прес конференција – Kurir.mk

Симеоне ја прекина пресконференцијата после едно прашање (ВИДЕО)

Ристе Здравков — Thu, 14 Apr 2022 09:20:58 +0000

Манчестер сити го елиминираше Атлетико Мадрид од Лигата на шампионите, а после мечот имаше вербални расправии на работ на физичка пресметка. Интересно беше и на пресконференцијата каде Симеоне беше прашан дали Гвардиола покажа недостаток на почит кон него кога го критикуваше начинот на игра на Атлетико. „Не ме интересира кој што ќе каже за мене, без разлика дали тоа е добро или лошо. Луѓето со богат вокабулар се доволно интелигентни да те фалат и во исто време да те презираат. Но, ни ние не сме глупи и покрај тоа што можеби нашиот вокабулар е помал“, изјави Симеоне. Потоа Симеоне стана и демонстративно ја напушти пресконференцијата, а на прашање дали би дал совет на Реал како да игра против Сити во полуфиналето, кратко порача: „Никогаш не би го направил тоа“.

ВО ЖИВО: Новак Ѓоковиќ се обраќа по големата победа и невидената тортура

Магдалена Андонова — Mon, 10 Jan 2022 13:03:13 +0000

Во тек е прес-конференција на семејството Ѓоковиќ по повод настаните во Австралија и драматичната ситуација со Новак, кој треба да и се обрати на јавноста. Судот во Австралија пресуди во корист на најдобриот тенисер на светот кому му беше укината одлуката за депортација и му беше дозволено да остане во земјата. Сепак, министерот за имиграција Алан Хок најави дека може да ја искористи својата дискреција да го депортира српскиот тенисер, без разлика на одлуката на судот, а се ќе биде познато во наредните денови. Семејството Ѓоковиќ организира прес-конференција во ресторанот „Новак“, а преку видео врска се обраќа првиот тенисер во светот. Ова ќе биде прво јавно обраќање на Ѓоковиќ откако беше приведен на аеродромот во Мелбурн.

ВО ЖИВО: Прес-конференција на Христијан Мицкоски

Катерина Бојаџиева — Sun, 31 Oct 2021 20:06:14 +0000

Денеска во 21:50 часот, во просториите на Центар за комуникации на ВМРО-ДПМНЕ, ќе се одржи прес конференција за медиуми. На истата ќе се обрати Христијан Мицкоски, претседател на ВМРО-ДПМНЕ.

Поранешен пожарникар упадна на прес конференцијата на Николов- јавно побара одговор од градоначалникот откако неколку пати бил игнориран

Магдалена Андонова — Thu, 20 May 2021 12:12:07 +0000

По повод стогодишнината на Противпожарниот дом, штипскиот градоначалник денеска имаше прес конференција, но кога тој започна упадна во кадарот на камерите поранешен пожарникар, Александар Ѓеорѓиевски. Тој јавно побара одговор од Сашко Николов. Ѓеорѓиевски побара Николов да му одговори на неговите барања пред камерите бидејќи како што вели тој претходно градоначалникот 2 пати ги игнорирал неговите писма. Барањата на поранешниот пожарникар биле да се врати на работното место во Противпоижарниот дом, со ветување дека платата ќе ја донира во хуманитарни цели. Ѓеорѓиевски побара и одговори дали локалната власт знае во каква состојба е Противпожарниот дом и кога пожарникарите ќе добијат нова опрема. - Две писма имате пуштено, јас ги знам и двете, меѓутоа не е игнорирање, туку е по приоритет. Јас не можам да одговарам на секој што ќе му текне во моментот да добие одговор. Ние ги делиме по приоритет барањата и така одговараме, му одговори градоначалникот. Штипскиот градоначалник најави и дека наскоро ќе пристигне и новото противпожарно возило,а хуманираната работа на Ѓеорѓивски ќе биде вклопена во Солидарниот фонд. Неколку минутната дебата заврши со ракување.

