Преспанското Езеро – Kurir.mk

Зголемен водостојот на Дојранското и на Преспанското Езеро

Ивана Ефремовски — Tue, 04 Apr 2023 09:41:28 +0000

За два сантиметра е зголемен водостојот на Дојранското, а за еден на Преспанското Езеро, додека нивото на Охридското Езеро е исто како вчера, покажуваат резултатите од последните мерења направени од Управата за хидрометеоролошки работи (УХМР). Со тоа, водостојот на Дојранското Езеро е за 1,91 метар повисок од просекот за април, а нивоата на останатите две природни езера се пониски од просечните и тоа за 2,02 метра кај Преспанското и за 29 сантиметри кај Охридското Езеро. Водостоите на реките во земјава, пак, најчесто се блиски до повеќегодишниот просек за овој период од годината и бележат благо зголемување во споредба со вчера. Најголемо зголемување на нивото во споредба со вчерашното од 7,5 пати има реката Брегалница на мерното место кај Берово. И покрај тоа водостојот на ова мерно место и е за седум сантиметри понизок од просечниот за април. (МИА)

Се намалуваат водостоите на реките, зголемено нивото на Преспанското Езеро

Ивана Ефремовски — Thu, 05 May 2022 08:52:19 +0000

Водостоите на реките во земјава најчесто се малку пониски или малку повисоки од просечните за овој период од годината, но бележат благо намалување во споредба со вчера, покажуваат резултатите од последните мерења направени од Управата за хидрометеоролошки работи (УХМР). Исклучок се реките Вардар, на мерното место кај Скопје, и Брегалница кај Штип, каде има зголемување на нивото за три, односно за еден сантиметар во споредба со вчера. Зголемување на водостојот за еден сантиметар во однос на вчера има и Преспанското Езеро, но и понатаму нивото му е за 1,79 метри пониско од просекот за мај и е на 22 сантиметри над апсолутниот минимум од 842,25 (мнм). Понизок од просечниот и тоа за пет сантиметри е и водостојот на Охридското Езеро, додека нивото на Дојранското Езеро е за 2,71 метар повисоко од повеќегодишниот просек за овој период од годината. (МИА)