преспанско јаболко – Kurir.mk

Преспанското јаболко доби заштитена географска ознака со која се потврдува неговата автентичност

Ивана Ефремовски — Fri, 17 Mar 2023 13:10:32 +0000

Министерот за земјоделство, шумарство и водостопанство Љупчо Николовски потпиша 17 решенија на прозиводители на праспанско јаболко, кои успешно ја поминаа верификацијата и ќе можат непречено да го користат заштитениот географски назив „Преспанско јаболко“. -Со заштитата на „Преспанско јаболко“, географскиот назив се заштитува од имитација, злоупотреба и лажно декларирирање. Всушност се заштитува угледот и автентичоста на овој произод. Потрошувачите кои ќе видат производ јаболко што ја носи оваа ознака, можт да бидат сигурни дека ќе конзумираат автенитечен производ од Преспанскиот регон со загарантиран квалитет, наведува МЗШВ. Врз основа на член 148 став 1 од Законот за квалитетот на земјоделските производи, Земјоделската задруга ЗЗ Преспанка – преспанско јаболче од Ресен, кон крајот на 2021 година поднесе барање за регистрација на географска ознака до Министерство за земјоделство шумарство и водостопанство. За таа цел се формираше Стручна комисија за спроведување постапка за регистрирање на заштитена географска ознака – Преспанско јаболко. -Стручната комисија во целост ја запази постапката за регистрација при што донесе две одлуки: дека барањето, ревидираниот елаборат и пропратната документација за регистрирање на заштитена географска ознака – Преспанско јаболко се основани и дека предлог контролниот план изработен од страна на Државниот инспекторат за земјоделство за верификација на соодветноста на производот со елаборатот е основан. Врз основа на горенаведените одлуки, министерот за земјоделство донесе одлука за одобрување на контролниот план, како и Решение за регистрација на заштитена географска ознака – Преспанско јаболко, информира МЗШВ. Државниот инспекторат за земјоделство, согласно одобрениот контролен план, изврши верификација на соодветност на лице место на површините со јаболка кај секој поединечен член на земјоделската задруга ЗЗ Преспанка – Преспанско јаболче од Ресен и достави Извештај за завршена верификација врз онсова на кој министерот потпиша 17 решенија на прозиводители на праспанско јаболко, кои во иднина ќе можат непречено да го користат заштитениот географски назив. -Ова е голем успех. Министерството останува отворено за поддршка на сите кои сакаат да го заштитат својот производ со некоја од ознаките за квалитет: заштитена географска ознака, ознака за потекло и загарантиран традицонален специјалитет, истакнува МЗШВ. (МИА)

Бавен откупот на преспанското јаболко, производителите бараат продолжување на субвенциите

Катерина Бојаџиева — Wed, 15 Dec 2021 11:26:18 +0000

Откупот на преспанското јаболко тече многу бавно, јаболко производителите бараат владината мерка од три денари по килограм продадено индустриско јаболко, да продолжи до 30 јуни идната година. Претседателот на Здружението на овоштари Љубен Пампулевски во изјава за МИА посочи дека околу 40 проценти од индустриските јаболка останале недособрани, а голем дел од собраните стоеле поради немање откуп. Откупната цена е два денари по килограм и три денари субвенции од државата, која важи за продадени индустриски јаболка до денеска. -Целиот откуп беше тргни застани. Одеше многу бавно, со огромни застои. Сè уште има индустриски јаболка собрани во вреќи натоварени во приколки и чекаат да бидат предадени. Нема капацитети да ги примаат и преработат за краток временски период, бидејќи се работи за големи количини. Добар дел од овоштарите не успеаја да го дособерат и продадат индустриското јаболко, вели Пампулевски. Доколку не дојде до продолжување на рокот за државните субвенции јаболкопроизводителите стравуваат за намалување на и онака ниската откупна цена на трпезното јаболко, кое се продава за осум до 10 денари за сортата ајдарет и 10 до 12 денари за црвен и златен делишес и муцот, по килограм за екстра класа. -Актуелната цена не ги исполнува очекувањата кај овоштарите, не ги покрива ниту основните трошоци. Сведоци бевме на временски неприлики, кои ја зафатија Преспа, што придонесе и поголем дел од производството за заврши како индустриско. А немањето откуп на трпезното јаболко дополнително ќе ја зголеми количината на индустриско во март и април, смета Пампулевски. Освен на домашниот пазар преспанското јаболко во минимални количини го има во Украјна, Србија и Бугарија, а не се исполнија најавите за пласман во Египет. -Интересот за откуп и на трпезното јаболко е минимален. Од собрани 65 до 70.000 тони трпезно јаболко досега продадени се максимум 10 до 15.000 тони, а остануваат околу 50.000 тони, од кои добар дел ќе завршат како индустриско, стравува Пампулевски. Овоштарите очекуваат што побрзо изнаоѓање решение на проблемот, а денеска треба да имаат средба на која ќе донесат заклучоци за натамошно делување. Продолжувањето на рокот на мерката од три денари по килограм субвенции сметаат дека ќе ја задржи актуелната цена, во спротивно очекуваат нејзино намалување. Вакво барање имаа во 2018 година, кое беше прифатено до Владата.

Традиционално на Крстовден почнува бербата на преспанското јаболко

Ивона Петрова — Mon, 27 Sep 2021 06:08:21 +0000

Со симболично откинување на првото јаболко, во рамките на манифестацијата „Преспански јаболкобер“ денеска во Ресен почнува бербата на преспанското јаболко. Симболично, првото јаболко ќе биде откинато во овоштарникот на „Свислион“ во Ресен. На манифестација „Преспански јабоклобер“, која почна во саботата со фудбалски турнир на јуниорски групи, ќе бидат доделени и општинските награди за најдобри земјоделци. Потоа следува презентација на земјоделска механизација и производи, а ќе биде промовирана и традиционална Преспанска храна и рачни изработки.