претседатели – Kurir.mk

Претседателите на бугарските клубови во Македонија добиваат бугарски пасоши – ќе им ги врачи претседателот Румен Радев!

Дарко Андоновски — Fri, 19 May 2023 09:55:28 +0000

На свечена церемонија бугарскиот претседател Румен Радев ќе им ги врачи бугарските лични документи на Љубчо Георгиевски и Благој Шаторов – претседателот и секретарот на затворениот бугарски клуб од Битола „Иван Михајлов“. Потпретседателката на Бугарија Илијана Јотова ги потпиша указите за стекнување бугарско државјанство врз основа на нивното бугарско потекло, јавува „БНТ“. Пред една недела, на официјална церемонија и со интонирање на химната, Јотова му врачи буагрски документи на секретарот на затворениот бугарски културен клуб во Охрид, Христијан Пендиков. Потпретседателката во таа прилика го опиша Пендиков како храбар млад човек, кој и покрај провокациите, останал верен на бугарската самосвест и идентитет. Пендиков подоцна, во интервју за БНТ истакна дека сè уште има многу македонски Бугари, како што се претседателите на бугарските клубови, кои немаат бугарско државјанство, а за ова доставиле документи пред долго време. „Најистакнатите македонски Бугари, тие што најмногу се борат, кои добиваат најмногу закани, тие немаат бугарско државјанство, но тие пред многу години поднеле документ за бугарско државјанство и чекаат, им треба помош“, рече Пендиков во интервјуто. Пендиков е родум од Охрид. За јавноста непознат додека не беше натепан, инцидент кој потоа беше политизиран. Како причина беше наведено тоа што Пендиков се декларира како Бугарин, а се зборуваше дека тој имал нерасчистени сметки со напаѓачите. Тој беше секретар на сега згаснатиот бугарски клуб во Охрид, со контроверзно име „Цар Борис III“. Против него се води и предмет во охридското Обвинителство поради омаловажување на македонскиот народ и Македонија.

Избрани се новите претседатели на месните и урбаните заедници од Кисела Вода

Магдалена Андонова — Mon, 06 Jun 2022 17:31:57 +0000

Градоначалникот Орце Ѓорѓиевски попладнево им ги врачи уверенијата на новите Претседатели на месните и урбаните заедници од Кисела Вода, кои ја освоија довербата од Советите избрани од граѓаните. -Се работи за укажана чест, но најмногу од се’, се работи за одговорна задача на која ќе треба да одговорите најдобро што умеете. Работата започнува веднаш. Ваша обврска ќе биде да ги евидентирате новонастанатите проблеми, да информирате за теренскиот дел од решавањето на тековните проекти, да бидете првата станица каде што граѓаните ќе се обратат кога ќе имаат било каков проблем. Вакви средби ќе имаме барем еднаш во месецот за навремено да ме информирате мене, како градоначалник и општинските служби, како би можеле што побрзо да реагираме, истакна градоначалникот во своето обраќање. Додаде дека е свесен за лошата финансиска состојба во која беше оставена Општината и децениските инфраструктурни комунални проблеми на жителите за кои никој ниту нарачал, ниту изработил проект, посебно акцентирајќи ги Стаклара и Пинтија. Таму, информираше, сега се нарачани проекти. Во Стаклара за водоводна и фекална, а во Пинтија за фекална канализациона мрежа, кои би требало да стартуваааат во наредниот период. На средбата информираше и за интервенциите во другите месни и урбани заедници, го издвои селото Драчево, интервенциите на улицата “Речиште”, каде се направи измена на постоечкиот проект, скратување на трасата, но и вметнување на пумпи во канализацијата, па од среда веќе ќе се пристапи и кон асфалтирање на тој потег. Подоцна ќе се продолжи и кон другиот потег за кој исто така немаше проект, но сега е изработен и таму се решава децениски проблем, додаде Ѓорѓиевски, најавувајќи дека на друг потег на “Речиште” во должина од 1450 метри, заедно со ЈП “Водовод и канализација”, многу скоро ќе отпочне и промена на водоводна мрежа. Проговори и за реконструкцијата на сите улици во Црниче и Пржино, како и целосната реконструкција на километрите патна мрежа во населбата Драчево на битни сообраќајници на кој никој не интервенирал децении наназад. Ќе се работи во сите месни и урбани заедници, целта ние да постигнеме рамомерен развој во целата општина, за што, нагласи, клучна ќе биде добрата соработка меѓу вас и граѓаните, но многу битна ќе биде и нашата комуникација, бидејќи целта ни е заедничка-ефикасно и брзо да одговориме на сите прашања и да ја подобриме работата на Општина Кисела Вода, изјави градоначалникот Ѓорѓиевски. Во наредниот период, најави посета и средби со граѓаните во месните заедници за кои термините дополнително ќе се утврдат. Сите жители на општина Кисела Вода кои имаат потреба од телефонски контакт со месната заедница во која живеат, истиот можат да го пстварат преку телефонските броеви достапни на општинската веб страница на следниот линк: http://www.kiselavoda.gov.mk/index.php/2012-11-08-11-26-20 .

