пренос – Kurir.mk

Натпреварите на македонските фудбалери против Грузија и Бугарија со пренос на МРТ

Ивона Петрова — Thu, 22 Sep 2022 12:15:14 +0000

Настапите на македонската фудбалска репрезентација во Лигата на нации на УЕФА во оваа и следната година ќе ги гледаме на МРТ. Потврда за ова стигна и од уредникот на спортската редакција на МРТ, Драган Николовски кој на социјалните мрежи објави кога ќе започнат преносите. Во завршните две кола од Групата 4 во лигата Ц, Македонија гостува кај Грузија, а потоа ја дочекува Бугарија. Гостувањето на Македонија кај Грузија е закажано за утре од 18 часот, а Бугарите на арената „Тодор Проески“ во Скопје, македонските рисови ќе ги пречекаат во понеделник. Натпреварот е со почеток од 20:45 часот. Билетите за натпреварот Македонија-Бугарија се пуштени во продажба од понеделникот која се одвиваисклучиво преку продажната мрежа на MKTickets. Продажбата на билетите ќе се одвива исклучиво со физичко присуство на купувачите. Електронска (on-line) продажба на билети нема да има. МАКЕДОНИЈА - БУГАРИЈА (Национална арена „Тодор Проески“, 26. септември) Цени на билети: Северна Трибина Блок 13, 14, 18, 19, 20 и 24 250 денари Блок 21 и 23 250 денари Јужна Трибина Блок 1, 2, 5 и 6 250 денари Блок 3 и 4 350 денари Едно лице може да купи најмногу четири (4) билети. Покрај неговите податоци (задолжително презентирање на документ за идентификација), клиентот внесува и податоци за други навивачи за кои купува билети.

Рекордни три милиони евра за ТВ-преноси од фудбалската репрезентација се премногу пари за МРТ да ги обезбеди сама

Ристе Здравков — Mon, 30 May 2022 16:24:44 +0000

Натпреварите на македонската фудбалска репрезентација во претстојните три изданија на УЕФА Лигата на нации, како и во наредните три квалификациски циклуса за ЕП 2024, за СП 2026 и за ЕП 2028, нема да бидат емитувани на Македонската Радио Телевизија. Ова е разочарувачка информација за љубителите на фудбалот во земјава непосредно пред скорашниот старт на новата УЕФА Лига на нациите, во којашто Македонија во текот на јуни ќе одигра четири натпревари, два со Бугарија и по еден со Гибралтар и со Грузија. Одговорниот уредник на МРТ-3 Драган Николовски очекува Јавниот сервис да биде изложен на критики и обвинувања како и досега во слични ситуации, но вели дека државната телевизија направила се што била во нејзина моќ и оти совеста и на менаџментот и на спортската програма им е чиста. На меѓународниот тендер на УЕФА за продажба на телевизиските права за територијата на Македонија за настапите на националните фудбалски селекции за периодот 2022-2028, МРТ кон крајот на минатата година учествуваше со понуда соодветна на моменталните финансиски можности и на финансиските проекции за наредните шест години, вели Николовски. Поради огромното значење на македонските репрезентативни фудбалски натпревари, особено во светлината на деби-настапот на последното ЕУРО 2020 и на фактот што националниот тим неодамна беше на чекор до историски пласман и на СП 2022 во Катар, Јавниот сервис изрази готовност, за околу 60 меча коишто Македонија ќе ги одигра до 2028, да плати сума којашто ќе беше највисока досега за телевизиски права за еден ваков циклус спортски натпревари, а и воопшто за откуп на телевизиска програма. Но, тоа беше недоволно. Во време во коишто цените на глобалниот пазар за телевизиски права за спортски настани астрономски растат, се покажа дека е невозможно МРТ да се „бори“ во исклучително силната конкуренција со регионалните медиумски концерни Јунајтед Медија и Телеком Србија. Поради нивното меѓусебно долго наддавање за ТВ-правата за пошироките простори на поранешната држава (преку канали коишто се реемитуваат и кај нас) УЕФА објави крај на тендерот дури неодамна, само на помалку од еден месец пред почетокот на Лигата на нации, што само по себе беше невообичаена практика во споредба со претходно – објаснува уредникот на спортската програма на МТВ. -На територијата на Македонија, атрактивните фудбалски содржини од ова натпреварување, како и од наредните три квалификациски циклуса за СП и за СП, ќе се гледаат на Арена Спорт. Го прашавме Николовски дали постои шанса МРТ евентуално преку т.н „втора рака“ да издејствува мечевите на Македонија сепак да се гледаат и на Јавниот сервис, особено со оглед на досегашната соработка со спортската телевизија од соседна Србија? Веднаш по објавата на ваквиот епилог на тендерот на УЕФА за телевизиските права за пакетот натпревари на македонската фудбалска репрезентација на територијата на државава, МРТ се обиде од новиот носител на ТВ-правата да обезбеди сублиценца, т.е на таков посреден начин сепак да овозможи емитување на содржините. Тоа ќе подразбираше делење на ексклузивитетот, но Јавниот сервис беше подготвен дури и на тоа, со искрена цел – фудбалските преноси да бидат достапни до сета телевизиска публика во земјава со коментар на македонски (и на албански) јазик. Сметаме дека во овие специфични времиња тоа е исклучително значајно прашање за сите во Македонија. Сепак, цената којашто носителот на ТВ-правата ја постави како услов за евентуален договор за сублиценцирање на телевизиските права, плус суперквалитетната ТВ-продукција на домашните натпревари според највисоки УЕФА стандарди којашто е составен дел од обврските, МРТ беше невозможно да ја гарантира во моментов, тврди Николовски. Но, дали телевизијата беше блиску до договор? Во деловниот свет се избегнува споменување на цените, но имајќи ја предвид сензитивноста на ситуацијата, како и неповолните реакции на коишто во слични околности вообичаен е изложена МРТ, чувствувам потреба јавно да го изразам ставот дека сумата од рекордни три милиони евра е нереална за држава со број на телевизиски гледачи како Македонија, особено за коексклузивитет. Тоа се страшно многу пари, премногу. Покрај тоа, сумата е апсолутно превисока за македонските околности во телевизискиот бизнис, во којшто државната МРТ единствена од домашните канали се труди да понуди на програмата квалитетни спортски содржини, уверува тој. Понатаму Николовски вели дека подеталната анализа која ја направила телевизија покажала дека цената по натпревар би била уверливо најскапата телевизиска програма воопшто, или би чинела речиси 50 насто повеќе од вредноста на најексклузивната и најатрактивна содржина, не само спортска, којашто МРТ досега некогаш ја има откупено . Јавниот сервис во моментов не е во состојба самостојно да ја обезбеди оваа рекордна сума. За ова, само навидум неважно прашање коешто всушност е од многу поширок интерес, имајќи ги особено предвид промоцијата којашто Македонија го добива од фудбалската репрезентација, а и деликатноста на моментот во меѓународни, не само спортски, рамки, сепак на МРТ и е потребна и силна поддршка од државата – порачува уредникот на спортската програма на Македонската Телевизија, Драган Николовски.

