преоден рок – Kurir.mk

Милан во летниот преоден рок ќе потроши 100 милиони евра за трансфери

Тале Кристо — Sun, 28 Mar 2021 16:33:51 +0000

Раководството на Милан ќе оди на сериозни финансиски инвестиции пред летниот преоден рок, пренесува „Фудбал Италија“. Според изворот, клубот ќе добие 100 милиони евра за трошоци на трансфер пазарот. „Росонерите“ наводно гледаат на неколку играчи како потенцијални засилувања, посебно ако се избори учество во Лигата на шампионите. Милан е втор на табелата во италијанската Серија А со 59 бода по 28 натпревари.

Манчестер Јунајтед нема да биде активен во летниот преоден рок

Тале Кристо — Wed, 03 Mar 2021 07:40:26 +0000

Тренерот на Манчестер јунајтед, Оле Гунар Солскјер изјави дека не очекува клубот да биде активен во летниот преоден рок. – Пандемијата дефинитивно ги погоди сите во фудбалот. Секој доживува недостаток на приход. Треба да бидете реални и да преземете одговорност за вашиот бизнис. Каде можеме да потрошиме пари? Колку? Се е променето. Имаме фудбалери од академијата кои сега можат да ја добијат својата шанса, го цитира Солскјер порталот „Goal“. Манчестер Јунајтед е втор во поредокот во Премиер лигата со 50 бода по 26 одиграни натпревари.

Бартомеу: До крајот на преодниот рок има уште 20 дена

Дарко Андоновски — Mon, 13 Aug 2018 15:23:54 +0000

Претседателот на Барселона, Жозеп Марија Бартомеу, изјави дека до крајот на преодниот рок има уште 20 дена и дека во клубот може да пристигнат нови засилувања. Неодамна Барселона до Манчестер јунајтед за фудбалерот Пол Погба испрати понуда од 50 милиони евра, како и правата за фудбалерите Јери Мина и Андре Гомеш, но раководството на англискиот клуб го одби предлогот.

-Погба? Не би спомнувал никакви имиња, бидејќи ги почитуваме другите клубови. Сепак до крајот на преодниот рок остануваат уште 20 дена. Ќе видиме дали уште некој ќе му се придружи на тимот. Имаме уште време да ја завршиме работата, истакна Бартомеу.

Барселона со победа од 2:1 против Севиља ја почна новата сезона и по 13-ти пат го освои Супер купот на Шпанија.

Тотенхем ја испиша историјата на преодните рокови во Премиер лигата

Ивона Петрова — Thu, 09 Aug 2018 19:43:50 +0000

Тотенхем влезе во историјата на англискиот фудбал, откако по затворањето на трансфер пазарот во Англија стана првиот клуб во Премиер лигата, барем кога е во прашање актуелниот формат кој датира од 2003 година, кој не направи ниту еден трансфер. Тимот предводен од тренерот Маурицио Покетино не купи ниту едно ново засилување, но исто така не продаде ниту еден фудбалер. - Среќен сум што успеавме да ја задржиме екипата, иако имаше гласини дека некои играчи ќе си заминат. Клубот направи голем напор за договор со Хари Кејн. Имам извонреден тим од 25 фудбалери со кои функцинираме беспрекорно, а веќе реков дека ќе купувам засилување само доколку навистина станува збор за играч кој веднаш би го подобрил нашето ниво, истакна Покетино. Останатите клубови од Премиер лигата донесоа барем по едно засилување во летниот преоден рок. Тотенхем во рамките на првото коло гостува кај Њукасл, а натпреварот се игра во сабота со почеток во 13:30 часот.

Алегри: За нас преодниот рок заврши

Дарко Андоновски — Mon, 06 Aug 2018 07:12:44 +0000

Тренерот на Јувентус, Масимилијано Алегри, соопшти дека неговиот клуб заврши со трансферите во летниот преоден рок. Италијанскиот шампион се засили со Кристијано Роналдо, Леонардо Бонучи и Жоао Кансело. - Нема потреба да носиме повеќе. Го добивме она што го баравме. Сега ни преостанува добро да ги одработиме подготовките до стартот на новата сезона. Ние сме мотивирани и мислам дека овие засилувања ќе бидат погодок за нас. Со нетрпение очекуваме да почне новата сезона, изјави Алегри. Јувентус во првото коло од сезоната 2018/19 во Серија А ќе игра со Киево.