Избрани четири нови претседатели на основни судови, разрешен еден судија

Магдалена Андонова — Mon, 05 Jul 2021 15:00:38 +0000

Судскиот совет на денешната 377-та седница разреши еден судија и избра претседатели на основните судови во Гостивар, Дебар, Гевгелија и Свети Николе. – Елјеса Алији судија од Основен суд Гостивар е избран за претседател на Основен суд Гостивар, Мерсим Марку судија од Основен суд Дебар е избран за претседател на Основен суд Дебар, Марица Аврамчева Зафирова судија од Основен суд Гевгелија е избрана за претседател на Основен суд Гевгелија и Лилјана Додевска судија од Основен суд Свети Николе е избрана за претседател на Основен суд Свети Николе, соопшти Републичкиот судски совет. Кандидатот за претседател на Основниот суд Виница не го доби потребното мнозинство согласно законот и Советот донесе Одлука за објавување нов оглас за избор на претседател на овој Суд. Воедно, денеска Судскиот совет разреши и еден судија поради нестручно и несовесно вршење на судиската функција и времено е оддалечен од вршење на судиската функција. Како што објавија некои медиуми, станува збор за судијата Горан Бошевски од Кривичниот суд – Скопје. Од Судскиот совет за МИА не можеа да ја потврдат оваа информација, посочувајќи дека името на судијата ќе биде објавено кога одлуката ќе биде потврдена од Врховниот суд.(МИА)

Во Лабуништа средба на полициски службеници со претседатели на месни заедници за преземање мерки за заштита од коронавирусот

Тале Кристо — Sun, 15 Mar 2020 13:09:08 +0000

Полициски службеници на иницијатива на ОВР Струга во струшкото село Лабуништа, вчера одржаа работен состанок со членови на советодавна група граѓани и председателите на месните заедници од селата Лабуништа, Октиси, Подгорци, Боровец и Јабланица. Средбата, како што соопшти МВР, имала информативно-превентивен карактер во врска со актуелната состојба со појавата на вирусот Ковид-19, прогласената кризна состојба во општините Дебар и Центар Жупа, како и преземање мерки за заштита на целото подрачје од корона вирусот. На работната средба, како што соопшти Министерството за внатрешни работи, на присутните им било укажано на потребата од доследно спроведување на мерките за спречување на внесување, ширење и сузбивање на коронавирусот, што ги презема Владата. Посебно била нагласена потребата од почитување на препораките за самоизолација во период од 14 дена на лицата кои доаѓаат од високоризичните земји, со посебен акцент на лица од Италија. – Договорена е засилена координација на председателите на месните заедници со полициските службеници за прецизно утврдување на идентитетот на лица кои во изминативе денови допатувале од високоризичните земји, со насоки и укажувања за доследна примена на препораката за 14-дневна самоизолација во сопствените домови. Договорено е, на таквите лица да им се укаже на обврската за задолжителни телефонски контакти со Центарот за јавно здравје во Охрид на мобилниоот телефон 070 723 029, се наведува во соопштението. Во случај на потреба од дополнителни информации, сите правни и физички лица можат да се обратат на полицискиот телефон 192 и исклучително да се придржуваат до насоките на полициските службеници. Сите оние кои ги прекршуваат дадените препораки, додаваат од МВР, ќе бидат санкционирани согласно член 205 и 206 од Кривичниот законик.

Одложено одлучувањето за правата на поранешните претседатели

Ивона Петрова — Wed, 11 Mar 2020 12:32:54 +0000

Одлучувањето по иницијативата поднесена на Законот за правата на претседателот на државата и неговото семејство по престанување на функцијата е одложено за следната седница, бидејќи Уставниот суд денеска не беше во полн состав. Иницијативата е поднесена од Државната комисија за спречување корупција (ДКСК), која бара парламентарно и уставносудско преиспитување на оправданоста на одредени законски решенија за привилегиите на поранешните претседатели. Антикорупциската комисија во септември минатата година побара од Службата за општи и заеднички работи на Владата да го раскине договорот за закуп на просториите на поранешниот претседател Ѓорге Иванов и да му додели канцеларии во државна сопственост. Според Комисијата, просториите на поранешниот претседател се избрани во нетранспарентна постапка. -Во мала и сиромашна држава како нашата се трошат многу средства за поранешните претседатели, а нема ниту ограничувања колку години треба да им се покриваат трошоците по завршувањето на нивниот мандат, како што е во најголем број држави во регионот и пошироко. Тие дури не поднесуваат ни извештај какви активности имале или имаат, изјави тогаш претседателката на ДКСК, Билјана Ивановска, подвлекувајќи дека за десет години за трошоците на поранешните претседатели се потрошени повеќе од милион евра. Според Законот за правата на претседателот и неговото семејство по престанок на функцијата, тој има право на пензија чиј износ е еднаков со износот на платата што ја прима претседателот на државата, има право на канцелариски простор и најмногу тројца соработници. Има и право на лично обезбедување, како и право на користење службено возило и возач. Законот предвидува и да учествува на државни свечености и манифестации редоследно по претседателот на Републиката, претседателот на Собранието, претседателот на Владата и претседателот на Уставниот суд. Според Законот, парите се обезбедуваат од Буџетот. Во случај на смрт на претседателот за време на мандатот, пензијата намалена за 30 отсто ја користат неговиот брачен другар и неговите малолетни деца до завршување на редовното школување, односно до наполнети 26 години возраст. Исто така имаат право на месечен паричен надоместок кој е еднаков со износот на платата што ја прима претседателот и ова право брачниот другар го користи трајно. Од поранешните претседатели, Бранко Црвенковски има доживотна претседателска пензија и кабинет. Семејството на загинатиот претседател Борис Трајковски, неговата сопруга Вилма и децата имаат други права предвидени со Законот. Актуелниот претседател Стево Пендаровски при стапувањето на функцијата најави дека по заминувањето од должноста ќе се откаже од привилегиите што му следуваат по закон – користење на канцеларии со соработници и доживотна претседателска пензија. Според Уставот и законот, доживотните привилегии еден поранешен претседател може да ги загуби само ако бил разрешен со импичмент или ако Уставниот суд констатирал за време на мандатот дека претседателот има деловна неспособност.