„Единствениот кандидат на изборите во СДСМ држи прес конференција за време на полициски час, законот важи само за народот“

Магдалена Андонова — Sun, 21 Mar 2021 21:33:19 +0000

Единствениот кандидат и победник на изборите во СДСМ држи пресконференција за време на полициски час, стои во Фејсбук статусот на Ивор Мицковски.44 - По којзнае кој пат покажавте дека правилата и законот важат само за народот, пишува тој.

Јорданов до Заев: Кој ви дал право да преговарате во името на народот за македонскиот идентитет?

Магдалена Андонова — Sat, 05 Dec 2020 14:25:45 +0000

Зоран Заев денеска имаше прес конференција во градот Штип. На таа прес конференција се појави пратеникот од редовиоте на ВМРО-ДПМНЕ од Штип, Иван Јорданов кој што храбро упати прашања директно до премиерот Заев, кои што до сега, никој не се осудил да му ги постави а народот тие ги мисли. Иако неговиот микрофон го исклучија пред да ги постави прашањата, и имаше разни недолични довикувања од страна, сепак тоа не го спречи, и јавно пред сите говореше. Во продолжение може да го погледнете видеото од денешниот настан и да го слушнете говорот и прашањата на Иван Јорданов поставени до Зоран Заев.

СЛЕДЕТЕ ВО ЖИВО: Прес конференција на ВМРО-ДПМНЕ

Магдалена Андонова — Wed, 04 Nov 2020 21:09:36 +0000

Пред палатата Христо Татарчев по завршувањето на ИК на ВМРО-ДПМНЕ ќе биде дадена изјава за медиуми. Следете ја во живо.

Трамп одржа прес конференција по повод Денот на трудот во САД

Магдалена Андонова — Mon, 07 Sep 2020 19:45:07 +0000

Во САД денеска е празник, Денот на трудот, и по овој повод претседателот Доналд Трамп одржа брифинг за новинарите во Белата куќа. Акцентот во неговото воведно обраќање беше ставен на економските успеси на неговата Администрација кои „не можеле да бидат постигнати без работниците“. Тој им се заблагодари на сите работници во САД и ги истакна подобрувањата на пазарот на трудот. Трамп ги истакна успесите во борбата со пандемијата на Ковид-19, истакнувајќи дека вакцина против новиот коронавирус ќе биде создадена за рекордно време. Тој укажа и на успесите во дерегулација на економијата со намалување на административните пречки во водењето бизнис. Со оглед на економските односи меѓу САД и Кина, американскиот претседател уште еднаш ги искритикува политиките на претходните администрации во однос на ова. Под критика падна и претседателскиот кандидат од Демократската партија, Џо Бајден. Брифингот Трамп го најави изутринава на Твитер. -Организирам денеска прес конференција по повод Денот на трудот, напиша тој. -Бројот на работните места и обновата на економската активност изгледаат одлично, додаде тој. Денот на трудот во САД се слави од 28 јуни 1894 година кога Конгресот го изгласал за федерален празник и неработен ден. Посветен е на американските работници а поврзано со историјата на рабтничките движења во САД.

Мицкоски вечерва со прес-конференција

Катерина Бојаџиева — Tue, 10 Mar 2020 19:37:19 +0000

Во просториите на Центар за комуникации на ВМРО-ДПМНЕ, во Палата др. Христо Татарчев, вечерва во 21 часот ќе се одржи прес-конференција за медиуми. На истата ќе се обрати Христијан Мицкоски, претседател на ВМРО-ДПМНЕ. Се очекува Мицкоски официјално да ги соопшти носителите на кандидатските листи.

ВО ЖИВО: Прес-конференција на Игор Јaнушев

Тале Кристо — Sun, 02 Feb 2020 12:38:08 +0000

Во просториите на партиското седиште на ВМРО-ДПМНЕ прес-конференција за медиумите ќе одржи генералниот секретар на партијата, Игор Јанушев. Курир истата ќе ја пренесува во живо: