преработувачка индустрија – Kurir.mk

Мицкоски: Индустриското производство и преработувачката индустрија се во длабока негатива, нема да биде подобро и затоа потребни се избори час поскоро!

Катерина Бојаџиева — Mon, 06 Feb 2023 09:03:14 +0000

Два клучни параметри според кои се оценува растот на економијата се индустриското производство и преработувачката индустрија. Во четвртиот квартал македонското индустриско производство и преработувачката индустрија се во длабока негатива. Споредено со другите земји од регионот, Македонија е убедливо на дното. Имено, индустриското производство во декември бележи пад од 1,3%, во ноември негативата е 3,7%, а во октомври падот е 5,3%. Намалувањето на индустриското производство во четвртиот квартал е околу 3,4%, а за цела 2022 година падот на индустриското производство е 0,3%, вели лидерот на ВМРО-ДПМНЕ, Христијан Мицкоски. -Слична е состојбата со преработувачката индустрија имено, во декември бележи пад од 2,3%, во ноември негативата е 5,6%, а во октомври падот е 4%. Намалувањето на преработувачката индустрија во четвртиот квартал е околу 4%, а за цела 2022 година падот на преработувачката индустрија е 1,1%. Наместо раст после рецесијата со корона кризата, македонската влада бележи нови минуси. Со оваа влада нема да биде подобро, туку само полошо и драматично тешко за сите граѓани. Затоа потребни се избори за Македонија да почне да победува. Потребни се избори за крај на политичките криминалци и измамници, пишува Мицксоки на Фејсбук.

Зголемен индикаторот на доверба во преработувачката индустрија

Ивона Петрова — Wed, 15 Jun 2022 11:49:41 +0000

Според оценката на раководителите на деловните субјекти, индикаторот на доверба во преработувачката индустрија во мај 2022 година е зголемен за 0.2 процентни поени во однос на април и изнесува 13.4, а во однос на мај 2021 година е намален за 1.4 процентни поени, соопшти Државниот завод за статистика. Состојбата на обезбеденоста на производството со порачки во мај 2022, во однос на април 2022 година е поповолна, очекувањата за обемот на производството во наредните три месеци се поповолни во однос на претходниот месец, а залихите на готовите производи се зголемени. Оценката за економската состојба на деловните субјекти во мај 2022 година е понеповолна во однос на претходниот месец, а понеповолна и во однос на мај 2021 година. Се очекува бројот на вработените да се намали. Просечното искористување на капацитетите на деловните субјекти во мај 2022 година изнесува 65.4 % од нормалното искористување. Најголемо влијание врз ограничувањето на обемот на производството имаат следните фактори: недостигот на квалификувана работна сила со 20.1%, недоволната странска побарувачка со 17.9 %, неизвесното економско опкружување со 14.2 % и недоволната домашна побарувачка со 12.2%.

Понеповолна економската состојба во преработувачката индустрија

Ивана Ефремовски — Sat, 16 Apr 2022 09:35:48 +0000

Според оценката на раководителите на деловните субјекти, индикаторот на доверба во преработувачката индустрија во март во однос на февруари годинава е намален за 0.5 процентни поени и изнесува 13.3, а во однос на март лани е намален за 1.2 процентни поени, објави Државниот завод за статистика. Состојбата на обезбеденоста на производството со порачки во март 2022, во однос на февруари 2022 година, е непроменета, очекувањата за обемот на производството во наредните три месеци се понеповолни во однос на претходниот месец, а залихите на готовите производи се зголемени. Оценката за економската состојба на деловните субјекти во март во однос на февруари годинава е понеповолна, а понеповолна е и во однос на март 2021 година. Се очекува бројот на вработените да се намали. Просечното искористување на капацитетите на деловните субјекти во март 2022 година изнесува 65,5 проценти од нормалното искористување. Најголемо влијание врз ограничувањето на обемот на производството имаат: недостигот на квалификувана работна сила со 16,2 проценти, недоволната странска побарувачка со 19,4 проценти, неизвесното економско опкружување со 15,3 проценти и недоволната домашна побарувачка со 13 проценти. (МИА)

