претепано – Kurir.mk

Мајката и бебето кои беа претепани со шипка од пијаниот татко се добри, соседите сведочат дека ова не му е прв пат

Ристе Здравков — Sun, 19 Dec 2021 08:52:32 +0000

Мајката и новороденчето кои вчера беа претепани со метална шипка од пијан татко во Меѓумурје, денеска се стабилни. Раните на детето се санирани и е во добра состојба, јавува ХРТ. Тоа ќе помине неколку дена под опсервација на педијатрија бидејќи се работи за бебе старо 20 дена кое се здобило со повреда на главата со железна шипка. Мажот е уапсен и во тек е кривична истрага. Дежурниот педијатар Дејан Балажина потврди дека детето има повреди на главата и бутот и е во болница поради можни компликации. Жителите на Пишкоровац сведочат дека мажот бил склон кон алкохол и семејно насилство. Прашање е дали семејството било под надзор на Центарот за социјални работи. Одговорот на Центарот се уште се чека.

Претепано лице од Велешта од свои соселани

Тале Кристо — Fri, 23 Oct 2020 10:32:21 +0000

Четириесет годишен жител од струшко Велешта синоќа бил нападнат и тешко повреден од лица од истото село. Портпаролот на СВР Охрид Стефан Димоски денеска информира дека И.И. (40) бил хоспитализиран во Општата болница во Струга, со тешки повреди на главата. – По преземени мерки, полициските службеници констатирале дека И.И., на авто-плац кај селото Долна Белица, бил физички нападнат од Г.О. и А.О. од селото Велешта. Против напаѓачите, ОВР Струга ќе поднесе соодветна пријава, изјави Димоски.

Двајцата насилници кои претепаа девојка во Штип пуштени на слобода

Ристе Здравков — Mon, 06 Jul 2020 16:06:49 +0000

На двајцата насилници, кои во јануари брутално претепаа 22 годишна девојка и притоа го снимаа монструозниот чин, им заврши притворот и се отпуштени од кумановскиот затвор. Иако Штипска апелација ја потврди пресудата на Основниот суд и затворската казна од по две и пол години е правосилна, осудените Стефан и Пепи на слобода ќе останат уште два месеци, пренесе Алфа. За издржување казна затвор треба да се јават после први септември, бидејќи со владина Уредба поради корона кризата е пролонгирано издржувањето на затворски казни до три години, освен за предметите за кои постои опасност од застарување, информираат од Судот за извршување на санкции во Штип. Мерката притвор определена против двајцата обвинети е продолжена до правосилноста на пресудата, но најдолго шеесет дена од изрекувањето на пресудата на истата како максимален период согласно законот, поради што осудените се отпуштени од Затвор Куманово на 30 јуни, информираат од Судот за извршување на санкции во Штип. Одбраната на девојката меѓутоа тврди дека постои реална опасност насилниците да и се закануваат и да ги прекршат изречените правосилни времени мерки за заштита од насилство, со што ќе сторат уште едно кривично дело.

НБА ѕвезда брутално претепа момче за време на протестите во САД (ВИДЕО)

Ристе Здравков — Mon, 01 Jun 2020 10:29:15 +0000

Џеј Ар Смит кој со Кливленд стана и НБА шампион, претепа учесник на протестите во САД поради убиството на Џордан Флојд. Во САД има големи немири откако полицаец го уби црномурестиот Џордан Флојд, речиси во секој дел на земјата има нереди. Се појави видео во кое славниот кошаркар Џеј Ар Смит брутално тепа момче. Наводно момчето го скршило прозорецот од неговата кола, а тоа го разбеснило кошаркарот кој без милост го шутираше дечкото додека не беше спречен од своите пријатели.

JR Smith caught someone breaking his car window and took care of him pic.twitter.com/yU2zaXmTXU
— NBA Retweet (@RTNBA) May 31, 2020

Момче брутално претепано во Прилеп: Нема полиција да дојде, ќе те затворам во визба (ВИДЕО)

Тале Кристо — Fri, 27 Mar 2020 18:29:51 +0000

Две лица со шутирање по глава и тело тепаат момче кое лежи на под, додека тоа бара да викнат полиција. Видеото беше споделено вчеравечер на социјалната мрежа на „Твитер“, за по неколку коментари и реакции, тоа да биде избришано, пишува А1он.мк. Снимката на „Твитер“ беше споделена околу часот, а според коментарите кои беа оставени, најверојатно станувало збор за кражба, каде што сторителот бил фатен на дело. Повеќе прочитајте на А1он.мк

Претепаното бебе сè уште се бори за живот на скопска клиника!

Ивана Ефремовски — Mon, 09 Jul 2018 09:28:13 +0000

Здравствената состојба на 14 - месечното новороденче кое со повреди по телото пред два дена неговата мајка го донела во Ургентен центар, е релативно стабилна, информираат за МИА од Клиника за анестезија, реанимација и интензивно лекување-КАРИЛ. Од Клиниката посочуваат дека бебето самостојно дише, не е на апарати, но се уште е во животна опасност. Тоа има и скршеници на потколениците. Во меѓувреме продолжува полициската истрага за да се утврди кој го претепал бебето. (МИА)