претепан – Kurir.mk

НОВ ИНЦИДЕНТ ВО КОСОВО: Група Албанци претепале Србин, 18-годишно момче кое се враќало од божиќна литургија во Клокот

Ристе Здравков — Sat, 07 Jan 2023 12:44:22 +0000

Канцеларијата за Косово и Метохија соопшти дека синоќа група Албанци претепале 18-годишно момче од Клокот, педесетина километри јужно од Приштина. Во соопштението се наведува дека момчето било претепано додека со својот брат се враќале од полноќната божиќна литургија од црквата Свети Петар и Павле во Клокот. Претепаното момче се здоби со повреди на окото, раката, стомакот и нозете, а лекарска помош побарал во здравствена установа во Витина. Канцеларијата за Косово и Метохија оцени дека и овој напад ја покажува антисрпската хистерија што владее во Косово и колку Србите се загрозени, особено јужно од Ибар. Инцидентот се случи откако вчера беа повредени две момчиња на 11 и 21 година од огнено оружје. Во нив беше пукано од возило во движење во близина на Штрпце. Косовската полиција синоќа соопшти дека е уапсен 33-годишен напаѓач, кој бил припадник на косовските безбедносни сили.

Војникот кој го претепа Дедо Мраз оди во затвор – Мајката на суд: Не кажувај ништо

Ристе Здравков — Mon, 26 Dec 2022 13:50:53 +0000

Во девет часот утринава во општинското државно правобранителство во Славонски Брод на распит бил донесен 24-годишен млад човек, инаку активно воено лице, кој на Бадник удрил млад човек облечен како Дедо Мраз, нанесувајќи му сериозни повреди. Прегледот траеше половина час. Судијата му одреди едномесечен истражен затвор. Поради опасност од повторување на делото, напаѓачот следните неколку недели ќе ги помине во Пожега. Тој само и рекол на мајка си која го чекала пред судот дека полицајците кои го придружуваат веднаш ќе го однесат таму, пишува ПлусПортал. „Тој е осомничен за кривично дело нанесување тешка телесна повреда за што е пропишана казна од шест месеци до пет години. Овој предмет е во надлежност на Општинскиот суд во Славонски Брод“, изјави портпаролот на Жупанискиот суд. Славен Видмар. Се чека решение за притвор Напаѓачот малку пред пладне повторно бил изведен во Жупанискиот суд. Осомничениот пред зградата на судот го пречекала неговата мајка, која побарала од придружните полицајци да и дозволат „барем да го бакне“, пренесува Плус портал. Кога влегла во Судот, таа му предложила да не кажува ништо. „Слушна ли Матеј, не кажувај ништо“, му рече таа.

ЈАДЕЛ ПИЕЛ И НЕ САКАЛ ДА ПЛАТИ ПА ЗАВРШИЛ СО СКРШЕНА РАКА И РЕБРО: Во ресторан на плажа претепан син на бизнисмен!

Тале Кристо — Thu, 04 Aug 2022 10:42:47 +0000

Во ресторан во Пула претепан е гостин кој наводно не сакал да си ја плати сметката. Според пишувањата на локалните медиуми, персоналот на ресторанот го претепале 26-годишниот гостин бидејќи откако ручал не ја платил сметката. -Син ми седна во ресторан, и додека ме чекал , јадел пица и пиел пиво. Бидејќи поради работни обврски задоцнив да му донесам пари да плати и да си оди дома. Меѓутоа, штом стигнав на паркингот тој беше на другата страна од патот, видов како целиот персонал од ресторанот го удира додека лежи на земја. Мислеле дека ќе избега и викаа по него. Сега е со скршена рака и едно ребро. Дири и да имало некаков проблем, било какво недоразбирање, не е нормално да претепате човек за пица, вели таткото на нападнатото момче, сопственик на неколку кафулиња во Пула. Медиумите побарале одговори и во ресторанот во кој што се случил инцидентот. -Ќе проверам за што станува збор, но не верувам дека моите вработени некого би претепале. Се случувало некој да нема пари или тврдоглаво да плати, но никој никогаш не бил нападнат. Ние ја негуваме репутацијата на нашиот бар и навистина тоа што ме прашувате ми е за неверување, рекол сопственикот на ресторанот. Од полицијата го потврдија настанот и работи на околностите како дошло до овој немил настан. -Полицијата го испитува настанот со повредата на 26-годишното момче кое на 31 јули околу 23.20 часот пријавило дека на Форуот во Пула бил нападнат од повеќе лица затоа што не платил за оброкот кој го конзумирал во ресторанот. Во инцидентот тешко повредено е момчето, а полицијата продолжува да испитува под кои околности настанал овој настан, велат од полицијата.

Претепан менаџер на угостителски објект во Центар

Тале Кристо — Sun, 21 Nov 2021 18:47:51 +0000

На 21.11.2021 во 04.00 часот Н.Г.(37) од Скопје пријавил дека на 20.11.2021 околу 23.00 часот во угостителски објект на подрачјето на Центар, додека бил на своето работно место како менаџер, по претходно недоразбирање, бил физички нападнат со остар предмет од страна на И.К.(34) од Скопје. Според пријавеното, причина за недоразбирањето било оштетеното возило на И.К. пред објектот. Како што пријавил Н.Г., потоа на барање на И.К. тој отишол да го викне менаџерот од соседниот угостителски објект. Во врска со случајот, И.К. пријавил дека околу 22.45 часот во близина на угостителските објекти бил физички нападнат од четири лица кои му го оштетиле и патничкото возило „фолксваген пасат“. Се работи на расчистување на случајот.