Економската состојба во преработувачката индустрија понеповолна во ноември во однос на октомври годинава

Магдалена Андонова — Wed, 15 Dec 2021 12:43:03 +0000

Според оценката на раководителите на деловните субјекти, индикаторот на доверба во преработувачката индустрија во ноември 2021 година е намален за 0.2 процентни поени во однос на октомври 2021 година и изнесува 14.5, а во однос на ноември 2020 година е зголемен за 1 процентен поен, објави денеска Државниот завод за статистика. Состојбата на обезбеденоста на производството со порачки во ноември 2021, во однос на октомври 2021 година, е поповолна, очекувањата за обемот на производството во наредните три месеци се понеповолни во однос на претходниот месец, а залихите на готовите производи се непроменети. Оценката за економската состојба на деловните субјекти во ноември 2021 година е понеповолна во однос на претходниот месец, a поповолна во однос на ноември 2020 година. Се очекува бројот на вработените да се намали. -Просечното искористување на капацитетите на деловните субјекти во ноември 2021 година изнесува 69.6 проценти од нормалното искористување. Најголемо влијание врз ограничувањето на обемот на производството имаат: недоволната странска побарувачка со 20,1 процент, неизвесното економско опкружување со 15,5 проценти, недостигот на квалификувана работна сила со 15 проценти и недоволната домашна побарувачка со 12,9 проценти.

Понеповолна економската состојба во преработувачката индустрија на месечно ниво

Катерина Бојаџиева — Thu, 15 Aug 2019 11:12:55 +0000

Според оценката на раководителите на фирмите, индикаторот на доверба во преработувачката индустрија во јули во однос на јуни годинава е намален за 0,1 процентен поен и изнесува 21,2, а во однос на јули лани е зголемен за 1,3 процентни поени. Состојбата на обезбеденоста на производството со порачки во јули споредено со јуни годинава е понеповолна, очекувањата за обемот на производството во наредните три месеци се понеповолни во однос на претходниот месец, а залихите на готовите производи се намалени во однос на јуни годинава. Оценката за економската состојба на фирмите во јули во однос на јуни годинава е понеповолна, а поповолна во однос на јули лани. Се очекува бројот на вработените да се намали. Просечното искористување на капацитетите на деловните субјекти во јули 2019 година изнесува 69,5 проценти од нормалното искористување. Најголемо влијание врз ограничувањето на обемот на производството имаат: недостигот на квалификувана работна сила со 26,3 проценти, недоволната странска побарувачка со 17,9 проценти, недоволната домашна побарувачка со 13,9 проценти и неизвесното економско опкружување со 11,1 процент.

Понеповолни состојбите во преработувачката индустрија

Ивона Петрова — Thu, 17 Jan 2019 11:56:57 +0000

Економската состојба на деловните субјекти во преработувачката индустрија според оценката на нивните раководителите во декември 2018 година е поповолна во однос на претходниот месец, како и во однос на декември 2017 година. Нивната оценка за состојбата за обезбедност на производството со порачки во декември 2018 во однос на ноември 2018 година, е поневолна, очекувањата за обемот на производството во наредните три месеци се понеповолни во однос на претходниот месец, залихите на готовите производи се намалени во однос на ноември 2018 година, а се очекува и бројот на вработени да се намали. Просечното искористување на капацитетите на деловните субјекти во декември 2018 година изнесува 68,8 отсто од нормалното искористување. Најголемо влијание врз ограничувањето на обемот на производството имаат недостигот на квалификувана работна сила со 28,8 отсто, недоволната домашна побарувачка со 14,7 отсто, недоволната странска побарувачка со 14,6 отсто и неизвесното економско опкружување со 10,4 отсто. МИА