прешевска долина – Kurir.mk

Тачи: Историски момент за обединување на Прешевската Долина со Косово

Предраг Кукиќ — Wed, 10 Oct 2018 07:37:31 +0000

Косовскиот претседател Хашим Тачи смета дека постои реална можност за обединување на Прешевската Долина со Косово, со што, според него, би се реализирало легитимното право на Албанците од таа област во јужна Србија, јави дописникот на МИА од Приштина. Тачи на својот профил на Фејсбук напиша дека во понеделникот и вторникот имал средби со претставници на академскиот свет, бизнисмени, млади, студенти, поранешни борци на Ослободителната војска на Прешево, Медвеѓа и Бујановац (ОВПМБ), на албанската дијаспора, претставници на граѓанското општество и новинари од Прешевската Долина, а главна тема на разговорите било припојувањето на Долината кон Косово. - Обединувањето на Прешево, Медвеѓа и Бујановац беше главна тема на нашите разгвори. Заеднички заклучок беше дека ова е историски момент за заживување на легитимното право на граѓаните на оваа област, во рамките на дијалогот меѓу косовската и српската држава, напиша Тачи. Тој додава дека на конференцијата на Франкофонијата во Ереван во Ерменија ќе зборува за можноста за корекција на границата, со можност за обединување на Прешевската Долина со Косово. На заложбите на Тачи се спротивставуваат речиси сите политички субјекти во Косово, како и јавноста, а премиерот Рамуш Харадинај во понеделникот изјави дека „идејата за корекција на границите е мртва“. Тачи реагираше со предупредување до Харадинај дека „ако не се корегира во ставовите и изјавите, може да биде сменет“. (МИА)

Претставници на Албанците од три српски општини побараа обединување со Косово

Предраг Кукиќ — Mon, 10 Sep 2018 15:36:03 +0000

Претставници на етничките Албанци кои живеат во јужните српски општини Прешево, Бујановац и Медвеѓа денеска упатија повик за обединување со Косово. Градоначалникот на општина Прешево Шќиприп Арифи тоа барање го изнесе на средба со косовскиот претседател Хашим Тачи, кој неодамна, заедно со српскиот претседател Александар Вучиќ, го отвори прашањето за менување на границите меѓу Србија и Косово. - Одобрете ја нашата резолуција со која го поддржувате обединувањето на Прешево, Медвеѓа и Бујановац, порача Арифи до косовското Собрание. Мнозинството пратеници и премиерот Рамуш Харадинај се против овој предлог, бидејќи тоа би подразбирало косовските општини со мнозинско етнички српско население да се спојат со Србија. (МИА)

Политичките лидери од Прешевската Долина на консултации во Тирана

Предраг Кукиќ — Thu, 23 Aug 2018 13:47:15 +0000

Претседателот на Демократската партија на Албанците, Рагми Мустафа и негови колеги од другите политички партии на Албанците од јужниот дел на Србија (Прешевската Долина) денеска престојуваат во Тирана. Тие ќе разговараат со премиерот Еди Рама и со министерот за надворешни работи, Димитир Бушати, за актуелната резолуција за прашањето за Косово. Најавено е дека лидерите на политичките партии на Албанците во Србија ќе разговараат со Рама за улогата на албанскиот политички фактор во Прешевската Долина во врска со тековната полемика за корекции на границата. Претседателот на Косово, Хашим Тачи, бара корекција на границата со Србија, додека премиерот Рамуш Харадинај се спротиставува на тоа и наведе дека Тачи не е овластен да преговара за тоа. Албанските политички лидери,шефот на државата и Министертвото за надворешни работи идејата за корекција на границите и размена на територии ја сметаат за опасна по мирот и стабилноста во регионот. (МИА)

Кабинетот на Тачи тврди дека во септември во Брисел ќе се разговара за Прешевската Долина

Матеја Петровски — Thu, 23 Aug 2018 09:34:29 +0000

Извори од кабинетот на косовскиот претседател Хашим Тачи тврдат дека на наредната средба со српската страна во Брисел, што треба да се одржи во септември, ќе се разговара за барањето на Албанците од Прешевската Долина за обединување со Косово, јави дописникот на МИА од Приштина. Истите извори за весникот „Зери“ изјавија дека Тачи нема намера да се откаже од барањето за „корекција на границата“, кое интензивно го промовира последните неколку недели, а на што се спротивставуваат сите релевантни домашни и меѓународни фактори. Претставници на опозицијата изјави за весникот дека Тачи, со неговото инсистирање за промена на границите, влегува во „опасна авантура“. Според нив, опцијата за корекција на границите, која ја промовира косовскиот претседател, а индиректно се поддржува и од високи инстанци во Белград, каде се заговара размена на дел од срспската територија со северно Косово, ја ослабува преговарачката позиција на Приштина и нанесува големи штети на државноста која се градеше во изминатата деценија. (Миа)