пренасочување – Kurir.mk

Поради изведување работи на пат пренасочување на сообраќајот кај клучката Градско

Тале Кристо — Sat, 30 Oct 2021 07:22:16 +0000

Поради изведување работи на експресниот пат од Градско до Дреново кај клучката Градско, сообраќајот на автопатот Е-75 во правец на Граничниот премин Богородица ќе биде пренасочен на другата сообраќајна лента. Пренасочувањето на сообраќајот ќе трае во следните три дена, соопшти АМСМ. Сообраќајот на државните патишта се одвива непречено, по претежно суви коловози. Интензитетот на сообраќај на патните правци надвор од градските средини е умерен. На граничните премини, од македонска страна, нема подолги задржувања за влез и излез од државата. АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.

Пренасочување на сообраќајот кај Кочани

Тале Кристо — Sat, 12 Oct 2019 07:51:32 +0000

Сообраќајот денеска до 15 часот ќе биде пренасочен на магистралниот пат А3 од местото викано Подлошка раскрсница до Компо Сара, кај Кочани. Пренасочувањето е поради изведување градежни работи.

Индонезија ги пренасочува сите летови околу вулканот Анак Кракатау поради исфрлање пепел

Дарко Андоновски — Thu, 27 Dec 2018 06:39:20 +0000

Индонезиските власти денеска почнаа да ги пренасочуваат сите летови во областа на вулканот Анак Кракатау помеѓу островот Јава и Суматра, откако тој исфрли нови столбови пепел, неколку дена откако предизвика смртоносно цунами. Властите го зголемија нивото на тревога до втор степен и воспоставија зона на зголемена опасност со радиус од пет километри околу вулканот. Според последните податоци, бројот на загинати од цунамито кое ги погоди крајбрежните области на индонезиските острови Јава и Суматра достигна 430, најмалку 159 се водат за исчезнати, а околу 1.500 се повредени. Податоците од сателитските радари на јапонската вселенска агенција Џакса покажуваат дека вулканот драстично се намалил по ерупцијата за време на викендот. Снимките се направени пред и по ерупцијата и покажуваат дека по ерупцијата исчезна југозападниот наклон на вулканот.

Утре пренасочување на сообраќајот до Средно Водно поради атлетска трка

Дарко Андоновски — Sat, 30 Jun 2018 13:03:58 +0000

Поради одржување на спортската манифестација Европско атлетско првенство во планинско трчање, што во организација на Атлетска федерација на Македонија ќе се одржи утре ќе има пренасочување на сообраќајот до Средно Водно. Во периодот од 07.00 до 16.00 часот, Одделението за безбедност на патниот сообраќај при СВР Скопје ќе воведе пренасочување на сообраќајот на улицата „Тодор Александров“ од потегот кај поранешниот објект хотел „Панорама“ па се до Средно Водно, како и од с. Нерези (етно село) до Средно Водно. СВР Скопје апелира до граѓаните да ги почитуваат времените сообраќајни мерки.

Во прекин сообраќајот преку обиколница Битола, се пренасочува преку градот

Ивона Петрова — Fri, 02 Feb 2018 18:07:37 +0000

Сообраќајот на патниот правец А3 Прилеп – Битола – Ресен преку обиколница Битола е во прекин поради свлечиште кое е расчистено. Од превентивни причини сообраќајот се пренасочува преку градот Битола. Како што информира Автомото сојузот на Македонија, на самото место поставена е соодветна сообраќајна сигнализација. Поради оштетување на мостот на автопатот А-1 Градско - Неготино, кај Стоби на река Црна, десната лента се затвора за сообраќај, a сообраќајот ќе се одвива по левата коловозна лента. Поставена e соодветна сигнализација

Сообраќајка на патот Штип-Кочани, сообраќајот се пренасочува

Ивона Петрова — Thu, 25 Jan 2018 13:40:34 +0000

Поради случена сообраќајна незгода во 14:05 часот на регионалниот пат Штип-Кочани, сообраќајот е пренасочен кон патниот правец Штип-Плачковица.