претреси – Kurir.mk

Претреси на две локации во Куманово, пронајдени дрога, пиштол и куршуми

Тале Кристо — Mon, 23 Oct 2023 15:39:11 +0000

Полициски службеници од Отсекот за недозволена трговија со дрога и оружје од Одделението за криминалистичка полиција при СВР Куманово и службеници од Одделот за криминалистичка полиција при БЈБ на МВР, Сектор за недозволена трговија со дрога оружје и опасни материи и полициски службеници од Единицата за службени кучиња на МВР денеска извршија претрес на две локации кај М.Д.(29). Како што информираат од Министерството за внатрешни работи (МВР), при претресот во викенд куќа во место викано „Стари лозја“ во Куманово, атар на населба Карпош, била пронајдена марихуана, а при претресот во неговиот дом во Куманово пронајден бил пиштол „Валтер“ кал.7.65мм. и 11 куршуми кал.7.65мм. Лицето не било пронајдено во домот и по него се трага, а за случајот е известено ОЈО Куманово.

Претреси во кочанско, пронајдени оружје и муниција

Катерина Бојаџиева — Wed, 12 Jul 2023 08:43:07 +0000

На 11.07.2023, полициски службеници од Полициската станица Кочани ги лишиле од слобода Д.С.(78), Ј.С.(78) и Д.М.(61), сите од Кочани. При претрес во домот на Д.С. и Ј.С. во Кочани, извршен со судска наредба, биле пронајдени и одземени пушка „Црвена застава“, пиштол „Црвена застава“, повеќе куршуми различен калибар, оптички нишан и други предмети. Додека при претрес во викенд куќа на Д.М. во с.Тркање, кочанско, извршен исто така со судска наредба, биле пронајдени и одземени повеќе куршуми од различен калибар. Лицата биле задржани во полициска станица и по целосно документирање на случаите против нив ќе бидат поднесени соодветни пријави.

ВИДЕО: Претреси во Скопје, Ресен Битола и Кочани, приведени 18 лица, поднесени кривични пријави

