препознавање лица – Kurir.mk

Европратениците ќе гласаат за забрана на употреба на технологија за препознавање лица

Тале Кристо — Wed, 10 May 2023 10:36:55 +0000

Иницијативата за забрана на употреба на технологија за препознавање лица, позната и како „Големиот брат“, на улиците на земјите од ЕУ ќе биде ставена на тест утре за време на клучното гласање во Европскиот парламент. Амандманот е дел од пакетот предлози за првите закони во светот за вештачка интелигенција, според кои компаниите би можеле да бидат казнети до 10 милиони евра или отстранети од трговијата во рамките на ЕУ доколку ги прекршат правилата, објави „Гардијан“. Меѓутоа, се очекува на забраната да се спротивстават група европратеници од десниот центар, кои сметаат дека биометриското скенирање треба да се користи за борба против сериозни злосторства како што е тероризмот. Утре пред собраниската комисија ќе се најде измената на членот 5 од предложениот Закон за вештачка интелигенција, со кој се забранува употреба на камери за следење на луѓето околу продавниците, на улиците, во парковите или на други јавни места. Амандманот им забранува на компаниите да користат вештачка интелигенција за да идентификуваат поединци преку споредување на лица од камери за надзор со фотографии што корисниците ги објавуваат на Инстаграм, Фејсбук и други социјални мрежи. Друг амандман ја забранува употребата на таканареченото „емоционално препознавање“, кое би можело да им овозможи на компјутерските системи да препознаат кога некој е уморен, поради загриженоста дека тоа би можело да биде злоупотребено. Таков надзор веќе постои во делови од Кина и го користи сообраќајната полиција.

Амазон ја забрани употребата на својот софтвер за препознавање лица

Тале Кристо — Thu, 11 Jun 2020 08:56:53 +0000

Компанијата „Амазон“ ја забрани употребата на својот софтвер за препознавање лица од страна на полицијата за една година. Овој гигант е последен во низата компании кои забранија употреба на вакви системи и кои се соочуваат со критики за погрешно идентификување на луѓе со потемна боја на кожата. Активистите за заштита на човековите права и вработените во „Амазон“ извршија притисок врз раководството на компанијата да престане да ја продава технологијата за препознавање лица под името „Рекогнишн“ (Rekognition) на владините агенции, бидејќи може да се употреби за нарушување на приватноста на луѓето и таргетирање на малцинствата. Компанијата соопшти дека се надева дека Конгресот ќе воведе построги правила во врска со употребата на оваа технологија.

Фејсбук ја менува опцијата за препознавање лица

Ивона Петрова — Wed, 04 Sep 2019 07:32:07 +0000

Фејсбук соопшти дека ја менува опцијата за препознавање лица на фотографиите што некој друг ги објавил, па софтверот автоматски ни предлага да нѐ означи. Таа опција нема целосно да исчезне. Фејсбук ќе ја замени со подесување за „врамување“ лица за различни потреби, а не само за означување. Корисниците така ќе можат да ја вклучуваат и исклучуваат оваа нова опција. Оние кои ќе ја вклучат, ќе можат по свој избор да ги добиваат известувањата за препознавање на нивниот лик, или пак – не, доколку не сакаат. Во американската сојузна држава Илиноис, е покрената и тужба против Фејсбук поради опцијата „предлози за означување”, а сојузниот Апелациски суд одлучи дека постапката може да се процесуира.