претпријатија – Kurir.mk

„Продолжува трупањето на партиски војници во општините и претпријатијата, во моментов активни конкурси за 100-тина нови вработувања“

Тале Кристо — Wed, 24 Mar 2021 10:32:57 +0000

Безобразноста на СДСМ во уништувањето на локалните самоуправи нема крај. На речиси 7 месеци пред одржувањето на локалните избори, СДСМ не бираат средства за обид на поткуп на граѓаните и смирување на незадоволството на нивното членство, преку секојдневни огласи за вработување во општините, јавните претпријатија и останатите локални образовни и културни институции, реагираат од Комисијата за локална самоуправа на ВМРО-ДПМНЕ. Толкав е бројот на огласи што едноставно е невозможно да се прати темпото со кое СДСМ ја упропастува функционалноста и финансиската стабилност на општините и локалните институциите. За СДСМ не е доволно што истите се веќе одамна превработени! За СДСМ не е доволно што истите се презадолжени! За СДСМ не е доволно што истите се неефикасни! За СДСМ не е доволно што веќе еднаш им ги покрија загубите со посебен закон, а сакаат да го повторат тој чин со нов закон! За СДСМ не е доволно што нивен кадар предводи општина која има поделено и наплатено 0% данок на имот! Соочени со гневот на народот за нивното мизерно управување со локалната самоуправа изминативе 3,5 години, како и соочени со големото незадоволство на нивното членство, СДСМ изминативе неколку месеци започна акција за масовно полнење на општинските администрации, тие на јавните претпријатија, како и на културните и образовните институции во нивна надлежност со партиски војници. Секој ден „фрчат“ нови огласи за вработувања, каде само во моментов имаме активни огласи за речиси 100 вработувања, а во моментов на големо се менуваат и годишните планови за вработувања со кои се менуваат систематизации и се отвора патот за дополнително оптоварување на општинските буџети. Само последнава недела, во време на економска криза и глобална пандемија, бевме сведоци на планот на Општина Гази Баба да потроши фантастични 14 милиони денари за привремени вработувања, додека Општина Бутел секоја година е лидер во оваа категорија каде во просек се трошат по околу 400.000 евра. Слична е состојбата и во Куманово, каде со измените на годишниот план за вработување во 2021 година на ЈП „Водовод“ – Куманово, предвидени се дополнителни 54 вработувања. Сите овие очајни потези и евтини трикови нема да поминат и граѓаните на претстојните локални избори ќе ја казнат СДСМ за нејзината неспособност и корумпираност, велат од Комисијата за локална самоуправа на ВМРО-ДПМНЕ.

Мицевски: Власта под итно да се повлече од медиумската војна со микро и малите стопанственици и да понуди реална помош и што поголем број лица да ги задржат своите работни места

Тале Кристо — Fri, 10 Apr 2020 09:02:53 +0000

Загрижувачко е немањето слух на институциите, за апелите за помош на стопанственици од разни дејности. За жал властите се фокусирани нивните изјави од типот "Некој што изгубил работа денес, може ќе се вработи после два дена, тоа не е губење на работа" да преовладуваат во медиумскиот етер додека во реалноста илјадници работници се отпуштаат секојдневно. Најгласни се угостителите, кои според последните податоци на ДЗС обезбедуваат плати за над 30.000 лица. Ова е една од дејностите кои Владата ги затвори во средината на март, како една од мерките за намалување на ширењето на коронавирусот. Наспроти очекувањата, дека власта ќе им помогне во исплатата на плати за сите вработени, на работодавачите сега им се поставуваат услови, кои на дневна основа се менуваат со цел да се добие слика, дека газдите се безмилосни и во интерес им е да ги избркаат своите вработени. Власта под итно да се повлече од медиумската војна со микро и малите стопанственици и да понуди реална помош, која ќе има искористеност за што поголем број лица да ги задржат своите работни места. Деновиве властите се фалат со податок за 130тина фирми кои ќе добијат средства (кредит), притоа премолчувајќи го податокот дека во Македонија има 75.914 активни деловни субјекти. Дополнително, "помошта" (која ќе треба да се врати) од 14.500 за исплата на плати власта ветува дека ќе ја исплати во средината на мај, а до тогаш... Се надевам дека во периодот што престои, Нина Ангеловска ќе ја сфати играта на СДСМ во која таа и Крешник Бектеши (министер за економија од ДУИ) се главни антагонисти на стопанствениците, а со цел да не се загрози позитивната слика која се создава за вицепремиерката за економски прашања и "ко-носител" во првата изборна единица. P. S. Мила Царовска уште е вицепремиер за економски прашања?, реагира пратеникот од редовите на ВМРО-ДПМНЕ Никола МИцевски.

Професорот Славески предупредува: Претпријатијата на кои нема да им помогнеме денес, утре веќе ќе ги видиме затвopeни

Тале Кристо — Sun, 05 Apr 2020 15:08:19 +0000

Професорот и член Извршниот комитет на ВМРО-ДПМНЕ, Трајко Славевски упати жестоки критики кон Владата за мерките за помош на претпријатијата кои што се погодени од економската криза како резултат на коронавирусот, потенцирајќи дека истите се недоволни, задоцнети и изоставуваат голем број на претпријатија во државата. Професорот посочи дека оние претпријатија на кои што денес државата нема да им помогне, по завршувањето на кризата ќе ги видиме затворени, а тоа ќе значи дека илјадници македонски граѓани ќе останат без работа. -Мислам дека мерките се прво задоцнети, во неколку наврати ние укажавме на тоа дека се недоречени, необјаснети затоа што граѓаните и фирмите не можеа да се најдат себе си во очекуваната помош. А во економијата психологијата, особено социјалната е многу битна, односно очекувањата. Еве сега го имаме првиот таканаречен сет на мерки. Јас се согласувам со забелешките од повеќе стопански комори, некои од нивги слушнавме и овде, дека се испушта еден критичен месец март. Ние ги имаме првите знаци на опаѓање на економската активност во оделни сектори дури од крајот на февруари, не март. Да не зборуваме за состојбата по 13 март кога со одлука на Влада заради заштита на здравјето на граѓаните и стопирање на ширењето на заразата со новиот коронавирус се затворени цели дејности, угостителството, туризмот, транспорт. Значи месец март не може да се пропушти без никаква поддршка. Очекувањата дека со кредит некако тоа ќе го премостат, особено малите, микро и средни претпријатија се нереални затоа што јас предуредувам на следново, може да се разбудиме после еден месец или два кога ќе се нормализира состојбата, голем број претпријатија десетици од оние кои што сега во моментов нема да им помогнеме, нема да ги видиме да се отворат. Втората поента е дека овие рестриктивни критериуми во однос на висината на платата, во однос на врзувањето за неотпуштање на ниту еден вработен до септември, мислам дека ќе ги одвратат фирмите од оваа помош и тие работодавачи ќе речат тоа е тоа, го гаснеме бизнисот и ги праќаме вработени во заводот за вработување. И трето она што партијата ВМРО-ДПМНЕ го промовираше во јавноста е дека помошта во висина од минималната плата е недоволна, требаше да се оди со поддшрка во висина од 50 проценти од минималната бруто плата што се сведува на 70 до 80 проценти од нето платата, вели Славевски.