Катерина Бојаџиева — Wed, 05 Jul 2023 12:57:01 +0000

Денеска (05.07.2023) од страна на Секторот за внатрешни работи Скопје во содејство со Одделот за криминалистичка полиција и Одделот за специјални полициски операции, во координација со надлежен Јавен обвинител од Основното Јавно Обвинителство Скопје, беше спроведена координирана полициска акција насочена кон лица инволвирани во криумчарење на луксузни моторни возила на подрачјето на СВР Скопје, како и на подрачјата на Битола, Кочани и Ресен. Притоа, извршени се претреси на 24 локации, кај вкупно 23 лица со цел пронаоѓање и обезбедување дополнителни материјални докази кои потекнуваат од извршени кривични дела, а од слобода се лишени вкупно 18 лица, додека по 3 лица се трага. Од страна на СВР Скопје во текот на денешниот ден ќе биде поднесена кривична пријава до ОЈО Скопје за сторени кривични дела „Криумчарење“ по чл.278, „Прикривање на стоки кои се предмет на криумчарење и царинска измама“ по чл.278-б, „Фалсификување исправа“ по чл.378, „Спречување докажување“ по чл.368, „Злоупотреба на лични податоци“ од чл.149, „Фалсификување службена исправа“ од чл.361 и „Компјутерски фалсификат“ од чл.379-а од Кривичниот законик, против 21 лице на возраст од 20 до 49 години, од кои 5 се вработени како референти во Одделение за управни работи – Скопје, и тоа: Д.С.(43), Н.Н.(42), В.И.(48), С.С.(37), А.Л.Т.(29), А.П.(20), З.А.(38), С.А.(49),Н.К.(26),П.М.(41), А.Ј.(38), М.И.(45), Ф.Ф.(31), З.Т.(25), С.К.(39), С.К.(41), И.Ј.(30), М.А.К.(43), Д.Т.(34), М.С.(35), И.В.(46), како и против едно правно лице од Кочани. Од страна на СВР Скопје при преземањето на мерките и активностите во рамки на спроведено криминалистичко истражување утврдено е дека во период од 2020 до 2022 година, пријавените извршувале криминални активности, односно криумчарење на луксузни моторни возила така што им ги менувале оригиналните идентификациони броеви на шасијата, потоа изготвувале или обезбедувале фалсификувана документација и ги внесувале преку државната граница со оригинални или со фалсификувани странски регистарски ознаки или со претходно издадени македонски регистерски ознаки. Тие, избегнувајќи ја царинската контрола ги пренесувале како непријавена стока, без да ги пријават во транзитна постапка за да се отпочне царинска постапка. Притоа, искористувајќи фалсификувани документи, како и претходно издадени оригинални македонски регистарски ознаки кои потоа со употреба на лажни јавни исправи како вистинити, односно со фалсификуван идентификационен број, ги легализирале возилата како оригинални, со цел нивна понатамошна препродажба преку фиктивни продажби како хаварисани и нивни продажби за нереални износи, со цел стекнување на противправна имотна корист од околу 36.329.247 денари, односно над половина милион евра. Во рамки на истражувањето одземени се 14 патнички возила кои се предмет на потрага во Србија, БиХ, Белгија, Луксембург, Данска, Германија, Шведска, Велика Британија и Бугарија, како и џип „ланд ровер“ и 1 мотоцикл. Инаку утрово, со судска наредба и во координација со Јавен обвинител од ОЈО Скопје извршени се претреси на дом и други простории во 23 објекти на подрачјето на Скопје, како и во Кочани, Битола, Ресен, при што се пронајдени и одземени еден воздушен хеклер, марихуана, еден пиштол, прашкаста материја, преку 400 куршуми кал. 9мм, 12 куршуми кал.7,64, куршум кал.7,65 мм, куршуми 7.62 мм, куршуми 7.62 x39, 40 куршуми за гасен пиштол, две воздушни пушки, детектор за метал, четири рамки со по 25 куршуми, еден топовски удар, една рачно направена бомба, еден панцир со плоча, безбол палки, ножеви, стари полициски амблеми, радиоврски, дрон, сензор за аларм, пригушувачи, компјутери и поголем износ на пари во различни валути, осум договори за купопродажба, печати од правно лице и други предмети, како што соопшти Сузана Прањиќ Талевска од МВР. Приведените лицата во текот на денот ќе бидат изведени пред судија на претходна постапка.

Претреси во Битола, пронајдени пиштол, муниција, украдени предмети

Дарко Андоновски — Fri, 09 Jun 2023 07:07:30 +0000

На 08.06.2023 полициски службеници од Одделението за криминалистичка полиција при СВР Битола го лишиле од слобода К.Ј.(26) од Битола. При претрес во неговиот дом, извршен со судска наредба, билe пронајдени и одземени пиштол „зораки“, две рамки за пиштол и 48 куршуми. Тој бил задржан во полициска станица и по целосно документирање на случајот против него ќе биде поднесена соодветна пријава. Вчера, исто така, полициски службеници од криминалистичката полиција при СВР Битола од слобода го лишиле В.А.(43) од Битола. При претрес во неговиот дом, извршен со судска наредба, биле пронајдени и одземени муниција и предмети кои потекнуваат од тешка кражба извршена на 02.06.2023 од страна на неговите малолетни деца. Со нив бил извршен службен разговор во полициска станица, при што го признале делото. По целосно документирање на случаите против нив ќе бидат поднесени соодветни пријави.

Претреси во прилепско, приведено едно лице, пронајдени оружје, муниција, дрога и предмети за извршување на кражби

