преполовени – Kurir.mk

Директните странски инвестиции во светот преполовени во првите шест месеци од 2020 година

Тале Кристо — Tue, 27 Oct 2020 12:18:54 +0000

Висината на директните странски инвестиции (ДСИ) во светот во првото полугодие се намалиле за 49 отсто, споредено со истиот период лани. Причината за тоа се ограничувачките мерки поради пандемијата со новиот коронавирус, се наведува во извештај на Конференцијата за трговија и развој на Обединети нации. – Глобалниот тек на директните странски инвестиции (со исклучок на офшор финансиски центри од земјите на карипскиот регион), во првата половина на 2020 година биле под сериозен притисок поради Ковид-19. Според проценките, директните странски инвестиции достигнале сума од 399 милијарди долари, што е за 49 отсто помалку отколку во 2019 година, бидејќи карантините низ цел свет ги принудија компаниите да откажат значајни инвестициски проекти за зачувување на паричните тампони, се истакнува во извештајот. Бројот на нови инвестиции се намалил за 37 проценти, бројот на прекугранични слевања и откупи – за 15 отсто, додека зделките за финансирање на трансгранични проекти, на 24 отсто. Во првото полугодие, директните странски инвестиции во развиените земји биле во висина од 98 милијарди долари, со најголем пад од 75 отсто споредбено со податоците лани. Според извешајот, ова е резултат на намалениот тек на капиталот во економиите на Европа, пред сѐ во Холандија и во Швајцарија. Во првото полугодие, директните странски инвестиции во Северна Америка биле во висина од 68 милијарди долари или за 56 отсто помалку од истиот период минатата година. Од друга страна, директните странски инвестиции во земјите во равој се намалиле само за 16 отсто, помалку од очекуваното, и тоа поради издржливоста на инвестициите од Кина. Приливот на странски инвестиции во Азија се намалил само за 12 отсто, но бил за 28 отсто помал во Африка и за 25 проценти помал во Јужна Америка и на Карибите. Сопред прогнозите директните странски инвестиции на светско ниво во 2020 година ќе се намалат за 30 до 40 проценти.

Ланцет: Населението во Албанија би можело да се преполови до 2.100 година

Тале Кристо — Mon, 20 Jul 2020 10:11:54 +0000

Населението во Албанија се очекува да се намали на 1,32 милиони жители во 2.100 година, што претставува намалување за 52 отсто во однос на 2017 година, што се заснова на целите за одржлив развој. Податоците се објавени во студијата на меѓународното научно списание „Ланцет“(The Lancet), кое изготви сценарија за наталитет, смртност, миграција и население за 195 држави и територии од 2017 до 2.100 година. Студијата ја моделира идната популација, осврнувајќи се на алтернативни сценарија во однос на стапката на наталитет, миграција и морталитет. „Албанија во 2.100 година се очекува да има наталитет од 1,17 и високата миграција. Нето миграцијата е моделирана врз социо-демографскиот индекс, бруто стапката на раст на населението и смртните случаи од природни непогоди, пренесува агенцијата Балкан веб. Според истиот извор, во извештајот се проценува и големината на бруто-домашниот производ на секоја земја и територија во референтното сценарио. Дури и во референтното сценарио, населението во Албанија се очекува да се намали на 1,97 милиони жители во 2021 година, што е намалување за околу 30 отсто во однос на 2017 година.

Нивоата на реките преполовени, водостојот на Дојранско Езеро зголемен

Тале Кристо — Wed, 20 May 2020 09:01:46 +0000

Нивоата на речиси сите реки во земјава кај кои денеска се извршени хидролошки мерења, покажуваат двојно пониски вредности од просекот за мај. Тројно намалување бележи Сатеска кај Ботун, додека единствена во рамки на просекот е Бабуна кај Богомила. Кај езерата ситуацијата е поинаква. Водостојот на Охридското е исто како мајскиот просек, Преспанското покажува налаување, а Дојранското зголемување.