препознавање – Kurir.mk

Паднаа крадците на велосипеди во Скопје, МВР ги повикува оштетените граѓани на препознавање

Ивона Петрова — Fri, 10 Jul 2020 10:29:22 +0000

Министерството за внатрешни работи информира дека во изминатите два дена по преземени активности лишени биле од слобода Е.М.(24) и А.И.(22), двајцата од Скопје, поради постоење основи на сомнение за сторени кривични дела “тешки кражби“ на велосипеди и Х.К.(53) од Скопје поради постоење основи на сомение за сторено кривично дело “прикривање“. Имено двајцата првопријавени извршувале кривични дела “тешки кражби“ на велосипеди, тешки кражби во подрумски простории и тешки кражби во станови на подрачјето на Скопје, по што украденото го продавале кај третопријавениот, кој ги купувал велосипедите за минимална цена и ги препродавал или ги расклопувал во делови. Досега од сторителите се одземени 26 велосипеди, еден апарат за заварување, една бормашина, една брусалица, две рачни стеги, разен рачен алат и лап топ. -Во врска со извршените кривични дела ги повикуваме сите оштетени граѓани во Полициската станица Карпош, секој работен ден од 09,00 до 15,00 часот за препознавање на велосипеди, велат од МВР.

Полицијата во Лондон поставува камери за препознавање лица

Тале Кристо — Fri, 24 Jan 2020 16:32:46 +0000

Британската полиција објави дека ќе започнат со употреба на камери за препознавање лице во Лондон, и покрај тоа што групите за човекови права и владината надзорна агенција предупредуваат на повреда на приватноста. Првата камера во британската метропола беше пуштена во употреба за време на карневалот во населбата Нотинг Хил во 2016 година, а нивна задача отсега ќе биде да препознаат лица од потерница за полициски цели. „Технологиите за препознавање на лицето ќе ги користат разузнавачките агеции и ќе бидат распоредени на одредени локации во Лондон“, соопшти денеска лондонската полиција. Камерите ќе бидат јасно обележани, а полициските службеници ќе делат летоци со информации за тоа што се случува. Камерите за препознавање лице се веќе лансирани во други градови и трговски центри во Велика Британија, но нивната употреба предизвика загриженост за нарушувања на приватноста, при што противниците на камерите ја доведоа во прашање прецизноста на технологијата. ЕУ разгледува петгодишна забрана за таа технологија на јавни места за да развива правила со текот на времето за да спречи злоупотреба.

Кинез најде начин како да го измами софтверот за распознавање лица

Ивона Петрова — Thu, 10 Oct 2019 07:08:53 +0000

На интернет деновиве се појави видео на коешто човек на главата носи венче со видеопроектор. Првично се мислеше дека „изумот“, наводно, бил користен во протестите во Хонгконг. Не станува збор за некаков политички симбол или порака, туку просто, за начин на избегнување на стапиците на софтверот за распознавање лица. Но, на никаков начин не е поврзано со протестите, како што првично се тврдеше, пишува „Дејли Мејл“. Венчето со видеопроектор на лицето на човекот проектира друг лик. Така, камерите за распознавање не се способни да ја идентификуваат личноста.