Катерина Бојаџиева — Wed, 17 May 2023 16:54:28 +0000

Денеска (17.05.2023), полициски службеници од СВР Битола - ОВР Прилеп - Надворешна канцеларија за криминалистички работи Прилеп го лишиле од слобода Д.С.(44) од Прилеп. При претрес во неговиот дом во Прилеп, извршен со судска наредба, биле пронајдени и одземени повеќе предмети за изработување на оружје и за извршување на тешки кражби, како што се солзавец, шишенца исполнети со течност, разновиден алат и друго. При претрес, пак, во викенд куќа во с.Бешиште, прилепско, во која престојувал, извршен, исто така, со судска наредба, полициски службеници од Надворешната канцеларија за криминалистички работи Прилеп и од Полициската станица Старавина при Регионалниот центар за гранични работи Југ пронашле и одзеле прачки индустриски експлозив, бавногоречки штапини, детонаторски каписли, ловечка пушка калибар 12мм, делови од ловечка пушка, ловечки патрони калибар 12мм, куршуми од различен калибар, делови од растение канабис, дигитална вага, противпешадиска мина, рачна бомба, куршуми за карабин, една воздушна пушка и др. Лицето било задржано во полициска станица и по целосно документирање на случајот против него ќе биде поднесена соодветна пријава.

ВИДЕО: Претреси на 27 локации во Скопје, приведени 15 лица, сузбиени три организирани криминални групи инволвирани во недозволена трговија со дрога и оружје

