прес-конференција – Kurir.mk

Вицепремиерот Битиќи нервозно ја напушти прес-конференцијата на Ковачевски: Не му се допадна прашањето за целосно владеење на ДУИ со државата (ВИДЕО)

Тале Кристо — Fri, 13 Oct 2023 14:59:52 +0000

Вицепремиерот за економски прашања Фатмир Битиќи ја напушти денешната заедничка прес-конференција со премиерот Димитар Ковачевски, откако еден од новинарите го праша премиерот што мисли за сценариото највисоките државни функции да ѝ припаднат на ДУИ доколку не бидат успешни претседателските избори. „Во случај на неуспешни претседателски избори, дали сте подготвени да прифатите дека државата останува во рацете на ДУИ со тоа што ќе биде назначен Албанец за премиер, а функцијата шеф на државата ќе му припадне на собранискиот спикер Талат Џафери?“, гласеше новинарското прашање упатено до Ковачевски. Очигледно од самата реакција, на Битиќи не му се допадна и веднаш реагираше со зборовите: – Јас мислам дека не треба да стојам тука на вакви прашања – рече Битиќи и ја напушти прес-конференцијата. Камерите го снимија вицепремиерот како нервозно се качува во автомобил и без поздрав го напушта местото. За Ковачевски новинарското прашање било „апсолутно некоректно“. – Денес во нашата држава имаме концепт за европска Македонија, којшто го предводи Владата и СДСМ. Што ги третира сите граѓани еднакво според нивната етничка, верска и која било друга припадност. Меѓутоа, имаме појава е еден популизам, којшто во својата основа има етно-национализам и ксенофобија, што за мене е форма на модерен фашизам, рече Ковачевски.

Зошто потпретседателот на Сдс демонстративно ја напушти прес конференцијата а Таче вели дека прашањето е некоректно?
Кој повеќе се навреди за можното сценарио "целосна власт на Дуи"?https://t.co/n8Y1N127R8 pic.twitter.com/gXXKfIpc4z
— Бемка (@B1PcG6cyiRrcoTr) October 13, 2023

СЛЕДЕТЕ ВО ЖИВО: Вонредна прес-конференција на Христијан Мицкоски

Ивана Ефремовски — Wed, 06 Jul 2022 18:50:00 +0000

Лидерот на ВМРО-ДПМНЕ, Христијан Мицкоски, вечерва ќе одржи вонредна прес-конференција во 22 часот. Тој предмалку се огласи на социјалните мрежи и објави фотографија од лицето за кое вели дека вечерва требало да го убие. Неговата изјава ќе биде пренесувана во живо

Новинарите на годишната прес-конференција на Путин ќе бидат дезинфицирани со сребрени честички

Тале Кристо — Thu, 23 Dec 2021 09:56:16 +0000

Новинарите кои денеска ќе присуствуваат на годишната прес-конференција на рускиот претседател Владимир Путин ќе бидат испрскани со сребрени честички на влезот за дезинфекција. – Подготвувајќи се за конференцијата за новинари нашите експерти посебно внимание посветија на санитарните барања, наведе портпаролката на одделението за претседателски имот Елена Крилова. Путин денеска ќе ја одржи традиционалната годишна прес-конференција. Поради мерките против коронавирусот, годинава бројот на новинари ќе биде ограничен на 500, а конференцијата ќе се одржи на поголем простор. За учество на прес-конференцијата ќе бидат потребни три ПЦР тестови. Големата прес-конференција на Путин е годишен настан кој се одржува од 2001 година. По правило, шефот на државата прво се осврнува на главните економски и социјални показатели, а потоа новинарите имаат можност да поставуваат прашања.

Путин утре ќе ја одржи годишната прес-конференција

Тале Кристо — Wed, 22 Dec 2021 14:47:56 +0000

Рускиот претседател Владимир Путин утре ќе ја одржи традиционалната годишна прес-конференција. Поради мерките против коронавирусот, годинава бројот на новинари ќе биде ограничен на 500, а конференцијата ќе се одржи на поголем простор. За учество на прес-конференцијата ќе бидат потребни три ПЦР тестови. Големата прес-конференција на Путин е годишен настан кој се одржува од 2001 година. По правило, шефот на државата прво се осврнува на главните економски и социјални показатели, а потоа новинарите имаат можност да поставуваат прашања.

