Преподобен Максим Исповедник – Kurir.mk

Се празнува Преподобен Максим Исповедник

Ивона Петрова — Sat, 26 Aug 2023 07:20:39 +0000

Во свое време свети Максим беше речиси единствениот столб на православието, кој бескомпромисно ја бранеше чистотата на верата од итрата ерес на монотелитите. Од таа причина беше прогонет во Скитија, во тврдината Схимарис, каде што се упокои на денешен ден во 662 година. Преподобен Максим се слави на 21 јануари (стар календар), а денес се празнува пренесувањето на неговите мошти од Скитија во Цариград. Не се сочувале сведоштва за времето кога се пренесени неговите мошти

Денеска е Преподобен Максим Исповедник

Ивона Петрова — Fri, 03 Feb 2023 06:20:23 +0000

Цариграѓанин по род и најнапред висок дворјанин на дворецот на царот Ираклиј, а потоа монах и игумен на еден манастир недалеку од престолнината. Најголем бранител на Православието од т.н. монотелитска ерес, која се изроди од ереста Евтихиева. Имено: како што тврдеше Евтихиј дека Христос има една природа така монотелитите тврдеа дека Он има една волја. Свети Максим се спротивстави на тоа тврдење и се најде како противник на царот и на патријархот. Но не се исплаши туку докрај истраја во докажувањето дека Господ Христос имаше две волји соодветно на двете природи. На негово настојување се одржа еден собор во Картагена, а друг во Рим. И двата собори го анатемисаа учењето на монотелитите. Страдањето на Свети Максим за Православието е неописливо: малтретиран од кнезовите, измамуван од судиите, плукан од народните маси, тепан од војниците, прогонуван, затваран, а најпосле му ги отсекоа јазикот и раката и го осудија на доживотно прогонство во земјата Скитска, каде што три години помина во затвор, па Му ја предаде својата света душа на Бога во 666 година. Тропар Од младоста своја Вистината возљубувајќи ја, Патот во животот те хранеше со слободата, о Максиме, свет подвижниче, војнику свет на Богомајката, столбу непоколеблив пред Пресвета Троица, исповедниче на животот во вечноста, моли се, преподобен учителу на Љубовта, срцата да ги исполниме со светлината Христова, душата по твоите свети молитви да биде помилувана од Пресвета Троица.

Се празнува Преподобен Максим Исповедник

Ивона Петрова — Fri, 26 Aug 2022 05:14:04 +0000

Денеска е Преподобен Максим Исповедник

Ивона Петрова — Thu, 03 Feb 2022 06:15:36 +0000

Преподобен Максим се роди околу 580 година во Цариград. Имаше високо потекло. Во младоста се здоби со врвно образование беше најголемиот философски ум на своето време. Едно време служеше како императорски секретар, а потоа ја напушти службата и се повлече Хризополскиот манастир до Халкидон. Наскоро, неговото име неоделиво ќе се врзе за православната борба против монотелитската ерес. Заради своето тврдо исповедништво ќе биде осакатен и ќе умре в затвор, во 662 година. Неговото дело правилно го оцени шестиот вселенски собор, одржан во 680 година. Од него ни останаа многу значајни дела.

Се празнува Преподобен Максим Исповедник

Ивона Петрова — Wed, 03 Feb 2021 06:10:42 +0000

Денеска е Преподобен Максим Исповедник

Ивона Петрова — Wed, 26 Aug 2020 06:34:55 +0000

Денеска е Преподобен Максим Исповедник

Катерина Бојаџиева — Mon, 26 Aug 2019 06:00:08 +0000

ОД КАЛЕНДАРОТ НА МПЦ Според календарот на МПЦ (Јулијанскиот календар) денеска е 13 август. Денеска е Преподобен Максим Исповедник. Во свое време свети Максим беше речиси единствениот столб на православието, кој бескомпромисно ја бранеше чистотата на верата од итрата ерес на монотелитите. Од таа причина беше прогонет во Скитија, во тврдината Шимарис, каде се упокои на денешен ден во 662 година. Преподобен Максим се слави на 21 јануари (стар календар), а денес се празнува пренесувањето на неговите мошти од Скитија во Цариград. Не се сочувале сведоштва за времето кога се пренесени неговите мошти. ОД КАТОЛИЧКИОТ КАЛЕНДАР Денеска е Св. Анастазиј. Бил роден во Аквилеја. За време на прогонствата на Диоклецијан дошол во Солин, за да ги охрабри христијаните кои биле прогонети. Како христијанин се грижел за црквата. Како и многумина христијани, Анастазиј бил измачуван и потопен во реката Јадра.