Тале Кристо — Wed, 17 May 2023 13:25:49 +0000

Денеска (17.05.2023) Одделот за сузбивање на организиран и сериозен криминал во координација со Одделот за специјални полициски операции и со учество на тимови од Царинската управа, под раководство на надлежен јавен обвинител од ОЈО за гонење на организиран криминал и корупција, по повеќемесечно криминалистичко истражување, спроведе координирана полициска акција, во која беа сузбиени три повеќечлени организирани криминални групи составени од лица од Скопје, кои подолг временски период беа инволвирани во вршење на кривични дела од областа на недозволена трговија со дрога и оружје. По добиени Наредби за претреси издадени од Судија за претходна постапка, извршени се претреси на вкупно 27 локации во Скопје, и од слобода се лишени 15 лица, на возраст од 20 до 54 години, сите од Скопје, додека по тројца (З.Н., Е.Ш. и Ш.С.) се трага. При извршените претреси, на повеќе локации се пронајдени и одземени кокаин и марихуана кои се предмет на вештачење, муниција, пиштол, патнички моторни возила, поголема сума на девизни и денарски парични средства, мобилни телефони. Одделот за сузбивање на организиран и сериозен криминал во координација по спроведените претреси и пронајдени предмети, како и врз основа на претходно обезбедени материјални докази, денеска (17.05.2023) до ОЈО за ГОКК поднесе кривична пријава против 18 лица од Скопје, за сторени вкупно 20 кривични и тоа, против С.Р.(26), Р.Н.(20), А.Б.(37), Д.Г.(39), Е.А.(23), З.Н.(35), Ѓ.А.(34), М.Б.(33), Е.Ш.(25), Ш.С.(31), А.Р.(23) и Б.А.(33) за „неовластено производство и пуштање во промет на наркотични дроги, психотропни супстанции и прекурсори“, против М.Б.(32) за „неовластено производство и пуштање во промет на наркотични дроги, психотропни супстанции и прекурсори“ и „неовластено изработување, држење, посредување и тргување со оружје или распрскувачки материи”, како и против И.А.(38), Д.А.(54), А.С.(27), О.Н.(39) и М.Б.(42) за „неовластено изработување, држење, посредување и тргување со оружје или распрскувачки материи”. За време на спроведеното криминалистичко истражување утврдено е дека целта на формирањето на трите организирани криминални групи е стекнување на противправна имотна корист која произлегува од извршените кривични дела, а во текот на истрагата во неколку различни случаи документирани се продажби на наркотична дрога, оружје и муниција. Во периодот од јули 2022 до мај 2023 година, А.Р., како организатор, создал осумчлена организирана криминална група со цел купување, држење, пренесување, продавање и посредување во неовластена продажба на кокаин, амфетамин и марихуана во која членувале С.Р., Р.Н., А.Б., Д.Г., Е.А., З.Н. и Ѓ.А. и набавувал дрога од лица од Косово и Албанија која ја криел на безбедни локации во с.Сингелиќ, Скопје, додека останатите членови вршеле нејзина понатамошна продажба на заинтересирани купувачи од Скопје, Велес и други градови во државата. Дел од членовите биле задолжени да ја измерат и спакуваат во помали пакувања за нејзина понатамошна продажба, а останатиот дел од дрогата ја криеле во куќата кај А.Б.. Заради понатамошна продажба, по инструкции на организаторот, А.Б. го ангажирал Д.Г., а тој ги ангажирал Е.А., З.Н. и Ѓ.А. да најдат лица уживатели на дрога, на кои Д.Г. им ја доставувал со свое возило, со цел да ја продадат за сума од 4500 денари до 6000 денари за грам кокаин, од 200 денари до 300 денари за грам марихуана и од 1000 денари до 1500 денари за грам амфетамин. Паричните средства од продажбата ги давале на организаторот, за што истиот им давал одреден процент. При реализацијата е сузбиена и една десетчлена организирана криминална група, чиј организатор е Б.А., во која дел од членовите биле инволвирани во недозволена трговија со оружје и муниција, додека дел биле инволвирани во недозволена трговија со дрога. Во периодот од декември 2022 до мај 2023 година, Б.А., И.А., Д.А., А.С., О.Н. и М.Б. делувале организирано, заради неовластено држење, продавање и набавување на поголемо количество огнено оружје и муниција. Организаторот Б.А. од лице од Косово неовластено набавил автоматска пушка „Калашников“ калибар 7.62 мм, а во повеќе наврати од Д.А., сопственик на стрелиште во Скопје и од А.С., управител на стрелиштето, нелегално набавил поголема количина на муниција (800 куршуми калибар 7.65 мм и 300 куршуми калибар 7.62 мм) која ја купувал по цена од 40-45 денари за куршум. За чување и продажба на оружјето организаторот ги ангажирал О.Н. и М.Б. и кога ќе најдел купувачи по негови инструкции О.Н. го земал оружјето од М.Б. од с.Орланци и го носел на договорена локација во Сингелиќ, каде го продавале по цена од 1000 евра. За транспортот О.Н. добивал по 50 евра, додека останатите пари од нелегалната продажба ги задржувал за себе. За набавка на муниција, организаторот го ангажирал И.А., кој од Д.А. и А.С. набавувал муниција и му ја давал на организаторот Б.А. на договорена локација, каде било и заинтересираното лице кое ја купувало за цена од 70-75 денари за куршум. Дел од членовите на оваа организирана криминална група се инволвирани во уште една организирана група за недозволена трговија со дрога. Во периодот од декември 2022 до мај 2023 година организаторот Б.А. набавувал дрога од лица од Косово и Албанија и ја чувал на безбедни локации, а за понатамошна продажба ги ангажирал членовите во организираната група М.Б., Е.Ш., Ш.С. и М.Б., да наоѓаат купувачи од Скопје и други градови, поради неовластена продажба и пуштање во промет на кокаин и марихуана. Членовите го договарале видот, количината и цената, а по инструкции на организаторот, М.Б. го пренесувал кокаинот од с.Арачиново до Синѓелиќ, каде Б.А. ја продавал на заинтересирани купувачи, додека Е.Ш. пренесувал кокаин и хероин од с.Арачиново и ги продавал на заинтересираните уживатели. За транспорт на дрога го ангажирал и М.Б., кој кокаинот го пренесувал и доставувал на Ш.С. во Шуто Оризари, кој го пакувал и го продавал на лица на подрачјето на Шуто Оризари, за што од организаторот добивал одредена сума на пари. Лицата моментално се задржани во полициска станица, а по комплетирањето на доказниот материјал ќе бидат изнесени пред надлежен судија.

Претреси во Сингелиќ и Арачиново, специјалците се на терен

Дарко Андоновски — Wed, 17 May 2023 12:30:44 +0000

Во Сингелиќ и Арачиново од утрово се претресуваат домови на повеќе локации, а во акцијата учествуваат и специјалци, кои вршат пребарувања. „Во тек се претреси во домови на повеќе места и кога ќе завршат во текот на денот, ќе излезат со соопштение“, велат од МВР. Акцијата е во координација со обвинителство за гонење организиран криминал и корупција.

