:46:11 +0000

Претседателот на РФМ, Живко Мукаетов денеска изјави дека машката ракометна репрезентација на Македонија ќе добие премија од 40.000 евра доколку се пласира на првото место во групата, а 30.000 евра доколку избраниците на Данило Брестовац бидат втори. Македонија е на добар пат да обезбеди пласман на ЕП 2020 година, а на сениорите им требаат две победи за освојување на првото место. Последен предизвик за репрезентативците ќе бидат средбите против Турција на гостински терен и против Грција во Скопје на 12, односно 16 јуни.

Ракометарките добија 10.000 евра за пласман во баражот за СП

Ристе Здравков — Wed, 19 Dec 2018 14:59:30 +0000

Ракометната Федерација на Македонија (РФМ) ја исплати премијата од 10.000 евра на женската сениорска репрезентација за пласман во баражот за СП Јапонија 2019. Успешниот настап во квалификациската група што се играше на домашен терен, им обезбеди пласман на нашите репрезентативки за бараж-натпреварите кои ќе се одиграат во јуни 2019 година, во чии рамки најпрво ќе се игра на домашен терен со репрезентацијата на Словенија, додека вториот натпревар ќе се игра на гостински терен. Победниците од бараж-двомечот ќе осигураат пласман на Светското Првенство Јапонија 2019. Управнииот Одбор на РФМ донесе и дополнителна одлука доколку „жолто-црвените“ обезбедат пласман на претстојното СП во Јапонија ќе бидат наградени со дополнителни 30.000 евра.

Премијата за американската лотарија се искачи на 654 милиони долари

Ристе Здравков — Tue, 16 Oct 2018 07:58:26 +0000

Премијата за американската игра на среќа „Мега милиони“ се искачи на 654 милиони долари. Тоа е четврта најголема сума досега во историјата на САД. Наградата последен пат во јули оваа година ја освои група играчи од Калифорнија и таа тогаш изнесуваше 543 милиони долари. Во случај некој да ја добие премијата и се одлучи за наградата од 654 милиони долари, таа ќе му биде исплаќана во рати во период од 29 години. Добитниците имаат опција да земат и помала награда, но во готово, и таа во случајот ќе изнесува 372 милиони долари.

РФМ ја исплати премијата од 40.000 евра за пласманот на СП

Ивона Петрова — Wed, 18 Jul 2018 14:04:29 +0000

Ракометната федерација на Македонија денеска ја исплати премијата од 40.000 евра на машката сениорска репрезентација за пласманот на Светското првенство, кое в година ќе се одржи во Данска и во Германија. Македонија успешно ги помина бараж натпреварите со Романија. Македонските ракометари остварија убедлива победа од 32:24 на првиот натпревар во Скопје, но и покрај минималниот пораз во реваншот на гостувањето во Клуж со 26:25, македонската репрезентација обезбеди пласман на Светското првенство. За македонските ракометари ова ќе биде шесто учество на светските првенства по настапите во Египет (1999), Хрватска (2009), Шпанија (2013), Катар (2015) и Франција (2017), а вкупно единаесетто учество на големите натпреварувања. Светското првенство во Данска и Германија ќе се игра во периодот од десетти до 27 јануари 2019 година, а Македонија натпреварите од групната фаза ќе ги игра во Минхен, Германија, каде за противници ќе ги има репрезентациите на Шпанија, Хрватска, Исланд, Бахреин и Јапонија.

Цела нација разочарана- државата не очекуваше репрезентацијата да игра финале, па Хрватска реши „скромно“ да ги награди фудбалерите

Дарко Андоновски — Mon, 16 Jul 2018 16:26:35 +0000

Влезот во финалето на СП хрватската фудбалска репрезентација ја чинеше вистинско мало богатство. Според податоците на ФИФА „концкестите“ ќе добијат вкупно 28 милиони долари. Но освен оваа сума, фудбалерите ќе бидат наградени од нивната држава и ќе добијат сума која веќе е усвоена пред почетокот на мундијалот. Па така без разлика на успехот или неуспехот на фудбалерите им следува по 11 илјади долари по човек, селекторот Златко Далиќ ќе добие 9.500 долари, додека стручниот штаб ќе ја подели заедничката сум од 15 илјади долари.