претепување – Kurir.mk

Професорка од Флорида му одзела Нинтендо на ученик, а тој брутално ја претепал (ВИДЕО)

Ристе Здравков — Sat, 25 Feb 2023 12:39:27 +0000

Во училиште во Флорида дошло до насилство кога ученик физички нападнал професорка откако на час му одзела видео игра Нинтендо. На вознемирувачкото видео се гледа 17-годишно момче како трча кон професорката која се врти кон него пред тој насилно да ја собори на подот. Ученикот, за кој Њујорк пост пишува дека тежи 113 килограми, продолжил да ја удира со нозете веќе онесвестената професорка во средното училиште Матанзас во Палм Коуст. Уште неколку вработени, кои биле сведоци на овој брутален напад, истрчале да го одвојат ученикот од професорката, која веднаш била пренесена во локалната болница. Се очекува таа да се опорави од повредите. „Ученикот тврди дека жртвата го изнервирала кога го земала неговото Нинтендо за време на часовите“, се вели во соопштението на полицијата. Во извештајот за апсење се вели дека полицајците ја нашле професорката облеана во крв и онесвестена на местото на настанот. Разбеснетиот ученик кој живее во колективно сместување и викал на полицијата дека ќе ја „убие“ кога ќе се врати на училиште. Во текот на рочиштето тој повеќепати ја прашувал полицијата кога ќе биде пуштен на слобода, а станал насилен и во станицата кога не добил позитивен одговор. „Постапките на овој ученик се апсолутно ужасни и неприфатливи“, рече шерифот на округот Волузија, Рик Стејли. „Се надеваме дека жртвата брзо ќе закрепне од овој инцидент, и физички и психички“, заклучи тој. Ученикот е предаден на одделението за малолетничка деликвенција,пренесуваат светските медиуми.

Петнаесет години затвор за Македонецот кој до смрт ја претепа поранешната партнерка

Ивана Ефремовски — Wed, 23 Nov 2022 13:35:53 +0000

Основен суд Кавадарци известува дека на ден 22.11.2022 година по одржаната главна и усна расправа, обвинетиот П.Н. од Неготино за кривично дело тешка телесна повреда, а по дадено признание за вина, огласен е за виновен за настанот што се случи на 02.08.2022 година во Неготино. Обвинетиот семејно насилство, во кое оштетената Љ.Г. од здобиените тешки телесни повреди, почина на 06.08.2022 година. Од страна на судечкиот судија му е изречена казна затвор во траење од 15 години, којашто да биде извршена по правосилноста на пресудата, се вели во известувањето од Основен суд Кавадарци. Настанот ја потресе нацијата, кога во август во Неготино 46-годишната Љ.Г. беше крвнички претепана од својот поранешен партнер П.Н. (51), по што со тешки телесни повреди и во кома, по неколку дена почина на скопските клиники. Сега веќе осудениот маж, во минатото бил во врска со Љ.Г.. На втори август годинава, тој дошол во нејзиниот дом и по вербална расправија со неа, започнал да ја удира со боксови во главата и ја турнал во туш кабината. Таа се здобила со тешка телесна повреда и западнала во коматозна состојба. По интервенција во Општа болница – Кавадарци, таа била итно пренесена на лекување во Клиничкиот центар „Мајка Тереза“ во Скопје, информираа тогаш од Обвинителството. Жената почина на шести август. Беше мајка на две полнолетни деца.

Демировски по бруталното претепување во Струмица: Нов геноцид врз Ромите од страна на Зоран Заев и неговото обезбедување

Ивана Ефремовски — Thu, 18 Mar 2021 17:40:59 +0000

„Нов геноцид врз Ромите од страна на Зоран Заев и неговото обезбедување“. Вака денешното брутално претепување на граѓанин во Струмица го опиша Геге Демировски од Народната партија на Ромите. -Да му дојде до увото на премиерот Заев, еден геноцид поминавме како Роми, но сега не’ чека и вториот. Претепаниот Ром што е од село Баница, струмичко, брутално беше нападнат од 10 мажи од обезбедувањето на премиерот, на чело со Сашко. Силата си ја покажуваат само кон ромскиот народ во Македонија, како полицијата, така почнале и од обезбедувањето на Зоран Заев. Јавно апелирам до МВР, за случајот да одговараат тие 10 мажи, што се прават “мажишта“ врз еден Ром, истакна тој. Демировски објави дека претепаниот човек е во мошне критична состојба, па му се обрати лично на премиерот Заев: „Кривична пријава да пуштите до сите 10 мажи. Ова е срамота, ова е брука за Ромите. Си ги упропастил и си ги направил Ромите посиромашни и денес во вашиот град, во центарот на Струмица, вашите бандити на чело со вашето обезбедување Сашко, сакате да ги тепате и уништите Ромите„. Апелираше до сите политичари Роми да дадат оставка од Владата на Зоран Заев. Целото негово обраќање, слушнете го во продолжение

Должел пари, па бил претепан- случајот го пријавил во полиција

Дарко Андоновски — Tue, 07 Jan 2020 14:36:48 +0000

На 06.01.2020 во 17.00 часот во Полициското одделение Чегране, С.Д.(37) од с.Корито, со живеалиште во Гостивар, пријавил дека околу 15.10 часот на локалниот пат од с. Чегране кон с. Корито бил физички нападнат од А.Р. од с. Мала Речица, тетовско, поради претходен долг. Се преземаат мерки за расчистување на случајот, информираат од МВР.

Инцидент синоќа во Скопје: 24 годишен маж претепан од две лица откако направил сообраќајка

Матеја Петровски — Sun, 22 Jul 2018 12:21:23 +0000

Во текот на вчерашниот ден во 22 часот во Секторот за внатрешни работи Скопје Д.Т.(24) пријавил дека истиот ден околу 18,30 часот на улицата „Алија Авдовиќ“ од страна на две непознати лица бил физички нападнат со удари од тупаници по главата и телото. До физичкиот напад дошло, според кажувањето на пријавителот, во моментот додека тој го управувал своето возило, малолетно дете се удрило во десното крило од возилото. По ова тој сопрел, излегол од возилото да му помогне на детето но веднаш бил нападнат од лицата. Се превземаат мерки за целосно расчистување на случајот.

Го пресретнале на улица и претепале: Прилепчанец доживеа вистински хорор поради статус на Фејсбук

Матеја Петровски — Mon, 09 Apr 2018 10:30:23 +0000

Во текот на вчерашниот ден во 01:00 часот во Полициската станица Прилеп, Б.М.(36) пријавил дека на 08.04.2018 година околу 19,00 часот додека се движел пеш по улицата “Лазо Филипоски“ го пресретнало патничко возило „Југо“, во кое бил И.Р. (37) заедно со уште едно лице. Тие излегле од возилото и почнале да му се закануваат на Б.М. во врска со статус на „Фејсбук“ кој тој го напишал за И.Р., по што физички го нападнале. Б.М. успеал да избега и влегол во една од куќите во близина. По него во куќата влегле и двете лица и продолжиле да го удираат, а И.Р. му побарал пари, му го одзел пасошот и му рекол да извади се од џебовите. Сопственичката на куќата рекла дека ќе повика полиција и во тој момент напаѓачите си заминале. Се преземаат мерки за целосно расчистување на случајот.