Прекинат преносот на податоци од Чернобил

Магдалена Андонова — Tue, 08 Mar 2022 20:54:36 +0000

Прекинат е далечинскиот пренос на податоци од системите за следење на заштитните мерки инсталирани во нуклеарната централа Чернобил, соопшти денеска Меѓународната агенција за атомска енергија (МААЕ). Агенцијата го разгледува статусот на системите за следење на заштитните мерки на други локации во Украина и наскоро ќе обезбеди дополнителни информации. Заштитните мерки се однесуваат на сферата на работата на МААЕ во чии рамки се следи движењето на нуклеарен материјал. - Во врска со статусот на оперативните нуклеарни централи на Украина, регулаторот рече дека осум од 15-те реактори во земјата работат, вклучително и два во нуклеарната централа Запорожје која од минатата недела е под контрола на руските сили, и дека персоналот на централите работи во смени. Нивоата на радијација на локациите се нормални, се вели во соопштението на МААЕ.

„Вијести“: Србија купи дополнителен дел од црногорскиот систем за пренос на енергија

Тале Кристо — Tue, 12 Jan 2021 14:17:43 +0000

Компанијата Електромрежа на Србија (ЕМС) купи околу пет отсто од акциите на Црногорскиот систем за пренос на електрична енергија (ЦГЕС) за околу седум милиони евра, објави подгоричкиот весник „Вијести“, додека ЕМС одби да ја потврди информацијата. Акциите се купени од малите акционери по просечна цена од околу 0,95 евра, со раст од околу девет отсто во споредба со претходната цена. Со оваа трансакција ЕМС, која е државна компанија во сопственост на Србија, ќе има вкупно околу 15 отсто од акциите, бидејќи пред пет години купи десет проценти од акциите на ЦГЕС за 13,8 милиони евра. Мнозински сопственик на ЦГЕС е Владата на Црна Гора со 55 проценти од акциите, италијанската Терна има 22 отсто, сега ЕМС 15 проценти, а останатите сопственици се малите акционери. Од ЕМС не сакаа за „Вијести“ да ја коментираат денешната трансакција се додека таа не биде завршена, односно се додека не се солдираат акциите за два дена.

ФК Осогово покренува иницијатива: Мултипренос од македонска Прва и Втора фудбалска лига на ТВ од следната сезона

Ивона Петрова — Tue, 25 Dec 2018 14:01:59 +0000

Фудбалскиот клуб Осогово од Кочани преку социјалните медиуми од вчера покрена кампања за воведување на мултипренос од македонската Прва и Втора фудбалска лига на телевизиските станици. Како што наведуваат од клубот, очекуваат поддршка од останатите фудбалски клуботи во земјава.