претепан маж – Kurir.mk

ТРАГЕДИЈА ВО МАКЕДОНИЈА: Маж претепан до смрт, познат неговиот идентитет

Ивана Ефремовски — Mon, 21 Mar 2022 16:07:18 +0000

На 20.03.2022, полициски службеници од ОВР Прилеп ги лишиле од слобода А.Ѓ.(29) и Д.Ѓ.(67) од с.Десово, општина Долнени. Тие се сомничат дека на 19.03.2022 во с.Десово физички го нападнале Р.Л.(48) од Кичево и му нанеле тешки телесни повреди од кои подоцна починал. Р.Л. бил пронајден починат на 20.03.2022 во куќа во селото во која привремено живеел. Смрт со повреди на главата и телото констатирал лекар од Итна медицинска помош Прилеп, а увид извршиле увидна екипа на ОВР Прилеп и Јавен обвинител. По целосно документирање на случајот против нив ќе биде поднесена соодветна кривична пријава.

Маж претепан во Чаир

Предраг Кукиќ — Sat, 30 Mar 2019 15:16:26 +0000

Маж бил претепан од три лица во Чаир. Вчера во 12:30 часот во Полициската станица Чаир, 31-годишниот А.У. од Скопје пријавил дека истиот ден околу 11:40 часот во авто сервис на ул.„Македонска Косовска Бригада” бил физички нападнат од две лица и сопственикот на сервисот. Полицијата презема мерки за расчистување на случајот.

Пијан скопјанец нападнат кај ТЦ „Бисер“: Прво го трезнеле, па го лекувале

Ивона Петрова — Sat, 20 Jan 2018 11:26:09 +0000

Педесет и четиригодишен скопјанец вчера во полициска станица пријавил дека го претепале тројца непознати мажи, на возраст од 20 до 25 години, во близина на трговскиот Бисер. Повредениот веднаш бил однесен во болница, но прво бил транспортиран на Клиниката за токсикологија, за да отрезнат бидејќи бил пијан, а потоа во Ургентниот центар каде што било констатирано дека му е скршен носот. -С.С.(54) пријавил дека вчера околу 19.30 часот додека се движел по бул.“Јане Сандански“ кај Трговскиот центар “Бисер“ пред угостителски објект физички бил нападнат. Лицата го нападнале удирајќи го со раце во пределот на лицето, при што му биле нанесени видливи повреди. С.С. со возило на Итна медицинска помош бил пренесен во Комплексот Клиники “Мајка Тереза“, но бидејќи бил под дејство на алкохол, прво бил однесен на клиниката за токсикологија, каде му била укажана лекарска помош, а потоа бил однесен во Ургентниот центар, каде по извршениот преглед и ренгенска снимка била констатирана тешка телесна повреда (фрактура на нос), информираат од МВР.