Претреси на повеќе локации- пронајдени хероин, кокаин, украдени ексклузивни часовници и златен накит

Катерина Бојаџиева — Sun, 14 May 2023 17:38:14 +0000

Денеска (14.05.2023) од страна на полициски службеници беа вршени претреси во домови, возила и помошни објекти на подрачјата на неколку сектори за внатрешни работи, при што беа пронајдени повеќе предмети поврзани со различни кривични дела. Така, инспектори од Одделот за крим полиција - Одделение за недозволена трговија со дрога и оружје Битола, при претрес извршен со наредба од судија на претходна постапка од Основен суд Битола во домот на Т.П.(48) од Битола пронашле и одзеле поголем број предмети кои потекнуваат од кривичните дела "неовластено производство и пуштање во промет на наркотични дроги, психотропни супстанции и прекурсори", "кражба" и "тешка кражба". Во пронајдените предмети се кутија со бела грутчеста материја, бела прашкаста материја, повеќе ќеси со остатоци од бела прашкаста материја, две дигитални ваги со остатоци од кокаин, таблети, нож со остатоци од кокаин, скенер-детектор, лаптоп компјутер, два мобилни телефона, пет екслузивни рачни часовници, повеќе парчиња златен накит, над осум илјади евра во различни апоени, 600 австралиски и 800 американски долари, 30 илјади денари, патничко возило "БМВ", со битолски регистарски ознаки. За случајот е известен Јавен обвинител и по неговото целосно документирање против Т.П. ќе следи соодветен поднесок. Во 16.45 часот полициски службеници од Одделението за недозволена трговија со дрога и оружје при ОВР Струга го лишија од слобода А.Л.(46) од Струга. По преземени мерки и активности, извршен е преглед на неговото возило „ауди“, со струшки регистарски ознаки на улицата „Петар Ѓончески Гиле” во Струга, при што полициските службеници пронајдоа и одзедоа осум опаковки со кафеава прашкаста материја - хероин. По целосно документирање на случајот и против него ќе биде поднесена соодветна пријава. Претходно во текот на изминатото деноноќие претреси со судски наредби беа извршени на подрачјето на СВР Струмица, при што во домот на Д.П.(20) од село Ангелци, струмичко, бил пронајден предмет кој потекнува од извршено кривично дело разбојништво, додека на подрачјето на СВР Тетово во домот на Б.Х.(23) од Тетово, била пронајдена и одземена марихуана. Лицата се приведени и следуваат кривични пријави.

Претреси во Делчево, пронајдена дрога, приведени две лица

Тале Кристо — Sat, 15 Apr 2023 10:01:59 +0000

На 14.04.2023 во 13.30 часот во Делчево, полициски службеници од Полициската станица Делчево го лишиле од слобода Д.И.(23) од Делчево. При претрес во неговиот дом, извршен со судска наредба, биле пронајдени и одземени марихуана и предмети со остатоци од марихуана. Исто така, во Делчево, со судска наредба, бил извршен претрес и во домот на С.М.(23) од Делчево, при што била пронајдена и одземена марихуана. Со двајцата бил извршен службен разговор во полициска станица и по целосно документирање на случајот против нив ќе биде поднесена соодветна пријава.

Претреси во Битола- пронајдена дрога, приведени шест лица

Катерина Бојаџиева — Tue, 11 Apr 2023 08:41:18 +0000

На 10.04.2023, полициски службеници од криминалистичката полиција при СВР Битола извршиле претреси на повеќе локации во Битола и прегледи на повеќе лица, при што биле пронајдени хероин, марихуана и други предмети. При претрес со судска наредба во домот на Л.Н.(39) од Битола биле пронајдени и одземени марихуана, дробилка со остатоци од марихуана и други предмети. При претрес во домот и други простории кои ги користи О.П.(44) од Битола, извршен со судска наредба, биле пронајдени повеќе предмети за кои постои сомнение дека потекнуваат и се поврзани со кривично дело по член 215 од Кривичниот законик. При преглед на П.П.(40) од Битола бил пронајден и одземен хероин. Додека, при преглед кај О.Д.(37) од Битола, исто така, бил пронајден и одземен хероин, а со него биле затекнати и Г.С.(20) од Битола и Ф.О.(36) од Ресен. Сите лица биле задржани во полициска станица и по целосно документирање на случаите ќе следуваат соодветни пријави.