премин рафа – Kurir.mk

Првите амбулантни возила со ранети Палестинци од Газа влегоа во Египет преку преминот Рафа

Ивона Петрова — Wed, 01 Nov 2023 13:18:01 +0000

Првите амбулантни возила со ранети Палестинци од Газа денеска влегоа во Египет преку преминот Рафа, изјави египетски официјален претставник, кој сакаше да остане анонимен. Снимките во живо прикажани на телевизиски станици блиски до египетското разузнавање покажаа како амбулантни возила влегуваат на египетската страна на терминалот Рафа за да ги однесат како што рекоа официјалните лица, околу 90 од најтешко болните и ранетите Палестинци на лекување во египетските болници.

Десет камиони хуманитарна помош и лекари влегоа во Газа преку преминот Рафа

Ивона Петрова — Fri, 27 Oct 2023 13:18:39 +0000

Медицински тим и десет камиони со хуманитарна помош влегоа денеска во Појасот Газа преку преминот Рафа со Египет, носејќи вода, храна и лекови, изјави палестински пограничен претставник, јавија британските медиуми. Од почетокот на војната влегле само 84 камиони. Пред актуелниот конфликт, во Појасот Газа дневно пристигнуваа околу 450 камиони со хуманитарна помош. -Во тек се детални преговори со Израел во обид да се обезбедат повеќе хуманитарни премини во палестинската енклава под израелска опсада, изјави за новинарите во Женева, Лин Хестингс, хуманитарен координатор на ОН за окупираната палестинска територија.

Стејт департмент: Хамас спречи цивили да стигнат до преминот Рафа

Ивона Петрова — Wed, 25 Oct 2023 14:53:38 +0000

Милитантите на Хамас повремено спречуваа луѓе да се приближат до граничниот премин Рафа, соопшти американскиот Стејт департмент. Портпаролот Метју Милер изјави за Си-Ен-Ен дека спорадичното присуство на Хамас на граничниот премин Рафа ја направи ситуацијата „исклучително тешка“, но дека Египќаните се подготвени да примат американски и други странски државјани кои пристигнуваат на нивната страна од границата. - Повремено Хамас немаше никој таму да ја чува граничната станица. Во други случаи, видовме дека милитантите на Хамас активно користат оружје за да ги спречат луѓето да се приближат до преминот, рече тој.

Преминот Рафа нема да биде отворен ниту денеска

Ивона Петрова — Fri, 20 Oct 2023 06:43:28 +0000

Преминот Рафа не се очекува да се отвори денеска за конвој со хуманитарна помош за Газа, изјавија повеќе извори за Си-Ен-Ен. -Не би се обложувал дека тие камиони ќе поминат утре, изјави извор запознаен со дискусиите. На египетската страна на тампон зоната, поправките на патиштата мора да бидат завршени, а има и многу други детали на кои треба да се работи за да се осигура дека помошта е одржлива, а не еднократна. -Тоа е навистина нестабилна ситуација. Овие луѓе чекаа храна, лекови и вода. Ако им кажат дека доаѓаат 20 камиони, а не знаеме кога, тоа ќе создаде навистина опасна ситуација. Да сум во таква ситуација, да мислам дека нема да има уште камиони, ќе направам се што можам за да го земам тоа што е внатре, рече изворот за Си-Ен-Ен. Американските власти сега очекуваат првиот конвој камиони со помош за Газа од Египет да ја премине границата овој викенд.