НАСТРАДА ЛОШО: Фотографии од претепаниот телохранител на „кралот“на Инстаграм – „Никогаш не сум изел таков ќотек“

Тале Кристо — Mon, 28 Jun 2021 14:00:45 +0000

Пред четири дена на фамозниот грчки остров Миконос претепан беше Никос Аравантинос, личен телохранител на „кралот на Инстаграмот“, Дан Билзериан крвнички беше претепан од една група од 15 француско-алжирски туристи на грчкиот остров Миконос. Тој беше нападнат од една поголема група на француско-алжирски туристи кои биле под големо дејство на алкохол, притоа нанесувајќи му тешки телесни повреди. После операцијата, Никос Аравантинос за грчките медиуми откри како дошло до немилиот настан. Првично тој рекол дека успеал да фати еден од групата, а потоа му се нафрлиле сите удирајќи го со камења, столици и шишиња. - Никогаш не сум изел таков ќотек, рече за грчките медиуми Аравантинос и додал „Тие ме нападнаа од зад грб, удирајќи ме по главата, имам среќа што се уште сум жив“, рекол тој. Инцидентот се случил во близина на една позната плажа на Миконос. Тој бнаводно бил повикан од луѓе од еден хотел во близина кога една група од 15 француско-алжирски туристи под големо дејство на алкохол правеле проблеми во истиот. Никос Аравантинос се обидел да ги смири туристите, но ситуацијата излезе од контрола и со насилство.

На грчкиот остров Миконос крвнички претепан телохранителот на „кралот на Инстаграм“

Тале Кристо — Sun, 27 Jun 2021 21:05:53 +0000

Никос Аравантинос, личен телохранител на „кралот на Инстаграмот“, Дан Билзериан крвнички беше претепан од една група од 15 француско-алжирски туристи на грчкиот остров Миконос. Инцидентот се случил во близина на една позната плажа на МИконос. Тој бнаводно бил повикан од луѓе од еден хотел во близина кога една група од 15 француско-алжирски туристи под големо дејство на алкохол правеле проблеми во истиот. Тој се обидел да ја смири ситуацијата, но истите физички го нападнале, притоа удирајќи го со се што ќе се најде пред нив. Од шишиња со алкохол, чаши, столици, тупаници и клоци по целото тело. Поради жестоките напади, целиот облиен во крв паднал и се онесвестил. Била повикана полиција, двајца од туристите биле уапсени, а по останатите се трага. Аравантинос со амбулантно возило бил префрлен во болница, но поради сериозноста на нанесените повреди, со хеликоптер бил префрлен во Атина.

Го претепале на паркинг на Џон Кенеди во Чаир

Ристе Здравков — Wed, 02 Sep 2020 17:05:02 +0000

На 01.09.2020 во 21.11 часот во СВР Скопје, И.Ш.(28) од с.Копаница, скопско, пријавил дека на 31.08.2020 околу 13.40 часот на паркинг позади угостителски објект на ул.„Џон Кенеди“, по претходно недоразбирање, бил физички нападнат од Г.А.. Се преземаат мерки за расчистување на случајот.

Расте напнатоста во Црна Гора – Полицијата го претепала градоначалникот на Будва (ВИДЕО)

Тале Кристо — Wed, 17 Jun 2020 16:04:09 +0000

Припадници на црногорските специјални полициски сили брутално го претепале и уапсиле градоначалникот на Будва, Марко Царевиќ утрово. Царевиќ и претседателот на Собранието на Општина Будва биле уапсени пред зградата на Општината, а полицијата ги привела и менаџерот на Општината и останатите водечки функционери. Како што се слуша на видеата објавени на социјалните мрежи, Царевиќ бил брутално претепан, а на снимката се гледа дека полицијата применува сила и кон другите функционери на општината. Во Будва во моментов е хаос пред Општината, а на зградата ѝ се искршени и стаклата. Насобраните граѓани извикуваат: „Усташи, усташи“ и „Мафија, мафија“. Инаку, полицијата синоќа се откажала од асистенција во управната инспекција во поставувањето на нови власти во Будва, со што пропадна планот на ДПС да се смени легитимната власт на Будва.

Претепан 77 годишен старец, напаѓачите му одзеле 700 денари и облека

Ивана Ефремовски — Sun, 09 Dec 2018 15:26:15 +0000

Седумдесет и седумгодишен прилепчанец вчера физички бил нападнат од три лица во својот дом. Напаѓачите му одзеле 700 денари и облека. Министерството за внатрешни работи информира дека вчера во 14 часот било пријавено дека во Прилеп, на улицата „Белградска“ во домот на И.Т. (77), дошле три лица и физички го нападнале, а потоа му одзеле 700 денари и облека. Се преземаат мерки за целосно расчистување на случајот.

Скопјанец претепан во кафеана

Ристе Здравков — Sun, 16 Sep 2018 12:22:18 +0000

На 16.09.2018 година во 2:15 часот во Полициската станица Бит Пазар, И.С.(43) од Скопје пријавил дека на 15.09.2018 година околу 22.30 часот во ресторан на улица „Филип Втори Македонски“физички бил нападнат од непознато лице, при што се здобил со тешки телесни повреди на главата. Со приватно возило тој отишол во комплексот клиники „Мајка Тереза“ каде му била укажана лекарска помош. Се преземаат мерки за расчистување на случајот.