Заев на прес чита одговор на новинарско прашање од прв до последен збор (ВИДЕО)

Катерина Бојаџиева — Wed, 20 Oct 2021 15:41:09 +0000

Премиерот и лидер на СДСМ, Зоран Заев, откако го прочита говорот на денешната прес-конференција, продолжи да чита и одговор на новинарско прашање! Дали случајно модераторот на прес- конференцијата прво и даде збор на новинарката која му го постави прашањето на Заев, а тој го исчита од прв до последен збор? Се поставува и прашањето: Знаеше ли Заев што ќе го прашаат, па имаше веќе подготвен одговор кој го прочита? Она што е исто така симптоматично е оти Заев не ги извади ниту очилата додека го „одговараше“ прашањето, а по одговорот веднаш ги симна па на следните прашања даваше одговори без очила. -Повикувате на обединување, го очекувате, но што доколку го нема? Ќе можете ли да продолжите на патот кон ЕУ, Отворен Балкан и слично, се што ставате на контото на Македонија?, го праша новинарката премиерот и лидер на СДСМ, а тој веднаш „се фати за работа“ и „одговори“ на прашањето. Неговиот „одговор“ погледнете го на следното видео од 23,52 до 27,25 минути.

Заев најави прес-конференција во 18:30 часот, дали ќе објави дека како резултат на истрагата паднала температурата на Мијалков?

Тале Кристо — Tue, 23 Feb 2021 17:17:51 +0000

Премиерот Зоран Заев вечерва во 18:30 часот на платото пред Владата ќе даде изјави за медиумите во врска со појавувањето на поранешниот директор на УБК, Сашо Мијалков, кој од неделата беше недостапен за органите на прогонот. Заев, како што најави владината прес-служба, ќе биде придружуван од министерот за внатрешни работи Оливер Спасовски и министерот за правда Бојан Маричиќ. Претходно, попладнево обвинетиот Сашо Мијалков се појави во Јавното обвинителство, каде што му беше и врачено решението за домашен притвор. Мијалков пред ЈО изјави дека не избегал, туку бил изолиран заради висока температура и симптоми на коронавирус. Се поставува прашањето дали премиерот Заев на прес-конференцијата ќе објави дали како резултат на истрагата паднала температурата на Мијалков?

Прес-конференција на Александар Николоски

Тале Кристо — Mon, 22 Feb 2021 12:07:26 +0000

Во 13:20 часот следете ја мојата прес конференција на официјалната фејсбук страна на ВМРО-ДПМНЕ! Бараме оставка од владата!, пишува Александар НИколоски на својата Фејсбук страница.

ВО ЖИВО: ВМРО-ДПМНЕ со вонредна прес-конференција за заканите по живот кон Боки 13 и адвокатот Дуковски

Дарко Андоновски — Thu, 25 Jun 2020 16:04:06 +0000

Портпаролот на ВМРО-ДПМНЕ Наум Стоилковски ќе одржи вонредна прес-конференција во врска со заканите за случајот „Рекет“. Прес-конференцијата се очекува да започне во секој момент а ќе се однесува во врска со заканите по живот кои ги доби Бојан Јовановски и неговиот адвокат Сашо Дуковски. Имено пред почетокот на сослушувањето од страна на обвинителот лице непознато за адвокатот на Јовановски преку телефонски број со мутиран глас му предочил дека треба да внимава што зборува пред обвинителот, а уште повеќе да внимава како се однесува неговиот клиент. Во спротивно, Дуковски и Јовановски ќе требало да внимаваат на своите и животите на нивните семејства. https://www.facebook.com/vmromakedonija/videos/305257807299185/

BO ЖИВО: Прес-конференција на Христијан Мицкоски во 13 часот

Тале Кристо — Sun, 05 Apr 2020 10:28:35 +0000

Лидерот на ВМРО-ДПМНЕ Христијан Мицкоски денеска во 13 часот ќе одржи прес-конференција во седиштето на партијата. На истата Мицкоски ќе се осврне на актуелните теми во нашата земја. Неговото обраќање во живо можете да го проследите на нашиот портал со почеток точно во 13 часот. https://www.facebook.com/MickoskiHristijan/videos/530842651187007/

ВО ЖИВО: Мицкоски со прес-конференција во 15 часот

Дарко Андоновски — Tue, 31 Mar 2020 12:48:28 +0000

Лидерот на ВМРО-ДПМНЕ Христијан Мицкоски за денеска во 15 часот најави своја прес-конференција во седиштето на партијата. На истата Мицкоски ќе се осврне на актуелните теми во нашата земја. Видеото можете да го проследите тука со почеток точно во 15 часот. https://www.facebook.com/MickoskiHristijan/videos/1105296829837678/