Млада скопјанка претепана од поранешното момче

Катерина Бојаџиева — Thu, 03 Aug 2023 14:58:26 +0000

На 02.08.2023 во 22.20 часот во СВР Скопје, 23.годишна девојка пријавила дека околу 21.40 часот била физички нападната од нејзиното поранешно момче А.А.(37) од Скопје. По целосно документирање на случајот ќе следува соодветен поднесок.

Во Стразбур претепале девојка на улица бидејќи носела здолниште

Дарко Андоновски — Thu, 24 Sep 2020 14:34:51 +0000

Полицијата во францускиот град Стразбур почна истрага по пријавата од девојка дека среде ден била нападната на улица од тројца мажи затоа што носела здолниште. Според Би-Би-Си, 22-годишната студентка, откако мажите и приговориле дека носи здолниште, од едниот добила удар во лицето, а друг ја навредувал. Таа навела дека, додека ја држеле двајца мажи, третиот ја удрил со тупаница по лицето, а потоа сите тројца побегнале, како и дека инцидентот се случил пред повеќе од десетина луѓе, но дека никој не реагирал. Француски весник исто така објави дека две жени биле нападнати вчера во градот Мулхаус затоа што едната од нив била опомената за носење на „прекратко здолниште“.

Двајцата насилници ја признаа вината за навредите и тепањето на 21 годишната штипјанка

Дарко Андоновски — Tue, 28 Apr 2020 12:25:22 +0000

Двете момчиња кои навредуваа и тепаа 21 годишна девојка во влез на станбена зграда, а насилството го снимале на мобилниот телефон денеска пред судот изразиле каење и вина за стореното дело. Нивниот бранител, Валентин Зафиров по денешното судско рочиште во штипскиот Основен суд истакна дека имале фер судење, а очекува и фер пресуда. Неговите клиенти се спремни и да ја обештетат оштетената, а ветиле и во иднина да не прават вакви или слични кривични дела. -Се случило во момент на неразбирање. Свесни се за последиците. Тоа е тоа, праќаат јасна порака дека во иднина ниту тие ќе прават такво нешто, ниту би посакале било кој друг да го прави тоа, вели Зафиров. Тој се надева дека притисокот од јавноста за овој случај нема да влијае, а судијата одлуката ќе ја донесе во рамките на она што се случувало во судницата. Бранителката пак на жртвата, Билјана Андонова по денешното судско рочиште рече дека очекувано било обвинетите да признаат вина, а во вакви услови согласно Кризвичниот законик не се изведуваат докази. Најави дека на 30 април е веќе и закажано рочиште за објавување на пресудата. Очекува строга казна без оглед на тоа што обвинетите ја признале вината. -Согласно Конвенцијата на Советот на Европа или многу добрата позната на јавност истата Истанбулска конвенција се предвидени отежнителни околности во вакви случаи, посебно ако се има во предвид дека цела јавност беше вклучена во овој спор и се вклучи во одбрана на жртвата. Станува збор за жена, односно девојка, така да очекуваме висока казна, без оглед на олеснителната околност што обвинетите признаа вина, вели Андонова. Прашана во каква состојба е девојката, истакна дека не сака дополнително да ја виктамизира жртвата, но е во лоша состојба, а од страна на НВО „ЕХО“ од Штип и е дадена целосната поддршка. Настанов се случил во месец јануари, но видео снимката беше објавена на социјалните мрежи на 2 април, по што полицијата веднаш ги лоцираше момчињата, а судот во два наврати на барање на обвинителот им определи мерка притвор. Судијата пресудата за сторителите на кривичното дело „насилство“ ќе ја објави во четврток, а казната затвор за ваквите дела се движи од шест месеци до пет години.

претепана девојка – Kurir.mk

Млада скопјанка претепана од поранешното момче

Во Стразбур претепале девојка на улица бидејќи носела здолниште

Двајцата насилници ја признаа вината за навредите и тепањето на 21 годишната штипјанка